Gálatas 4:14 - La'aqtaqa Ñim Lo'onatac 'Enauacna 2013

¹⁴ Na'aictaxa da se'eso ỹalolaxa da qami' ỹo'oteque da qalota qarqalaiqui, qalaxaye qami' saishet da aỹem qauo'otañi qataq saishet da aỹem sa qauacoñiiguet. Nachaqrata da aỹem qauacoñiiguet naua qarma'achilli' 'eeta'am aỹem qanqa'eñi ca lamaxashec Ñim Lo'onatac 'Enauacna, ¡huo'otaq nacheso So Jesucristo!

Nuevo Testamento Toba Sur

¹⁴ Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

Nuevo Testamento Toba Sombrero Negro

¹⁴ Qama'le ga'me yapite'na ena'am ta'le qoyen anapiyenaguequi jo'ne ami qoyanema, jo'ne ja jayem 'te a'uotañi nataq'aen ja jayem 'te a'uoitapeguet jo'ne jouaĝat ga'me yapite'na. Ja naq'aeta, dite da'me jayem auacoñiyeguet, ena'am ta'le jayem piyem le'ec 'me jachiyaqayi ñe'me Dios, ¡ena'am da'me nach'eñe ñe'me Cristo Jesús a'vichiyec da'me dojo'!

Gálatas 4:14 Referans Kwoze

Mateo 10:40

Da huo'o ca shiỹaxaua da qami' ỹaconegueta, nache camaye nataqa'en Aỹem ỹaconeguet. Qaq cam shiỹaxaua da Aỹem ỹaconeguet, nache camaye nataqa'en ỹaconeguet Ñim Lo'onatac 'Enauacna maye Aỹem namaq.

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Hebreos 13:2

Qataq saishet da qaucoviỹa'ai da ỹataqta qauloỹeeguet na shiỹaxauapi maye nvireua'a ca qarmaye. Cha'aye damaye nachera da chegoqchigui da huo'o co'ollaxa so shiỹaxauapi saq noma da ỹaconeguet so namaxashec piguem le'ecpi.

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Zacarías 12:8

Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.

2 Samuel 19:27

qataq somaye aỹem ỹasaxalec na qauem la'aqtacpi da 'am da'aqtaxanem 'am nta'a. Qalaxaye 'am ỹataxala' maye 'am nta'a, qoneta'am ca nale piguem le'ec Ñim Nataxala', qaq ỹoqo'oye maiche cam aỹem qoneta'ac.

2 Samuel 14:17

Qaq ana'ana 'aramaxashe iuatta'a ca 'ara'aqtac, 'am ỹataxala' da yaqto' machiguiñi 'anqa'en, cha'aye 'am nta'a, qoneta'am ca lamaxashec piguem le'ec Ñim Lo'onatac 'Enauacna, da ishet da ỹaỹaten ca 'onaxaic qataq ca qauem, qaq Ñim Nataxala' 'am hueta'aguet qome.

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

Gálatas 4:13

qalaxaye aỹem sa no'on, ỹoqo'oye huo'oi soua na'axa'te da soota'a co'ollaxa ye 'alhua Galacia.

1 Corintios 4:10

Qaq qomi' souaxat da salaxasoxoguet So Cristo, nache na shiỹaxauapi qomi' ỹamata'aque da qaica ca saỹaanaqpec, qalaxaye qami' chegoqchigui da lqouagaxanaqtaic So Cristo, nache qami' qaỹamata'aque da qami' ỹaanaxanaxaiqa. Qomi' qaica ca qara'añaxac, qami' qalaq qami', 'añaxaiqa. Na shiỹaxauapi qomi' no'otanguilo, qaq qami' qalaq ỹataqta huo'o naq 'enec qanqa'en.

1 Corintios 1:28

Qaq nam qaỹamata'ac da qaica ca la'añaxac qataq na nqaigaxat qataq na qaica ca qoỹanapoigui, nachena na lca'aguishecpi Ñim Lo'onatac 'Enauacna yaqto' nam 'eetega 'amaqtaqaicpi maiche nauattoola't da qaica ca la'amaqchec. Qaq de'era 'eetec Ñim Lo'onatac 'Enauacna damaye ỹa'axat namayepi da ỹataqta qaica ca naigui,

Juan 13:20

Qaq ỹataqta 'eesa de'era qami' sa'axatema, da ca ỹaconeguet cam ỹamaxashec, qaq camaye Aỹem maye Aỹem ỹaconeguet. Qaq cam Aỹem ỹaconeguet, camaye ỹaconeguet Ñim Aỹem namaq.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 18:5

Qataq ca souaxat da Aỹem quetague' da ỹaconeguet ca 'oonolec nogotolec 'ena'am ne'ena, nache camaye Aỹem ỹaconeguet.

Eclesiastés 9:16

Qaq ỹoqo'oye aỹem shenapec da «ỹataqta ỹactec da 'onaxaic da naỹaanec, qaq saq 'ena'am da na'añaxac», na'aictoxo' da qaỹo'otan ca laỹaanec ca choxoraq, qataq da saishet da qana'axaỹaxanalo naua la'aqtaqa.

Salmos 119:141

Aỹem qaica ca ỹa'amaqchec qataq aỹem no'otanec, qalaxaye saishet da secoua'aisalo naua 'aramaxasoxonaxaco.

Da na'aqtaguec so Job 12:5

Ca ipi'itaxaatega da ỹaỹamaqta da nachaalataxac, nache ỹo'otan ca choxoraq, qataq sa itena'a da ỹamaxañi ca mashe huotaique da huañi.

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Gálatas 4:15

Aỹem saỹateeta da ivira'a da ishet da qanqache' naua qara'ai'chilli', nache aỹem qa'añima. Qalaq ¿taigue que'eca qantonaxaqui maye qauanomiiteguet co'ollaxa?