Gálatas 5:1 - La'aqtaqa Ñim Lo'onatac 'Enauacna 2013

¹ ¡So Jesucristo nacheso so qomi' huesochiyiñi naqa'en! ¡Somaye ỹataqta 'eesa da qomi' huesochiyiñi naqa'en! Qaq ỹoqo'oye de'era qami' ỹo'oteque So Cristo da qami' huesochiyiñi, qaq nachera qome qana'añaxachec qataq saishet qome da qavi'eguelaqaỹa da choche qami' l-lataqa na namaxasoxonaxacpi.

Nuevo Testamento Toba Sur

¹ So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

Nuevo Testamento Toba Sombrero Negro

¹ ¡Yataqachiñe eja da'me male qo'mi uojotedañi, qa'a nach'eñe ñe'me Jesucristo qo'mi yejodegue! Chane'eja ena'te oquiya'e da'me dojo' ami qoyejodegue, uotaĝa ta'le a'viyelaqaiya da'me yitaĝa ami lelataqa daa'me namaĝajoĝonaĝaco.

Gálatas 5:1 Referans Kwoze

2 Corintios 3:17

Cha'aye So Qarataxala' qataq So Saqcha'a Na'añaxac 'oonolec da lataxac, qaq ỹoqo'oye cam hueta'ague So Saqcha'a La'añaxac So Qarataxala', nache qaica ca saq huesochiguiñi. Qaq qomi' mashe qaica som lapoxot na qarashec, nache shenaqta'am aca tannaxai da lqashelgaxa da sachaxanaq da llo'oxoyec Ñim Qarataxala' maye naralaxat da qanachaalataxac. Qaq huo'o da qana'achec souaxat da qomi' ỹo'oteque So Saqcha'a Na'añaxac da ñequigaqta'aguet naqa'en da shenaqta'am Somaye.

Gálatas 5:13

Qami' ỹaqaỹa't, Ñim Lo'onatac 'Enauacna qami' iỹaxanalo da yaqto' qami' huesochiyiñi. Qalaxaye saishet da qauo'ogoxoñiỹa damaye da yaqto' qauo'oche ca qauem. Nachaqrato' da ñi 'oonolec huapegue' ca lỹa souaxat da qarsoxoyiqui.

1 Pedro 2:16

Qami' huesochiyiñi cha'aye qauo'onataxañiitacot Ñim Lo'onatac 'Enauacna. Qalaxaye saishet da souaxat da qami' huesochiyiñi, nache ishet da qauo'oche ca qauem.

Romanos 6:14

Yaqto' de'era ñe'etaxaloxo qaica ca la'añaxac da qami' ỹama'q, cha'aye mashe saishet da qami' l-lataqa na namaxasoxonaxacpi. Nagui nache qauo'onataxañiiteguelec da lsoxoyec Ñim Lo'onatac 'Enauacna.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Gálatas 4:9

Qalaxaye nagui qauauattoñi Ñim Lo'onatac 'Enauacna. Qaq dam ỹoqta 'eesa 'eeta': Ñimaye maye qami' ỹauatto'n. Qaq ỹoqo'oye saishet da saỹaten da chaq ta'ainco' da sa qami' ala'q da qanañañiỹot nam qanatameetacotpi maye saq 'en. Ye namayepi qaica ca la'añaxac qataq qaica ca naigui.

Hebreos 10:23

Qolaqto'ot qome da sepi'iỹaqa'a Ñim Lo'onatac 'Enauacna da qomi' nca'alaxatre'c qataq saishet da seqolectaxanaq, cha'aye Ñimaye ipaqueelec nam qomi' ỹachaxanapecoto.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Gálatas 4:31

Qami' ỹaqaỹa't, qomi' saishet da qomi' l-lataqa na namaxasoxonaxacpi, nachaqrata da qomi' huesochiyiñi. Saishet da shenaqta'am so llalec aso nlata, nachaqrata da shenaqta'am so llalec aso 'alo maye ỹataqta huesochiguiñi.

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

2 Pedro 2:19

Qataq ỹachaxanapecot da huesochiguiñi namayepi da ỹo'ot ca maiche 'eetapeguec, qalaxaye namayepi saishet da ỹañoxot da ỹaxaañi da ỹo'ottac na qauem. ¡Qaq nachena ne'ena qauempi na iviraxata'a da ilaxachigui namayepi! Cha'aye ca saishet da ỹaxaañi da ỹo'ottac na lasouaxashetpi, nache camaye ivira'a da l-latac da ñe'etaxaloxo.

1 Corintios 16:13

Ỹataqta qanloitec, qataq qana'añaxacheetec da qarpi'iỹaxaqui. Qaue'enaxache ca shiỹaxaua ỹataqta qaramchigui qataq 'añaxaic.

