Gálatas 3:2 - La'aqtaqa Ñim Lo'onatac 'Enauacna 2013

² 'Oonolec da sauotaique da aỹem qaua'aqtaxañim nagui, 'eeta': Co'ollaq qauacoñiiguet So Saqcha'a La'añaxac Ñim Lo'onatac 'Enauacna, ¿peta'a qauachegoxochiichigui da qauo'ocheetac na namaxasoxonaxacpi maye chegoqo'ot so Moisés huo'otaq souaxat da qauacoñiiguet da no'on na'axaỹaxac? ¡Aja', damaye ỹoqta 'eesa da chegoqchigui da no'on na'axaỹaxac!

Nuevo Testamento Toba Sur

² Ñaq aÿim qau'aqtaxañiim nagui de'eda, 'eeta': ¿Qami' peta'a qauachigoxochiichigui da qau'ochiitac na nqataxacpi mayi chigoqo'ot so Moisés da huo'o mshi qauacoñiiguet so Espíritu mayi chigoqo'ot ñi Dios? loqo' chaq ¿chigoqchigui can qau'amaqchiñi da qau'aqaichigui?

Nuevo Testamento Toba Sombrero Negro

² Jaldata onolec ga'me jetaque jayem a'uaĝachiyem: ca'li Dios ami yanema ñe'me Lepaqal, ¿qo'li chiyaqayi da'me oqui'teguelo daa'me namaĝajoĝonaĝaco, uotaĝa chiyaqayi da'me auacoñiyeguet da'me onaĝaic 'naqataĝanaĝac? ¡Qa'ejo' nach'eda chiyaqayi queda'me auacoñiyeguet da'me onaĝaic 'naqataĝanaĝac!

Gálatas 3:2 Referans Kwoze

Gálatas 3:14

Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Hechos 15:8

Qaq Ñim Lo'onatac 'Enauacna maye maiche ỹauatton da qarhuennataxac ỹachaxanalo qomi' da nataqa'en na saishet da judiopi da ỹauotec, nache nataqa'en ỹanem So Saqcha'a Na'añaxac Qui'itta, 'eeta'ama qomi'.

Gálatas 3:5

Ñim Lo'onatac 'Enauacna saishet da qami' ỹanema co'olloxocheye So Saqcha'a La'añaxac, qataq saishet da ỹo'ot na na'anecpi maye ỹo'ot da na'aalaxa maye qami' huanguilo souaxat da qaualaqaiguet na namaxasoxonaxacpi maye chegoqo'ot so Moisés. ¡'A'i! Damaye ỹo'ot cha'aye qami' qauacoñiiguet da na'aqtaxanaxac maye chegaqaigui da no'on na'axaỹaxac.

Hebreos 2:4

Ñim Lo'onatac 'Enauacna nataqa'en qomi' ỹachaxanalo de'era, ỹachegoxotchigui na qalota na'anecpi, qataq nam ỹo'otpi maye ỹo'ot da na'aalaxa qataq nam sa qaỹauanapega. Qaq co'ollaq ỹo'ot de'era, nache ỹami' So Saqcha'a Na'añaxac Qui'itta nam tatelec da ỹami'.

Hechos 8:15

Qaq co'ollaq mashe ivi't, nache nqouagaxaueetapegueleguete so ỹa'amaqten So Jesús maye netaña ye Samaria, da yaqto' ỹaconeguet somayepi So Saqcha'a Na'añaxac Qui'itta.

