Gálatas 3:22 - La'aqtaqa Ñim Lo'onatac 'Enauacna 2013

²² Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axa't de'era ñe'etaxaloxo da 'enauac maiche qomi' ỹoiqueeta'ape, qaq ỹoqo'oye de'era qanmeỹaxac maye ỹachaxanapec Ñim Lo'onatac 'Enauacna damaye ỹaconeguet nam huo'o da lpi'iỹaxac So Jesucristo.

Nuevo Testamento Toba Sur

²² Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

Nuevo Testamento Toba Sombrero Negro

²² Qalaĝaja joda'me nedii's 'yaĝatetac queda'me yema jogaa'me aleua laje'pi yapadelo'te gaa'me loeco, qaedi ga'me ch'e jetaque qaneme q'aen ñe'me Dios jo'ne joote yaqataĝañi da'me 'laqatac ñe'me, nach'edata tachiguilo gaa'me jo'ne p'iida'a ñe'me Jesucristo.

Gálatas 3:22 Referans Kwoze

Romanos 11:32

Cha'aye Ñimaye ỹo'otec 'enauac na shiỹaxauapi da sa ỹalaq, da yaqto' huo'o da lchoxonnataxanaxa 'enauac namayepi.

Hebreos 9:15

Qaq ỹoqo'oye chegoqchigui So Jesucristo da senoxonaxaua'a dam dalaxaic naỹamaxataxac Ñim Lo'onatac 'Enauacna. Cha'aye so Jesucristo ileu co'ollaxa da yaqto' Ñim Lo'onatac 'Enauacna ỹapalaxat nam qauem maye so'otaq co'ollaq so'onataxanaqteguelec som togoshec aỹamaxataxac. Qataq chegoqchigui da l-leuaxa da qomi' maye qomi' lca'agui'she Ñim Lo'onatac 'Enauacna, saconaxaguet da nca'alaxa chochaq tatec maye ỹachaxanapec Ñimaye.

Gálatas 3:23

Qaq co'ollaq saxanaxa da nvi' de'era, nache na namaxasoxonaxacpi 'ena'am aca ncoñetaxanaxaqui da qomi' ỹapotaua'alo, choche ivitta'a da selaqa'a da qomi' iuen da sauoqo'o ca qarpi'iỹaxac So Cristo.

1 Juan 2:25

cha'aye So Cristo qomi' ỹachaxanapecoto ca nca'alaxa maye chochaq tatec.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Salmos 143:2

Saishet qome da 'anmittac ne'ena 'aramaxashec, cha'aye qaica ca 'enapec qaica ca ỹasouaxat da 'am datato'ot.

2 Pedro 3:13

Qalaxaye qomi' seuataqta'aguet ca dalaxaic piguem qataq aca dalaxai 'alhua maye qomi' ỹachaxanapecoto Ñim Lo'onatac 'Enauacna, cam hueta'a qome 'enauac na shiỹaxauapi maye no'on da lataxac qataq soxoraicpi.

2 Pedro 1:4

Nataqa'en qomi' ỹanema 'enauac nam lataxacpi maye ỹataqta 'onaxaic qataq huo'o da lta'araic naigui maye qomi' ỹachaxanapeguema co'ollaxa. Qaq nache chegoqchigui damaye da qami' ishet da qoñiỹa'am da lataxac Ñim Lo'onatac 'Enauacna, qaq saishet da qoñiỹa'am na shiỹaxauapi 'etaxaloxoicpi maye huetalec ana 'alhua, cha'aye na qauem lqopitaxanaqtaiguesat namayepi, nachena na ilaxachigui na laỹepi shiỹaxauapi.

2 Timoteo 1:1

Aỹem Pablo, aỹem lamaxashec So Jesucristo, cha'aye nachera da maiche 'eetapeguec Ñim Lo'onatac 'Enauacna da yaqto' sa'axatec da nca'alaxa maye ỹachaxanapec co'olloxocheye. Qaq de'era nca'alaxa taỹot ca mashe na'attaua'a So Cristo Jesús.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Romanos 10:9

Cha'aye qami' da qaua'axache So Jesús, da nacheso Som Nataxala', qataq da qarquiyaqteỹaxaqui ỹa'amaqten da Ñim Lo'onatac 'Enauacna nca'aleeguesop naqa'en Somaye da nleuaxa, nache qami' qanca'alaxatreeguesopa da qanhuaxanaguiiqui maye ishet da qami' taleguete.

Romanos 5:12

Da hua'auchiguiñi nasouaxashet ana 'alhua chegoqchigui so Adán co'ollaq sa ỹalaq. Nache chegoqchigui de'era nasouaxashet da yo'oq da nleuaxa ana 'alhua. Qaq cha'aye 'enauac da huo'o da lasouaxashet, nache 'enauac nataqa'en da ileu namayepi.

Romanos 3:23

'Enauac qomi' huo'o da qarasouaxashet, qaq ỹoqo'oye ỹataqta qomi' qaỹoqtalo Ñim Lo'onatac 'Enauacna.

Hechos 16:31

Nache soomaye 'ena'apo': –Qomye 'aua'amaqten So Qarataxala' Jesús, yaqto' 'anca'alec, qataq 'enauac nam hueta'a ye 'arma'.

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Gálatas 3:17

Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.

Gálatas 3:14

Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Romanos 3:22

Ñim Lo'onatac 'Enauacna ỹaconeguet 'enauac nam ỹa'amaqten qataq huo'o da lpi'iỹaxac So Jesucristo, saishet da iuen da huo'otaq judío qalqo' saishet.