Gálatas 3:8 - La'aqtaqa Ñim Lo'onatac 'Enauacna 2013

⁸ Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axattac da Ñimaye ỹaconeguet nataqa'en nam saishet da judiopi da namayepi ỹa'amaqten So Jesucristo. Qaq ỹoqo'oye Ñim Lo'onatac 'Enauacna ỹami' so Abraham de'era no'on na'axaỹaxac: «Da iqouagaxanaqtaic chegoqchigui 'am, da talec ñaqa'en na ỹotta'a't shiỹaxauapi.»

Nuevo Testamento Toba Sur

⁸ Cha'ayi naua ñiyigui'shi l'aqtaqa ñi Dios, nal'ena co'ollaxa da ilota'a da nataq'en nam sa ishit da judío l'ecpi, qalaq ÿataqta ÿaÿamaxadeeta ñi Dios nam huo'o da lpi'iÿaxac. Nachi naua ñiyigui'shi da'aqtaxanema so Abraham da no'on l'axaÿaxac, 'eeta': “'Enauac qome na ÿotta'a't shiÿaxauapi huo'o da nqouagaxa 'am chigoqchigui.”

Nuevo Testamento Toba Sombrero Negro

⁸ Chiyoqo'teguet ga'me jalchi'ena joca'li daa'me 'laqataqa ñe'me Dios 'yaĝatetac da'me nach'e ena'am Dios yataqatelo'te q'ae'n jogaa'me jo'ne ja judiopi, qa'ejo' nach'eda eeta qom p'iida'a ñe'me Jesucristo. Qo'che' Dios yanem ñe'me Abraham jenjo' onaĝaic 'laqataĝanaĝac: “Nach'e am jo'ne am chiyaqayi da'me jichoĝode'n yema jena'me noyaqa.”

Gálatas 3:8 Referans Kwoze

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Génesis 18:18

cha'aye namaye, nachena na lta'a qome ca qalota ỹotta'a't shiỹaxauapi qataq 'añaxaicpi. Aỹem sachaxanapecot co'ollaxa da namaye chegoqchigui ñaqa'en da saalec da ichoxonnataxanaxa 'enauac na ỹotta'a't shiỹaxauapi, maye huetalec ana 'alhua.

Hebreos 4:2

Cha'aye qomi' sa'axasoqchigui da no'on na'axaỹaxac shenaqta'am co'ollaxa so Israel le'ecpi maye ca'ai ye 'alhua Egipto. Qalaxaye nachaqrata da somayepi qaica ca naigui naqa'en de'era hua'aqchigui, cha'aye saishet da ỹa'amaqten qataq saishet da ỹalaxaguet de'era na'aqtaxanaxac.

Gálatas 3:22

Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axa't de'era ñe'etaxaloxo da 'enauac maiche qomi' ỹoiqueeta'ape, qaq ỹoqo'oye de'era qanmeỹaxac maye ỹachaxanapec Ñim Lo'onatac 'Enauacna damaye ỹaconeguet nam huo'o da lpi'iỹaxac So Jesucristo.

Gálatas 3:16

Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Juan 7:38

Qaq añi lquiyaqte cam Aỹem ỹa'amaqten, chegoqtoigui ca 'etaxat maye 'eeta'am na la'auaxac da npaxaatasheguem. Cha'aye nache 'ena'ape naua nanettraleguete ana nere maye huetalec na la'aqtacpi Ñim Lo'onatac 'Enauacna.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Romanos 9:30

¿Negue't ca lỹa ishet da ỹa'aqtac? Ye nam laỹepi shiỹaxauapi maye saishet da nhuo' le'ecpi, namayepi qaica cam ỹo'ot cam yaqto' Ñim Lo'onatac 'Enauacna ishet da ỹaỹamaxareeta, qalaxaye nachena nam ỹaỹamaxareeta Ñim Lo'onatac 'Enauacna, souaxat da huo'o da lpi'iỹaxac.

Romanos 9:17

Ana nere maye huetalec na la'aqtacpi Ñim Lo'onatac 'Enauacna maye setaxaỹaxanaqtac nanettalec co'ollaq Ñimaye, 'enapega so nta'a maye ilotague' ye Egipto, 'eeta': «'Am sanagui da 'am nta'a, cha'aye sauotaique da sachaxan da ỹa'añaxac sachegoqchigui 'enauac nam 'am so'otec yaqto' 'enauac na shiỹaxauapi ana 'alhua aỹem ỹauatton.»

Isaías 65:9

Qataq so'ot qome da so Jacob huo'o nam chegoxoguetpi, qataq huo'o qome na shiỹaxauapi ye Judá da netalec aye ñeqasoxonaxapi. Qaq nam lleca'aguishecpi qalaq nalec qome na 'alhua, qaq na ỹamaxashecpi qalaq nache hueta'a qome yemaye.

Gálatas 4:30

Qalaxaye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna ỹa'axat da Ñimaye 'enapega co'ollaxa so Abraham, 'eeta': «'Auo'orauec añi nlata qataq ñi llalec; cha'aye ñimaye saishet da nhuanaua'a da lsallaxa ñi 'aỹa'alec Isaac maye llalec añi 'alo maye ỹataqta huesochiguiñi.»

Hechos 2:35

choche ivitta'a qome da sacho'oto naua 'arapia'ate nam 'am ipa'agueetacpi.»

Juan 7:42

Ye naua nanettaleguete ana la'aqtac lmalate Ñim Lo'onatac 'Enauacna, naamaye ỹa'axa't da que'eca Lca'aguishec Ñimaye, camaye chegoxoguet na llalaqpi so nta'a David, qataq lañoqo' ye Belén, yem nỹecpi maye lma' co'ollaxa so David.

Isaías 6:13

Qaq da huo'otaq huo'o ca cien shiỹaxauapi qaq da no'oirañi caua diez, nache caamaye nataqa'en qailaxachiguilo qome, qaq 'eeta'am qome aca roble huo'otaq aca encina, da qaichec nache no'onañi aca lamo.» Qaq aca'aca lamo nachaca aca ñaxatec aca llaxataxa maye sa qaishetapec.

Salmos 72:7

Qataq caua na'axa'te maye huaiguilo da lo'onataxanaxac, da nta'a ỹataqta no'on qome da lataxac, qataq chochaq huañi da nlagaxayec, choche ivitta'a da qaica so ca'agoxoic.

Juan 19:37

Qataq ye lỹa nanettañi, 'eeta': «Ỹauaachigui qome nam ỹa'arapec Somaye.»

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»