Gálatas 4:11 - La'aqtaqa Ñim Lo'onatac 'Enauacna 2013

¹¹ Qaq ỹoqo'oye aỹem huo'o da icolanaxa da tachigui ye iuel da qaica ca naigui da ỹo'onataxanaxac maye qami' so'oteque.

Nuevo Testamento Toba Sur

¹¹ Qaq ÿoqo'oyi aÿim ÿataqta lta'adaic da icolanaxa da sa iuena'a da qaica ca naigui da i'onataxanaxac mayi huaigui da qoñiita.

Nuevo Testamento Toba Sombrero Negro

¹¹ ¡Jo'oyapega nale ami jenate'talo, da'me uotaĝa qaya'te chiyaqayi yema da'me 'yonatac ca'li ami jouetauelo!

Gálatas 4:11 Referans Kwoze

1 Ts 3:5

Ỹoqo'oye aỹem co'ollaq sa yalo'oguet da iuennataxa da qoñiita, nache samaq ñi Timoteo da ichemaxata da huo'otaq ñaq huo'o da qarpi'iỹaxaqui Ñim Lo'onatac 'Enauacna. Cha'aye huo'o da itelaxa da huo'otaq qami' ỹatenache't so pa'aguenataxanaxaic, nache qaica ca naigui naqa'en da qaro'onataxanaxac.

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

Filipenses 2:16

Saishet da qaỹa'axañiiñi da qaua'amaqchiñiitac de'era na'aqtac maye chegaqaigui da nca'alaxa. Yaqto' aỹem ishet da qami' ña'amaqteetaleguete que'eca na'a'q qom ñe'eguelaq So Cristo, qataq saỹateeta de'era ỹo'onataxanaxac, qataq de'era ña'añaxataxac da saishet da saqca ca naigui.

Gálatas 4:20

¡Da iyaxa da qami' sootaiguilo nagui, da yaqto' ñaralaxat ca itaxaỹaxac da qami' setaxaiguilo, cha'aye aỹem ỹataqta sa saỹaten ca sheetec da qoñiita, qataq sa saỹaten ca qami' so'oteque!

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Hechos 16:6

So Pablo qataq soua lỹa't huotraique da ỹa'axa't da la'aqtac Ñim Lo'onatac 'Enauacna co'ollaq huaña ye 'alhua Asia, qalaxaye So Saqcha'a Na'añaxac Qui'itta sa ỹashenema soomaye. Qaq ỹoqo'oye soomaye napactralec ye 'alhua Frigia qataq ye Galacia,

Isaías 49:4

Qalaxaye aỹem shenapec': «Aỹem ỹataqta qaica ca naigui da ỹo'onataxanaxac, choche semetaxateuo da ỹa'añaxac qalaq qaica ca sachegoxotaigui.» Qalaxaye nam so'otpi hueto'ot Ñim Nataxala', qaq cam ñesheetanaguec qalaq chegoqo'ot qome Ñim Lo'onatac 'Enauacna.

Gálatas 4:10

Qami' huo'oi naua na'axa'te maye qavio'oxonñiita'ape, qataq ca'agoxoiqa qataq naua laloxoqui' naua huaiguilo ye vi'i.

Gálatas 4:12

Qami' ỹaqaỹa't, qami' shenapegalo da aỹem qoñiỹa'am 'ena'am aỹem da qami' sheeta'ama. Cha'aye saishet da huo'o ca sa ỹaỹamaxañi aỹem qauo'ochec,