Gálatas 4:7 - La'aqtaqa Ñim Lo'onatac 'Enauacna 2013

⁷ Qami' mashe saishet da qoñiita'am ca camachaqca nlatac, cha'aye mashe qami' llalqa Ñim Lo'onatac 'Enauacna. Qaq nagui da ỹoqta qami' llalqa, nache nataqa'en qauacoñiiguet qome da lsallaxa.

Nuevo Testamento Toba Sur

⁷ Qaq ÿoqo'oyi nagui ÿataqta 'am llalec ñi Dios, qaq sa ishit da chochi 'am nlatac. Qaq nagui da ÿoqta 'am llalec, nachi ñimayi 'am ÿami' qome da lsallaxa mayi ÿachaxanapec da ÿan, chigoqchigui naq'en so Cristo.

Nuevo Testamento Toba Sombrero Negro

⁷ Chane'eja ami male ja aueñiya'ama jogaa'me nelataqapi, dite da'me yataqachiñe lec'oqo'tolqa ñe'me Dios, qama'le queda'me ami lec'oqo'tolqa, male chimaqachiñe ta'le nach'e ena'am auacoñiyeguet da'me leuoyaĝac joñe'me.

Gálatas 4:7 Referans Kwoze

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Gálatas 4:31

Qami' ỹaqaỹa't, qomi' saishet da qomi' l-lataqa na namaxasoxonaxacpi, nachaqrata da qomi' huesochiyiñi. Saishet da shenaqta'am so llalec aso nlata, nachaqrata da shenaqta'am so llalec aso 'alo maye ỹataqta huesochiguiñi.

Salmos 73:26

Qaq da ỹo'ocỹaxac qataq iquiyaqteỹaxac qaica ca la'añaxac, qalaxaye Ñim Lo'onatac 'Enauacna ỹa'añaqchet añi iquiyaqte. Qaq Ñimaye nache 'eetai' da aỹem hueta'aguet.

Lamentaciones 3:24

Qaq aỹem shenapec naxa, da Ñim Nataxala' nachaqñita 'oonolec ñaqa'en, qaq ỹoqo'oye aỹem sepi'iỹa'a Ñimaye.

Jeremías 10:16

¡Ñim Natamnaxala' so Jacob ỹataqta huaỹoqtec da lataxac, cha'aye Ñimaye ỹo'ot co'ollaxa 'enauac nam huo'o! Ñimaye lca'aguishec na Israel le'ecpi da yaqto' lalamaxat. Dam le'enaxat Ñimaye, 'eeta': Nataxala' maye Qaica ca Ỹaqalanapec.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Salmos 16:5

'Am Nataxala', nache 'amta da aỹem qoueta'aguet, cha'aye nache 'amta da aỹem 'aỹa'anem da 'archoxonnataxanaxa, da ñachaalataxac qalaq nache huetaiguilo naua 'arhua'q.

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.