Gálatas 4:26 - La'aqtaqa Ñim Lo'onatac 'Enauacna 2013

²⁶ Qalaxaye aso Sara naigui da dalaxaic aỹamaxataxac, qaq ỹoqo'oye qomi' qaralamaxat ye Jerusalén maye hueta'ague da piguem, qomi' maye ỹataqta qomi' huesochiyiñi.

Nuevo Testamento Toba Sur

²⁶ Qalaxayi yim Jerusalén mayi hueta'ague da piguem, yimayi ÿataqta huesochiguiñi. Qaq qomi' mayi nachiqomi' llalaqpi yimayi.

Nuevo Testamento Toba Sombrero Negro

²⁶ Qalaĝaja Sara laloĝoqui qoyen da'me dalaĝaic yamaĝataĝac, nataq'aen ga'me dalaĝaic noic Jerusalén 'me na'ague di'me piyem jo'ne jeloqo'ta ena'uaque qo'mi 'me uojotedañi.

Gálatas 4:26 Referans Kwoze

Hebreos 12:22

Qami' qalaxaye mashe qanquiquiiua'a añi saqaỹoqotcheguemec 'alhua maye le'enaxat da Sión, añim netalec ye nỹecpi maye lalamaxat Ñim Lo'onatac 'Enauacna maye nache 'eetai' da nca'altauec. Yi'iye nỹecpi nacheye ye Jerusalén maye neta'ague da piguem, yem hueta'a nam ỹataqta qalota namaxashec piguem le'ecpi da ỹo'oxoreetac Ñim Lo'onatac 'Enauacna,

Filipenses 3:20

Qalaxaye qomi' qarma' da piguem, dam chegoxogue Som Qarataxala' maye Qarca'alaxaqui qom ñe'eguelaq.

Apocalipsis 21:2

Nataqa'en sela'a so dalaxaic nỹecpi ỹataqta qui'itta, som dalaxaic Jerusalén anacta chegoqo'ot na piguem maye hueta'a Ñim Lo'onatac 'Enauacna, se'eso nỹecpi sogote da 'enauac imeta, 'eeta'am da no'otaxac aca qa'añole da mashe huotaique da huaroneguet ca nauonaxaua.

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Isaías 66:10

«'Enauac qami' maye qarauotaxache ye Jerusalén, qantonaxauai qome yemaye, qami' maye huo'o da qaraquicoqoi co'ollaxa souaxat yemaye, qaq nagui qalaq qami' nlaqchiguilo qome da qaramaicỹaxaqui,

Gálatas 4:22

Anamaye ỹa'axat somaye da huo'oi soua dos llalqa, huo'o so llalec aso l-lata, qaq so lỹa llalec, qalaq llalec aso ỹoqta lhua maye ỹataqta huesochiguiñi.

Romanos 6:18

Qaq nagui mashe qami' huesochiyiñi saishet da qami' l-lataqa da ñe'etaxaloxo, nache qauo'onataxañiitacot Ñim Lo'onatac 'Enauacna da qauo'oche ca ỹaỹamaqchiguiñi.

Romanos 6:14

Yaqto' de'era ñe'etaxaloxo qaica ca la'añaxac da qami' ỹama'q, cha'aye mashe saishet da qami' l-lataqa na namaxasoxonaxacpi. Nagui nache qauo'onataxañiiteguelec da lsoxoyec Ñim Lo'onatac 'Enauacna.

Juan 8:36

Qaq ỹoqo'oye ne'ena Ñalec da qami' huesochiyiñi naqa'en, nache ỹataqta 'eesa da qami' huesochiyiñi.

Joel 3:17

Huaña qome, nache qauaỹachiñi da aỹem Nataxala' maye Qanatamnaxala'ai, soota'a na Sión, anam ỹataqta qui'itta ñeqasoxonaxa, nache na Jerusalén ỹataqta qui'itta qome, qataq saishet da ỹe'eguelaxa da loxonec nam chegaqauecpi.

Isaías 65:18

Ñaq qami' nlaqchiguilo qome da qantonaxaqui, qataq chochaq tatec da qaramaicỹaxaqui souaxat cam so'ot qome, cha'aye Aỹem so'ot qome ca dalaxaic Jerusalén maye huetaña da namaicỹaxac, qataq cam nhuo' le'ecpi maye matapiguiñi da hueta'a camaye.

Oseas 4:5

Nache 'am qouañi qome, qouaigui ca na'a'q, qataq ca pe, nache qocañi' ca na'aqtaxanaxanec da qouañi qataq ñelaxaañi aca 'arate'e.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

1 Pedro 2:16

Qami' huesochiyiñi cha'aye qauo'onataxañiitacot Ñim Lo'onatac 'Enauacna. Qalaxaye saishet da souaxat da qami' huesochiyiñi, nache ishet da qauo'oche ca qauem.

Gálatas 5:1

¡So Jesucristo nacheso so qomi' huesochiyiñi naqa'en! ¡Somaye ỹataqta 'eesa da qomi' huesochiyiñi naqa'en! Qaq ỹoqo'oye de'era qami' ỹo'oteque So Cristo da qami' huesochiyiñi, qaq nachera qome qana'añaxachec qataq saishet qome da qavi'eguelaqaỹa da choche qami' l-lataqa na namaxasoxonaxacpi.

Isaías 52:9

¡Qami' maye qarmaye na nlachiguiñi Jerusalén, ña qanmiỹasheguem da qauo'onaxañi souaxat da qantonaxaqui cha'aye Ñim Nataxala' huo'o da lchoxonnataxanaxa na lalamaxat nhuo' le'ecpi qataq nca'alaxatec na Jerusalén!

Apocalipsis 17:5

Qaq asomaye nanettalec na latap so ne'enaxat maye saqcha'a ca naigui. 'Eeta': «Nam ỹataqta 'amaqtaqaic Babilonia, nachana ana late'e ana quisheguetaxaipi qataq 'enauac nam qauem maye nqaigaxat maye huetalec ana 'alhua.»

Apocalipsis 12:1

Ime, nache na piguem qaltaq huo'o so yo'oq lta'araic qataq sa qaỹauanapega: Huo'o aso 'alo nachattaigui añi nala', 'eeta'am da lapo'. Qaq ñi ca'agoxoic, qalaq petalec. Qataq asomaye ỹaatañi aso naro'o na nta'a. Qaq asa'aso aro'o netaguilo soua doce huaqaañi.