Gálatas 3:25 - La'aqtaqa Ñim Lo'onatac 'Enauacna 2013

²⁵ Qalaxaye nagui mashe ivita ye laloqo' da qomi' sauoqo'o ca qarpi'iỹaxac So Jesucristo, nache saishet da iuen da na namaxasoxonaxacpi qomi' ỹaueca'agueta qataq da qomi' ỹapaxague'n.

Nuevo Testamento Toba Sur

²⁵ Qaq nagui da mashi nvi' de'eda npi'iÿaxac, nachi sa ishit da souaqto'ot da lapaxaguenataxanaxac na nqataxacpi.

Nuevo Testamento Toba Sombrero Negro

²⁵ Qalaĝaja nayi novitequena da'me laloqo' da'me male jaqanatetaq ta'le jep'iyaqa ñe'me Jesucristo, male ja jouenaqataque ta'le qo'mi yaue'j daa'me namaĝajoĝonaĝaco uotaĝa ta'le qo'mi yapaĝague'n.

Gálatas 3:25 Referans Kwoze

Romanos 6:14

Yaqto' de'era ñe'etaxaloxo qaica ca la'añaxac da qami' ỹama'q, cha'aye mashe saishet da qami' l-lataqa na namaxasoxonaxacpi. Nagui nache qauo'onataxañiiteguelec da lsoxoyec Ñim Lo'onatac 'Enauacna.

Romanos 7:4

Qaq nache 'eetec nataqa'en qami' ỹaqaỹarolqa maye qana'ayeetaua'a da lo'ocỹaxac So Cristo, chegoqchigui da l-leuaxa Somaye, qaq qami' mashe saishet da qami' huetaleguete da la'añaxac na namaxasoxonaxacpi. Cha'aye nagui mashe qami' lalamaqa'ate So Cristo, maye Ñim Lo'onatac 'Enauacna nca'alaxateeguesop da l-leuaxa. Qaq ỹoqo'oye qomi' ishet da so'onataxanaqot Ñim Lo'onatac 'Enauacna da so'otaq ca no'on.

1 Corintios 4:15

Qaq na'aictaxa da ivi' ca diez mil na qami' ỹapaxagueneque da na'aqtaguec So Cristo, qalaxaye na qarta'ailpi saishet da qalota. Aỹem 'oonolec maye lta'a da qarpi'iỹaxaqui So Cristo Jesús. Cha'aye aỹem maye qami' sa'axatema co'ollaxa da no'on na'axaỹaxac maye na'aqtaguec So Cristo, nache qaviyiỹa'a da 'eeta'am da qami' ỹalaqpi.

Gálatas 3:24

Na namaxasoxonaxacpi 'eeta'am ca napaxaguenataxanaq da qomi' ỹaueca'agueta da qomi' ỹauegalo So Cristo, yaqto' Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac Ñimaye.