Gálatas 4:22 - La'aqtaqa Ñim Lo'onatac 'Enauacna 2013

²² Anamaye ỹa'axat somaye da huo'oi soua dos llalqa, huo'o so llalec aso l-lata, qaq so lỹa llalec, qalaq llalec aso ỹoqta lhua maye ỹataqta huesochiguiñi.

Nuevo Testamento Toba Sur

²² Cha'ayi damayi nanettañi, 'eeta': So Abraham dos soua llalqa. So 'oonolec llalec, late'e aso nlata. Qaq so lÿa, qalaq late'e asom lalamaqte lhua mayi sa ishit da nlata.

Nuevo Testamento Toba Sombrero Negro

²² 'Yaĝatetac da'me uo'oe gaa'me dojolqa c'oqo'te, onolec joga'me chiyaqayi jaga'me lelata, qama'le ga'me laqaya chiyaqayi jaga'me yataqachiñe loua.

Gálatas 4:22 Referans Kwoze

Génesis 16:15

Qaq aso Agar, ñiguiñi co'ollaxa so llalec, nache so Abram ỹanagui da le'enaxat Ismael.

Génesis 21:10

Nache jec da 'enapega so Abraham, 'eeta': «¡'Auamaqauec qome añi nlata qataq ñi llalec! Ñim ỹalec Isaac, saishet qome da nhuana'ai' ñim llalec añi nlata da taleguete na 'aralamaxatpi.»

Gálatas 4:23

Qaq som llalec aso nlata, da lañoxoc 'eeta'am 'enauac da lañoxoc da shenaqta, qalaxaye so llalec aso lalamaqte lhua da lañoxoc, nachera da maiche ỹachaxanapecot Ñim Lo'onatac 'Enauacna so Abraham.

Gálatas 4:30

Qalaxaye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna ỹa'axat da Ñimaye 'enapega co'ollaxa so Abraham, 'eeta': «'Auo'orauec añi nlata qataq ñi llalec; cha'aye ñimaye saishet da nhuanaua'a da lsallaxa ñi 'aỹa'alec Isaac maye llalec añi 'alo maye ỹataqta huesochiguiñi.»

Gálatas 4:31

Qami' ỹaqaỹa't, qomi' saishet da qomi' l-lataqa na namaxasoxonaxacpi, nachaqrata da qomi' huesochiyiñi. Saishet da shenaqta'am so llalec aso nlata, nachaqrata da shenaqta'am so llalec aso 'alo maye ỹataqta huesochiguiñi.