Gálatas 4:3 - La'aqtaqa Ñim Lo'onatac 'Enauacna 2013

³ Qaq 'era da 'eetec qomi', co'ollaq ñaq saxanaxa da sauattonaq So Cristo: Nam saq cha'api maye ilotague' 'enauacna, 'eeta'ama qomi' naqa'en ca l-latac.

Nuevo Testamento Toba Sur

³ Qaq 'eda da 'eetec qomi'. Co'ollaq ñaq souaqtaigui da qannogotshic, nachi qomi' souaqto'ot nam lhuennataxac nam shiÿaxauapi mayi huetalec ana 'alhua.

Nuevo Testamento Toba Sombrero Negro

³ Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.

Gálatas 4:3 Referans Kwoze

Colosenses 2:20

Qaq 'eesa da qami' qana'ayeetaua'a So Cristo, chegoqchigui da l-leuaxa co'ollaq qaiuaxaneguet so npe'enaxaqui, qaq ỹoqo'oye mashe saishet da qami' ilatta'ape nam saq cha'api maye ilotague' ana 'alhua. Qalaxaye ¿ta'ainco' da qarataxaqui da 'eeta'am da ñaq qoviito'ot da la'añaxac namayepi? ¿Ta'ainco' ye qaualaqaitapeeguet naxa nam 'eeta' da la'aqtac:

Colosenses 2:8

Qaq maxatchaxa qome, saishet da qana'axaỹaxañeeto'ot nam nshetaique da qami' ỹatenacheteque naua lhuennataxaco maye 'eetega 'eesora 'eeta'am da ỹaanaxanaxaic, qalaxaye naamaye maiche laỹaanataxanaxaco na shiỹaxauapi. Ne'ena shiỹaxauapi ỹalaqtapeeguet na saqcha'a na'añaxacpi maye lma' ana 'alhua, qaq saishet da ỹalaxaguet So Cristo.

Gálatas 4:9

Qalaxaye nagui qauauattoñi Ñim Lo'onatac 'Enauacna. Qaq dam ỹoqta 'eesa 'eeta': Ñimaye maye qami' ỹauatto'n. Qaq ỹoqo'oye saishet da saỹaten da chaq ta'ainco' da sa qami' ala'q da qanañañiỹot nam qanatameetacotpi maye saq 'en. Ye namayepi qaica ca la'añaxac qataq qaica ca naigui.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Gálatas 4:31

Qami' ỹaqaỹa't, qomi' saishet da qomi' l-lataqa na namaxasoxonaxacpi, nachaqrata da qomi' huesochiyiñi. Saishet da shenaqta'am so llalec aso nlata, nachaqrata da shenaqta'am so llalec aso 'alo maye ỹataqta huesochiguiñi.

Hechos 15:10

Qaq ỹoqo'oye nagui qami', ¿ta'ainco' ye qauauoitaique da qauataiỹa'aguet nam ỹo'otpi Ñim Lo'onatac 'Enauacna? Qataq ¿ta'ainco' da qauauoitaique da qoñiỹapega nam quetague' So Jesús da ỹalaxalec na namaxasoxonaxacpi, ye so hua'au qarta'alpi qataq qomi' sa seshetaq da salaxasoxolec?

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Hebreos 7:16

Somaye huaỹoqtec da lataxac, cha'aye saishet da nca'aguishec da chegaqaigui ca 'oonolec nhuo' le'ecpi, nachaqrata da souaxat da Somaye chochaq tatec da lca'alaxa.

Gálatas 3:19

Nache ¿negue'to' qone' cam naigui na namaxasoxonaxacpi maye chegoqo'ot so Moisés? Cha'aye co'ollaq ime da huo'o so ỹachaxanapecot so Abraham Ñim Lo'onatac 'Enauacna, nache Ñimaye qomi' ỹanema na lamaxasoxonaxacpi da yaqto' qomi' ỹachaxanalo da nam so'otaqtac ỹataqta sa ỹaỹamaxañi. Choche ivitta'a da nvi' som llalec so Abraham maye Ñim Lo'onatac 'Enauacna ỹachaxanapecot co'ollaxa somaye. Ñim Lo'onatac 'Enauacna ỹami' so lqataxacpi so Moisés chegoqchigui naqa'en na lamaxashecpi piguem le'ecpi yaqto' somaye qomi' ỹanema.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Romanos 7:14

Cha'aye qomi' saỹaanaq da na namaxasoxonaxacpi chegoqo'ot Ñim Lo'onatac 'Enauacna. Qalaxaye aỹem choche aỹem shiỹaxauatto, qaq ỹoqo'oye sa seshet da ñellañi nam qauem iqopitaxanaqtaiguesat qataq aỹem l-latac da ñe'etaxaloxo.

2 Corintios 11:20

Cha'aye qana'añaxacheeguet nam shiỹaxauapi maye qami' ỹamaqta'ape da choche qami' lo'onataxanaxanaqa, qataq qami' nhuottaleguete, qataq qami' ỹatenachetta'ape, qataq saishet da qami' iyacna'ape, qataq da iuaxaatapoiguilo naua qarashegolli'.

Gálatas 4:8

Qami' co'ollaq saxanaxa da qauauattoñi Ñim Lo'onatac 'Enauacna, qalaq qami' lcoñetegui'she nam qanatameetacotpi maye saq 'en.

Gálatas 4:24

Qaq damaye choche qaỹaloqnaxana. Cha'aye se'esoua dos 'alol, nache naiguilo naua dos aỹamaxataxaco. Aso Agar naigui se'eso aỹamaxataxac maye hualec añi qaỹoqotcheguemec 'alhua le'enaxat Sinaí maye huetaigui ye 'alhua Arabia, ỹoqo'oye 'enauac na llalaqpi nacte' da nlatacpi. Asa'aso qaỹoqotcheguemec 'alhua naigui ye nỹecpi ye Jerusalén qaq ỹoqo'oye 'enauac na hueta'a yemaye l-latac na namaxasoxonaxacpi.

Hebreos 5:12

Cha'aye ne'enaua na'axa'te maye huetaiguilo da qaua'amaqchiñi da no'on na'axaỹaxac, nache qami' mashe ishettaxa da huo'o ca qarapaxaguenataqui. Qalaxaye nagui qami' ñaq 'eetalec da qaviñiitac da qami' qaỹa'aqtaxaatema ca saqalaq napaxaguenataxanaxac maye ỹa'axat Ñim Lo'onatac 'Enauacna. Cha'aye qami' ñaq qoñiita'am ca nogotolec maye saxanaxa da chec ca nallec maye sa nsatta, nachaqrata da nỹomtapigui na nche'.