Romanos 7:6

Qalaxaye nagui na namaxasoxonaxacpi mashe saishet da qomi' ilotegueto. 'Ena'am da mashe seleuaq. Nagui nache qomi' huesochiyiñi qataq dalaxaic da qarataxac da so'onataxanaqot Ñim Lo'onatac 'Enauacna. Saq 'ena'am so hua'auchiguiñi, co'ollaq salaxasoqtapeeguet na togoshec namaxasoxonaxacpi, nachaqrata da nagui salaxasoxoguet So Saqcha'a Na'añaxac Qui'itta.

Romanos 6:18

Qaq nagui mashe qami' huesochiyiñi saishet da qami' l-lataqa da ñe'etaxaloxo, nache qauo'onataxañiitacot Ñim Lo'onatac 'Enauacna da qauo'oche ca ỹaỹamaqchiguiñi.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Hechos 15:10

Qaq ỹoqo'oye nagui qami', ¿ta'ainco' ye qauauoitaique da qauataiỹa'aguet nam ỹo'otpi Ñim Lo'onatac 'Enauacna? Qataq ¿ta'ainco' da qauauoitaique da qoñiỹapega nam quetague' So Jesús da ỹalaxalec na namaxasoxonaxacpi, ye so hua'au qarta'alpi qataq qomi' sa seshetaq da salaxasoxolec?

1 Corintios 7:22

Cha'aye ca shiỹaxaua da nlatac co'ollaxa da ỹa'amaqten So Qarataxala', nache Somaye ỹanem da huesochiguiñi. Qaq nache 'eeta'am cam huesochiguiñi da da'amqaanataxan co'ollaxa, nache camaye l-latac So Qarataxala'.

Salmos 51:12

¡Qataq aỹem 'avi'eguelaxatot qome da ñetonaxac maye chegoqchigui da 'arca'alaqtaxanaxac! ¡Qataq aỹem ỹa'añaqchet 'anqa'en qome so Saqcha'a 'Ara'añaxac maye huotaxanaqtaqaic!

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

Efesios 6:14

Nache ỹataqta qanaỹamaxacheetai', qansachiigui da 'eesa lataxac, qataq qaupaqtaxañiỹa da no'on nataxac da 'eeta'am qanqa'eñi aca npaxaalec ana ltogue ca huataxanaq le'ec.

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

Hebreos 4:14

So Jesús, Somaye Llalec Ñim Lo'onatac 'Enauacna, qataq nacheso Som Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, Som 'oonolec maye inoxoneua'a ca hueta'a Ñimaye. Qaq ỹoqo'oye iuen da qolaqto'ot da qanaquitaxac Somaye.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

2 Ts 2:15

Qaq ỹoqo'oye qami' qarqaỹa't, saqco' qome ca qauqochiỹa, qoquiito'ot qome da qanaquitaxaqui Ñim Lo'onatac 'Enauacna qataq saishet da qaucoviỹa'ai da qarapaxaguenataxanaxac naxa da qami' souaqta'agueta huo'otaq na huetalec ana qorere maye qami' samaxasoqtegalo.

1 Ts 3:8

Nagui da saỹatenaq de'era, nache ñanomaqteguet da dalaxaic da qara'añaxac.

Gálatas 4:26

Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Gálatas 3:25

Qalaxaye nagui mashe ivita ye laloqo' da qomi' sauoqo'o ca qarpi'iỹaxac So Jesucristo, nache saishet da iuen da na namaxasoxonaxacpi qomi' ỹaueca'agueta qataq da qomi' ỹapaxague'n.

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Mateo 23:4

Cha'aye namayepi ỹauo'o na damaxasoxoolec ỹataqta alaqaic da ishet da qaipaqueelec, qalaxaye saishet da ỹo'ot ca qapio'olec na'añaxataxac da yaqto' ishet da ipaqueelec namayepi.

Romanos 7:3

Qaq ỹoqo'oye acamaye da huo'otaq huaroneguet ca lỹa ỹale, da huo'otaq ña nca'altauec ca lhua, nache acamaye saishet da ipaguelec da lataxac da nhuaỹaxac. Qalaxaye da mashe ileu que'eca lhua, nache acamaye huesoueeguesop da lataxac da nhuaỹaxac, nache ishet da ỹe'eguelaxalec da qaltaq huaron, nache saishet da qaỹamata'ac da saishet da ipaguelec da lataxac da nhuaỹaxac.

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

2 Corintios 11:20

Cha'aye qana'añaxacheeguet nam shiỹaxauapi maye qami' ỹamaqta'ape da choche qami' lo'onataxanaxanaqa, qataq qami' nhuottaleguete, qataq qami' ỹatenachetta'ape, qataq saishet da qami' iyacna'ape, qataq da iuaxaatapoiguilo naua qarashegolli'.

Lucas 5:38

Qaq ỹoqo'oye que'eca dalaxaicolec lataxa, camaye iuen da qaicoyigui aca dalaxaale lo'oc ca shiguiỹac.