Gálatas 4:5 - La'aqtaqa Ñim Lo'onatac 'Enauacna 2013

⁵ Qaq 'era da 'eetec da lviraxac Somaye, yaqto' ishet da qomi' huesore'c naqa'en da yaqto' saishet da souaqto'ot da lamaxasoxonaxac na nqataxacpi, nache Ñim Lo'onatac 'Enauacna qomi' nanereleguete da yaqto' ỹataqta qomi' llalqa.

Nuevo Testamento Toba Sur

⁵ Qaq 'eda da 'eetec da lvidaxac somayi, yaqto' ishit da qomi' huesodeec naq'en da yaqto' sa ishit da souaqto'ot na nqataxacpi, nachi ñi Dios ishit da qomi' ÿacongueta da ÿataqta qomi' llalqa.

Nuevo Testamento Toba Sombrero Negro

⁵ Dios namaĝaquena ñe'me Lec'oĝot qaedi qo'mi jo'ne joqochaĝalo daa'me namaĝajoĝonaĝaco male yejodegue. Yem qama'le qo'mi yanema da'me lec'oĝochiyaĝac qaedi ena'am ta'le yataqachiñe qo'mi lec'oqo'tolqa.

Gálatas 4:5 Referans Kwoze

Hebreos 9:15

Qaq ỹoqo'oye chegoqchigui So Jesucristo da senoxonaxaua'a dam dalaxaic naỹamaxataxac Ñim Lo'onatac 'Enauacna. Cha'aye so Jesucristo ileu co'ollaxa da yaqto' Ñim Lo'onatac 'Enauacna ỹapalaxat nam qauem maye so'otaq co'ollaq so'onataxanaqteguelec som togoshec aỹamaxataxac. Qataq chegoqchigui da l-leuaxa da qomi' maye qomi' lca'agui'she Ñim Lo'onatac 'Enauacna, saconaxaguet da nca'alaxa chochaq tatec maye ỹachaxanapec Ñimaye.

Efesios 1:5

ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Romanos 8:23

Qaq saishet da nachaqanata anamaye da huo'o da nqui'ic, cha'aye nataqa'en qomi' huo'o da qanque'eenaxac, qomi' maye qomi' hueta'agueta So Saqcha'a Na'añaxac Qui'itta som la'auaxanec qataq la'anaxat 'enauac cam qomi' ỹanema Ñim Lo'onatac 'Enauacna qome. Nagui da ñaq seuataqta'a Ñimaye da qomi' nanereleguete da ỹauo'oi qomi' llalqa qataq 'enauac da qomi' huesochiyiñi naqa'en, nache huo'o da qanqui'ic, qalaxaye ñe'emaxataqta.

Gálatas 4:7

Qami' mashe saishet da qoñiita'am ca camachaqca nlatac, cha'aye mashe qami' llalqa Ñim Lo'onatac 'Enauacna. Qaq nagui da ỹoqta qami' llalqa, nache nataqa'en qauacoñiiguet qome da lsallaxa.

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

Juan 1:12

Qalaxaye nam ỹaconeguet qataq ỹa'amaqten, qaq nachena na ỹoqta 'itchiguiñi da llalaqpi Ñim Lo'onatac 'Enauacna.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Romanos 8:19

'Enauac nam lo'onatacpi Ñim Lo'onatac 'Enauacna iuatta'a qataq ỹataqta lta'araic da lachetataic, da Ñimaye 'enauac qomi' ỹachaxanalo na huetalec ana 'alhua da ỹataqta qomi' llalqa.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Gálatas 4:21

Qami' maye qauauoitaique da qaualaqailec na namaxasoxonaxacpi, ñaq aỹem qaua'aqtaxañim: ¿Saishet peta'a da qautaxaỹaxañiita'ape naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna da nataqa'en ỹa'axattac so Abraham?

Lucas 1:68

«¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Romanos 8:14

Qaq 'enauac nam quetague' So Saqcha'a La'añaxac Ñim Lo'onatac 'Enauacna, namayepi ỹataqta llalaqpi Ñimaye.

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

Romanos 10:4

Qaq Ñimaye saishet da qomi' ỹaỹamaxareete' souaxat da salaxasoxoguet na namaxasoxonaxacpi; cha'aye nagui Ñimaye nda'a't da ỹaconeguet cam huo'o da lpi'iỹaxac So Cristo. Cha'aye So Cristo nacheso so loga't nam namaxasoxonaxacpi.