Gálatas 3:5 - La'aqtaqa Ñim Lo'onatac 'Enauacna 2013

⁵ Ñim Lo'onatac 'Enauacna saishet da qami' ỹanema co'olloxocheye So Saqcha'a La'añaxac, qataq saishet da ỹo'ot na na'anecpi maye ỹo'ot da na'aalaxa maye qami' huanguilo souaxat da qaualaqaiguet na namaxasoxonaxacpi maye chegoqo'ot so Moisés. ¡'A'i! Damaye ỹo'ot cha'aye qami' qauacoñiiguet da na'aqtaxanaxac maye chegaqaigui da no'on na'axaỹaxac.

Nuevo Testamento Toba Sur

⁵ Ñim Dios mayi qami' ÿanema co'olloxochiyi so n'Espíritu, qataq ÿachaxan nam i'ot da n'aalaxa da huaigui naq'en da qoñiita, qaq ¿chaq tá'ainco' yi i'ot? Ñimayi i'ot namayipi, qalaxayi sa ishit da souaxat da qami' qau'ochiitac na nqataxacpi mayi chigoqo'ot so Moisés. Mayi souaxat da qami' qau'amaqchiñi da qau'aqaichigui co'ollaxa n'aqtac.

Nuevo Testamento Toba Sombrero Negro

⁵ Dios joote ami yanema ñe'me Lepaqal nataq'aen ami yaloĝonalo da'me lañoqotaĝanaĝac qa'a chiyaqayi da'me auacoñiyeguet da'me nep'iquinataĝanaĝac jo'ne onaĝaic 'naqataĝanaĝac; ja chiyaqayi da'me oqui'teguelo daa'me namaĝajoĝonaĝaco.

Gálatas 3:5 Referans Kwoze

Gálatas 3:2

'Oonolec da sauotaique da aỹem qaua'aqtaxañim nagui, 'eeta': Co'ollaq qauacoñiiguet So Saqcha'a La'añaxac Ñim Lo'onatac 'Enauacna, ¿peta'a qauachegoxochiichigui da qauo'ocheetac na namaxasoxonaxacpi maye chegoqo'ot so Moisés huo'otaq souaxat da qauacoñiiguet da no'on na'axaỹaxac? ¡Aja', damaye ỹoqta 'eesa da chegoqchigui da no'on na'axaỹaxac!

2 Corintios 13:3

Qaq damaye so'ot, cha'aye qami' qanmichiitaique cam ichoxot da So Cristo aỹem detaxaigui. Qataq So Cristo saishet da saqca ca la'añaxac da qami' ỹaỹamaxaayiñi, chaqrata da Somaye yo'oq da la'añaxac da qami' huetaiguilo.

Hechos 14:3

Qaq so Pablo qataq so Bernabé huera'a ye Iconio ỹataqta huo'oi soua na'axa'te. Ỹataqta ỹauo'o da naquitaxa'c Ñim Lo'onatac 'Enauacna, nache ỹataqta da'aqtaxaatrem na shiỹaxauapi da 'eesa lauotaxanaqtaic Ñimaye. Qaq Ñim Qarataxala' ỹanema da la'añaxa'c da ỹo'o't nam sa qaỹauanapega qataq nam ỹo'ot da na'aalaxa, yaqto' na shiỹaxauapi ỹa'amaqten 'enauac nam la'aqtaxanaxa'c soomaye.

2 Corintios 12:12

Cha'aye da ñeualaxaunaxac co'ollaq qami' sootapegueto, qataq nam na'anecpi maye sa qaỹauanapigui, qataq nam ỹo'ot da na'aalaxa maye so'ot chegoqchigui da la'añaxac Ñim Lo'onatac 'Enauacna, nachena na ỹachaxan da ỹoqta 'eesa da aỹem lamaxashec So Jesús.

2 Corintios 10:4

Cha'aye dam qaro'ogoxonaxat da huo'otaq seloquiaq, saishet da nachena na lo'ogoxonaxat nam shiỹaxauapi maye huetalec ana 'alhua. Cha'aye damaye nachera da la'añaxac Ñim Lo'onatac 'Enauacna, da yaqto' ishet da selaxataxagui nam ñe'eguenaxaquipi, nataqa'en nam mpa'aguenataxanaxacpi,

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

1 Corintios 12:10

Qataq huo'o na ỹanem da na'añaxac da ỹo'ot na sa qaỹauanapega, qataq huo'o na ỹanem da ỹa'axa't naua na'aqtaqa maye chegoqo'oto Ñim Lo'onatac 'Enauacna. Qataq huo'o na ỹanem da ỹauatton nam saq cha'api da huo'otaq choche tenataxanaxaic da nachaxan, huo'otaq nacheso So Saqcha'a Na'añaxac Qui'itta. Qataq huo'o na ỹanem da detaxaiguilo naua na'aqtaqa maye sa qaỹaỹate'n. Qataq huo'o na ỹanem da ỹaỹaten da ỹa'axa't ca naiguilo ne'enaua na'aqtaqa.

Romanos 10:17

Qaq ỹoqo'oye ca shiỹaxaua ivira'a da huo'o da lpi'iỹaxac Ñim Nataxala' chegoqchigui da na'axaỹaxana da na'aqtaxanaxac maye na'aqtaguec So Jesucristo.

2 Corintios 9:10

Ñim Lo'onatac 'Enauacna, nacheñi ñi ỹan acam nañiguishe ala, yaqto' qoỹanoigui na 'alhua, qataq ca qanallec da yaqto' ỹa'añaqchet ca shiỹaxaua. Nataqa'en Ñimaye qami' ỹanema qome 'enauac ca qaviñiitaique, yaqto' ishet da qautauañi ca qarỹai.

Filipenses 1:19

cha'aye aỹem saỹaten da saqca cara da ñachaalataxac, cha'aye qami' aỹem qanqouagaxauñiitalec, qataq da ltaunaxanaxac So Saqcha'a La'añaxac So Jesucristo. Qaq de'era nache chegoqchigui qome da saqaỹaloq da aỹem qaisouec.