Gálatas 4:1 - La'aqtaqa Ñim Lo'onatac 'Enauacna 2013

^1-2 Qaq dam sauotaique da sa'axat, 'eeta': Ca ñalec da ñaq saxanaxa da ỹe, nache 'ena'am ca camachaqca nlatac qaltaq deuaqto'ot cam shiỹaxaua maye ilotague' qataq ỹapaxagueetac, choche ivitta'a ca na'a'q da ca lta'a ỹami' 'enauac da lsallaxa da talec naqa'en da ỹauo'o lalamaxat camaye.

Nuevo Testamento Toba Sur

¹ Qaq da shiitega, 'eeta': Ca ñalec mayi qaÿauotaique da talec da lsallaxa ca lta'a, da huo'otaq ñaq nogotolec, qaq camayi ÿataqta 'eeta'am ca chochi nlatac, qaq nai'ctaxa da camayi nachica ca 'aco'.

Nuevo Testamento Toba Sombrero Negro

¹ Ga'me jo'ne jetaque ami ja'aĝatema nach'eda dojo': qom cha'li ja lama'y gaa'me ne'uoidi ñe'me nec'oĝot qama'le ena'am gamachaqaega nelatac jo'ne uetauelo jogaa'me, qa'a maliaĝa ja yaqanatet ta'le ya'uo da'me lamaĝajoĝonaĝac, mate mane'e naqaega loĝot ena'uac.

Gálatas 4:1 Referans Kwoze

Gálatas 4:29

Qaq se'eso na'a'q so llalec aso Agar icaatac so Isaac maye chegoqchigui da la'añaxac So Saqcha'a Na'añaxac. Qaq nagui qalaq nache 'eeta'am: Nam huotaique da quegue da lamaxasoxonaxac nam nqataxacpi qalaq qomi' icaata'ape maye qomi' ñalaqpi maye qomi' qaỹachaxana'ape co'ollaxa.

Gálatas 4:23

Qaq som llalec aso nlata, da lañoxoc 'eeta'am 'enauac da lañoxoc da shenaqta, qalaxaye so llalec aso lalamaqte lhua da lañoxoc, nachera da maiche ỹachaxanapecot Ñim Lo'onatac 'Enauacna so Abraham.

2 Reyes 11:12

Huaña, nache so Joyadá, npaxanec co'ollaxa so Joás, maye llalec so nta'a, nache ỹanaxanaxaangui aso naro'o, qataq ỹanem asom nere maye nanettalec da aỹamaxataxac, huaña nache icorelec na lqaic so aceite da yaqto' qoỹanagui da nta'a. Ime, nache 'enauac somayepi, da iuaxana't naua lhua'q qataq ỹa'alaxalec, 'eeta': «Nache 'eetai' qome da nta'a.»

2 Reyes 12:2

Qaq nam ỹo'otpi so Joás, ỹataqta ỹaỹamaxareeta Ñim Nataxala', cha'aye somaye ỹataqta quetegue nam lapaxaguenataxanaxacpi so ntaxaỹaxanaxanec Joyadá.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

1 Juan 5:10

Da sepi'iỹaqa'a So Llalec Ñim Lo'onatac 'Enauacna, huaña, nache sa'amaqtenaq dam ỹa'axattac Ñim Lo'onatac 'Enauacna. Qalaxaye nam saishet da ỹa'amaqten Ñim Lo'onatac 'Enauacna, nache 'eeta'am naqa'en da tenataxanaxaic Ñimaye, cha'aye saishet da ỹa'amaqten dam la'aqtaxanaxac Ñim Lo'onatac 'Enauacna co'ollaq ỹa'axattac So Llalec Jesucristo.