Gálatas 3:18 - La'aqtaqa Ñim Lo'onatac 'Enauacna 2013

¹⁸ Cha'aye Ñimaye da ỹami' cam ỹachaxanapec nam ỹalaxalec na namaxasoxonaxacpi, nache de'era ỹan saishet da ỹachaxanapec. Qalaxaye Ñim Lo'onatac 'Enauacna ỹataqta 'eesa de'era ỹachaxanapecot so Abraham qaq damaye saishet da huo'o aca lasheue naqa'en.

Nuevo Testamento Toba Sur

¹⁸ Cha'ayi ca ÿan ñi Dios da huo'otaq chigoqchigui naq'en na nqataxacpi mayi chigoqo'ot so Moisés, qanachi de'eda ÿan sa ishit da ÿachaxanapec. Qalaxayi ñi Dios co'ollaq huo'o da ÿachaxanapeguem so Abraham, qalaq sa ishit da huo'o aca lashiue naq'en.

Nuevo Testamento Toba Sombrero Negro

¹⁸ Qa'a ñe'me Dios ta'le nach'edata yichoĝoden ga'me jo'ne que'teguelo daa'me namaĝajoĝonaĝaco, qama'le male ja ya'uo qaedi yepaquichigui ga'me yaqataĝañi jo'ne jetaque ye'et. Qalaĝaja eja queda'me ca'li Dios yayatenaĝanec ñe'me Abraham da'me yanem qomle ga'me joote yaqataĝañi 'me jetaque 'yetem, nataq'aen qaya'te gamachaqaega qoyiyaĝanaque qaedi ena'am ta'le lajo'vi.

Gálatas 3:18 Referans Kwoze

Gálatas 2:21

Qaq ỹoqo'oye saishet da semaqa'aguet da lauotaxanaqtaic Ñim Lo'onatac 'Enauacna. Cha'ayectaxa da qomi' ỹaconegueta souaxat da salaxasoxoguet nam namaxasoxonaxacpi, nache qaicactaxa ca naigui da l-leuaxa So Cristo.

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Gálatas 3:16

Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Gálatas 3:12

Cha'aye da qaỹaconeguet da achaalataxac da chegoqchigui na namaxasoxonaxacpi, nache sa iuen da huo'o ca npi'iỹaxac Ñim Lo'onatac 'Enauacna; nachaqrata da iuen da qaỹalaxalec na namaxasoxonaxacpi. Ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «Ca ỹalaxalec na namaxasoxonaxacpi, nache nca'alec chegoqchigui da lalaxayec.»

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»