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Hebreos 6:4

Qalaxaye cam ỹaxaañi da ỹa'amaqten So Cristo, nache saishet da ỹañoxot da qaltaq ỹe'eguelaxalec da nauochaxaua Ñim Lo'onatac 'Enauacna. Na'aictaxa da huo'o co'ollaxa ca huaña da ỹa'amaqten da la'aqtaxanaxac Ñimaye maye ỹataqta 'eesa, qataq ỹataqta ỹaỹamaxareeta co'ollaxa da ỹaconeguet se'eso nme maye chegoqo'ot Ñim Lo'onatac 'Enauacna. Qaq damaye ỹataqta saishet da ishet da qanaralaxat. Na'aictaxa da mashe ỹaconeguet So Saqcha'a Na'añaxac Qui'itta, 'eeta'am na laỹepi, qataq ỹaỹaten da no'on maye nachera da la'aqtaxanaxac Ñim Lo'onatac 'Enauacna, qataq dam la'añaxac Ñimaye qom qanayeetalec aca dalaxai 'alhua, qaq camaye saishet da ỹañoxot da ỹe'egueloqot qome Ñimaye da mashe ỹaxaañi da ỹa'amaqten. Qaq ỹoqta 'eesa de'era ỹo'ot camayepi, da 'eeta'am da qaltaq ỹe'eguelaxalec da iuaxaneguet so npe'enaxaqui So Cristo qataq ỹe'eetac, ỹauaachigui naqa'en 'enauac na shiỹaxauapi ana 'alhua.

Romanos 1:17

Cha'aye de'era no'on na'axaỹaxac, qomi' ỹachaxanalo da nalochiguiñi lataxac Ñim Lo'onatac 'Enauacna da ỹaconeguet ca ỹa'amaqten So Jesús. Cha'aye nache 'enapec ana nere maye huetalec na la'aqtacpi Ñim Lo'onatac 'Enauacna maye 'eeta': «Nam ỹaconeguet Ñim Lo'onatac 'Enauacna qataq huo'o da lpi'iỹaxac, nache huo'o da lca'alaxa chochaq tatec.»

1 Pedro 1:12

Qalaxaye Ñim Lo'onatac 'Enauacna ỹaỹaanaxanaxanec somayepi da de'era ỹa'axattac saishet da lalamaxat somayepi, cha'aye damaye qaỹauotaique da qaralamaxache. Qaq 'era dam na'aqtaxanaxac maye qami' ỹanema som qami' da'aqtaxanema da no'on na'axaỹaxac. Qaq somayepi ỹachegoxotchigui da la'añaxac So Saqcha'a Na'añaxac Qui'itta maye chegoqo'ot na piguem. ¡Qaq de'era nachera da huotaique nataqa'en da ỹauaachigui co'ollaxa nam chegaqasheguem lamaxashecpi Ñim Lo'onatac 'Enauacna!

2 Corintios 11:4

Cha'aye qami' qana'añaxacheeguet nam qami' nvittapegueua'alo maye ỹa'axattac ca lỹa Jesús maye saq 'ena'am som sa'axataqtac, qataq da qami' qauacoñiiguet ca lỹa saqcha'a maye saq 'ena'am som Saqcha'a Na'añaxac Qui'itta maye mashe qauacoñiiguet, qataq ca lỹa na'aqtaxanaxac maye saq 'ena'am dam mashe sogote qauacoñiiguet.

1 Corintios 9:21

Qaq naxa da sootaigui na saishet da quetague' na namaxasoxonaxacpi maye chegoqo'ot so Moisés, nache se'enaxat da lataxac namayepi, yaqto' ishet da setauan da ỹa'amaqten So Cristo. Qaq damaye, saishet da naigui da sa salaxaguet na lamaxasoxonaxacpi Ñim Lo'onatac 'Enauacna. Nachaqrata da salaxaguet namayepi, cha'aye aỹem shectague' da lataxac So Cristo.

Gálatas 3:3

Qaq da nache 'eetec de'era, qalaq ¿ta'ainco' qone' da qauoita'a sa qauaỹachiñi? Ye da qoquiilec da dalaxaic achaalataxac, nache qaviñi So Saqcha'a La'añaxac Ñim Lo'onatac 'Enauacna, qaq ¿ta'ainco' nagui da qauauoitaique da qauachegoxochiỹaigui da maiche qana'añaxataxaqui?

Hebreos 4:2

Cha'aye qomi' sa'axasoqchigui da no'on na'axaỹaxac shenaqta'am co'ollaxa so Israel le'ecpi maye ca'ai ye 'alhua Egipto. Qalaxaye nachaqrata da somayepi qaica ca naigui naqa'en de'era hua'aqchigui, cha'aye saishet da ỹa'amaqten qataq saishet da ỹalaxaguet de'era na'aqtaxanaxac.