Gálatas 4:12 - La'aqtaqa Ñim Lo'onatac 'Enauacna 2013

¹² Qami' ỹaqaỹa't, qami' shenapegalo da aỹem qoñiỹa'am 'ena'am aỹem da qami' sheeta'ama. Cha'aye saishet da huo'o ca sa ỹaỹamaxañi aỹem qauo'ochec,

Nuevo Testamento Toba Sur

¹² Qaq qami' ÿaqaÿa't, qami' ñachoxodeetoiguilo da no'on da aÿim qau'enaxachiichigui, cha'ayi aÿim nachiqami' shiita'ama. Cha'ayi sa ishit da huo'otaq qami' huo'o ca aÿim qau'ochiic.

Nuevo Testamento Toba Sombrero Negro

¹² Ami yaqaya'olqa, ami ñachoĝodenoto qaedi jayem auadenaĝachi, nach'e naq'aeta da'me ami jadenaĝa't ca'li ami jouetauelo. Ami ja naqaeda ta'le ami chiyaqayilo ga'me ja no'en 'me jayem a'vichiyec.

Gálatas 4:12 Referans Kwoze

2 Corintios 2:5

Saishet da ñequigaxatapeguec de'era, qalaxaye cam ỹo'ot ca ỹaquicoxo, camaye saishet da nachaqaỹemta da aỹem ỹaquicoqchet. Cha'aye nataqa'en 'enauac da qoñiita da cara'ac da qami' ỹaquicoqchet.

1 Reyes 22:4

Nache somaye inat so Josafat, 'eeta': ¿Peta'a ishet da aỹem 'autauan da seloquiaxan ye Ramot, maye huaigui ye Galaad? Nache so Josafat 'enapeco': Aỹem qataq na ñalleppi, qataq na ilo caipi, 'am souaqta'aguet.

Génesis 34:15

Qomi', seshetaq qalaxaye da qauasachiiguet dam lataxac maye shenaqtapeguec, qaq damaye 'eeta': qami' iuen da qoñiita'am da shenaqta, da 'enauac na ỹalleppi da qoñiita, iuen da qaỹauo'o ca na'anaxat na lo'oc.

Gálatas 6:14

Qalaxaye aỹem, nachaqrata da huo'o da ña'amqaanaxac souaxat da sa'amaqten da l-leuaxa So Qarataxala' Jesucristo. Ỹoqo'oye huo'o da ña'achec, cha'aye de'era l-leuaxa Somaye, chegoqchigui da naua lhuennataxaco maye qauema nam huetalec ana 'alhua mashe saishet da seqochetega; cha'aye ana'ana 'alhua 'eeta'am ñaqa'en da mashe seleu.

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

2 Corintios 6:13

Qaq nagui qami' ñachoxoreetoiguilo, sheeta'am ca nta'a da nachoxoreetoigui ca llalaqpi, da ỹataqta qauauacheetoiguilo naua qarquiyaqchilli' da qoñiita'am aỹem da qaica ca sauotaique da qami' setaxaiguilo.

Hechos 21:21

Qaq namayepi la'axaỹaxac da 'am 'auapaxagueetapegueco' 'enauac nam judiopi maye neta'alo naua ỹaqa'alo 'aleu', da yaqto' saishet da ỹalaxaguet nam namaxasoxonaxacpi maye chegoqo'ot so Moisés, qataq qonetego' da saishet da ỹauo'o na na'anaxat na lo'oc na llalec, qataq saishet da ỹo'ot 'enauac nam so'otaqtac qomi' judiopi.

Gálatas 6:18

Qami' ỹaqaỹa't, So Qarataxala' Jesucristo qami' ỹachaxanalo qome da lsoxoyec 'enauac da qoñiita. Aja', nache 'eetec.

2 Corintios 6:11

Qami' qarqaỹa't maye qarmaye na Corinto, qomi' ỹataqta qaica ca sauoqtaique da qami' setaxasoxoiguilo, ỹataqta imauec da qarquiyaqteỹaxac da qaica ca 'oonolec soxotaqtapiguiñi.

Gálatas 4:11

Qaq ỹoqo'oye aỹem huo'o da icolanaxa da tachigui ye iuel da qaica ca naigui da ỹo'onataxanaxac maye qami' so'oteque.

Gálatas 4:13

qalaxaye aỹem sa no'on, ỹoqo'oye huo'oi soua na'axa'te da soota'a co'ollaxa ye 'alhua Galacia.