Gálatas 3:23 - La'aqtaqa Ñim Lo'onatac 'Enauacna 2013

²³ Qaq co'ollaq saxanaxa da nvi' de'era, nache na namaxasoxonaxacpi 'ena'am aca ncoñetaxanaxaqui da qomi' ỹapotaua'alo, choche ivitta'a da selaqa'a da qomi' iuen da sauoqo'o ca qarpi'iỹaxac So Cristo.

Nuevo Testamento Toba Sur

²³ Qaq co'ollaq saxanaxa da nvi' de'eda npi'iÿaxac, nachi na nqataxacpi 'ico' da qomi' ÿapotau'alo, iuatta'a da qai'axategue ca llic da qaipi'iÿa'a so Jesucristo.

Nuevo Testamento Toba Sombrero Negro

²³ Ca'li maliaĝa ja di'yoq da'me dojo', daa'me namaĝajoĝonaĝaco yataqachiñe ena'am jaga'me coñetaĝanaĝaiqui jo'ne jouaqatoue da'me qaya'te qadadiguegue, chayovida'a jauanaĝa queda'me jouenaqataque da'me jep'iyaqa ñe'me Jesucristo.

Gálatas 3:23 Referans Kwoze

Gálatas 5:18

Qalaxaye da qaualaqaiguet So Saqcha'a La'añaxac Ñim Lo'onatac 'Enauacna, nache saishet da qami' qaỹamaqaleguete da qaualaqaiguet na namaxasoxonaxacpi.

Gálatas 3:19

Nache ¿negue'to' qone' cam naigui na namaxasoxonaxacpi maye chegoqo'ot so Moisés? Cha'aye co'ollaq ime da huo'o so ỹachaxanapecot so Abraham Ñim Lo'onatac 'Enauacna, nache Ñimaye qomi' ỹanema na lamaxasoxonaxacpi da yaqto' qomi' ỹachaxanalo da nam so'otaqtac ỹataqta sa ỹaỹamaxañi. Choche ivitta'a da nvi' som llalec so Abraham maye Ñim Lo'onatac 'Enauacna ỹachaxanapecot co'ollaxa somaye. Ñim Lo'onatac 'Enauacna ỹami' so lqataxacpi so Moisés chegoqchigui naqa'en na lamaxashecpi piguem le'ecpi yaqto' somaye qomi' ỹanema.

Romanos 11:32

Cha'aye Ñimaye ỹo'otec 'enauac na shiỹaxauapi da sa ỹalaq, da yaqto' huo'o da lchoxonnataxanaxa 'enauac namayepi.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Gálatas 4:21

Qami' maye qauauoitaique da qaualaqailec na namaxasoxonaxacpi, ñaq aỹem qaua'aqtaxañim: ¿Saishet peta'a da qautaxaỹaxañiita'ape naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna da nataqa'en ỹa'axattac so Abraham?

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.