Gálatas 3:16 - La'aqtaqa Ñim Lo'onatac 'Enauacna 2013

¹⁶ Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Nuevo Testamento Toba Sur

¹⁶ Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

Nuevo Testamento Toba Sombrero Negro

¹⁶ Qama'le nayi, gaa'me jo'ne yaqataĝadiñi ñe'me Dios jo'ne 'yetem ca'li ñe'me Abraham, nach'egaua qoyeloĝonaĝachiguilo ñe'me nataq'aen ga'tae'me c'oĝot. Daa'me nedii's ja 'yaĝatetedac ga'me qoyaqataĝañi ta'le qoyeloĝonaĝachiguilo “gaa'me c'oqo'tepi”, dite da'me qoyeloĝonaĝachigui “ga'me c'oĝot”, jo'ne nach'eñe Cristo.

Gálatas 3:16 Referans Kwoze

Romanos 4:13

Ñim Lo'onatac 'Enauacna ỹachaxanapecot so Abraham qataq na llalaqpi da ỹami' 'enauac ana 'alhua. Qalaxaye de'era ỹachaxanapec saishet da chegoqchigui da souaxat da ỹalaxalec nam namaxasoxonaxacpi so Abraham. Maye souaxat da somaye huo'o da lpi'iỹaxac Ñim Lo'onatac 'Enauacna. Nache Ñimaye ỹaỹamaxareeta somaye, nache ỹamata'ac da no'on shiỹaxaua.

Lucas 1:55

Qaq damaye ỹachaxanapeguem co'olloxocheye so hua'au qarta'alpi, som Abraham qataq so chegoxoguetpi, qaq damaye chochaq tatec.»

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Gálatas 3:8

Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axattac da Ñimaye ỹaconeguet nataqa'en nam saishet da judiopi da namayepi ỹa'amaqten So Jesucristo. Qaq ỹoqo'oye Ñim Lo'onatac 'Enauacna ỹami' so Abraham de'era no'on na'axaỹaxac: «Da iqouagaxanaqtaic chegoqchigui 'am, da talec ñaqa'en na ỹotta'a't shiỹaxauapi.»

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Hechos 3:25

Soua hua'au' vi'iye Ñim Lo'onatac 'Enauacna naỹamaxate' so hua'au qarta'ailpi, nache huo'o da ỹachaxanapecot somayepi. Qaq 'enauac nam ỹachaxanapecpi Ñimaye co'ollaxa ỹachegoxotchigui som hua'au la'aqtaxanaxanecpi. Qaq damaye nagui ỹataqta qami' ipactoto. Qaq 'era da ỹachaxanapecot Ñim Lo'onatac 'Enauacna so Abraham, som 'oonolec so hua'au qarta'alpi: «'Enauac na shiỹaxauapi ana 'alhua ỹaconeguet qome ca iqouagaxanaqtaic chegoqchigui ca 'oonolec na 'aỹa'alaqpi.»

Génesis 21:12

Qalaxaye Ñim Lo'onatac 'Enauacna, 'enapego' so Abraham, 'eeta': –«Saishet qome da 'auaquico souaxat ñim nsoqolec qataq añi 'arlata. Qaq 'auo'ot qome da lquiquiaxac añi Sara, cha'aye ca 'am chegoxoguetpi, nache chegoqchigui qome ñi Isaac.

Colosenses 3:11

Qaq damaye saishet da huo'otaq nachera da yo'oqchigui da judío le'ec huo'otaq da saishet, huo'otaq ca huo'o ca na'anaxat na lo'oc huo'otaq ca qaica, qataq ca ỹaqa'a ca chegaqa'ague, huo'otaq nam sa naỹamaxatapec, huo'otaq ca nlatac huo'otaq ca sa nlatac. Cha'aye So Cristo nachaqsota 'oonolec imata, qataq hueta'aguet 'enauac na shiỹaxauapi.

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

1 Corintios 12:27

Ñi 'oonolec da qoñiita na'attaua'a na laỹepi 'amqaanataxanaxaicpi, qaq 'enauac qami' qana'ayeetaua'a da lo'ocỹaxac So Cristo.

1 Corintios 12:12

Na ỹa'amaqteetac So Cristo, 'eeta'am da lo'ocỹaxac ca 'oonolec shiỹaxaua. Qalota na na'attaua'a logoxoshetpi, qalaxaye 'oonolec da lo'ocỹaxac.

Romanos 12:5

Qaq shenaqta'am qomi' maye sa'amaqtenaqtac So Cristo, nache qomi' qalotoiguilo, qataq ña'araqtaua'a da lo'ocỹaxac So Cristo, qalaxaye ñi 'oonolec huo'o da maiche lo'onataxanaxac.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Efesios 5:32

Qaq de'era ỹataqta 'eesa qataq ỹataqta lta'araic da naigui maye saqcha'a. Qaq aỹem nachera da seueetac da sa'axattac So Cristo qataq na 'amqaanataxanaxaicpi.

Mateo 1:1

So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

2 Corintios 11:22

Namayepi da huo'otaq hebreo le'ecpi, nache nataqa'en aỹem. Qataq namayepi da Israel le'ecpi, nache nataqa'en aỹem. Qataq namayepi da chegoxoguet so Abraham, nache nataqa'en aỹem.

Gálatas 3:19

Nache ¿negue'to' qone' cam naigui na namaxasoxonaxacpi maye chegoqo'ot so Moisés? Cha'aye co'ollaq ime da huo'o so ỹachaxanapecot so Abraham Ñim Lo'onatac 'Enauacna, nache Ñimaye qomi' ỹanema na lamaxasoxonaxacpi da yaqto' qomi' ỹachaxanalo da nam so'otaqtac ỹataqta sa ỹaỹamaxañi. Choche ivitta'a da nvi' som llalec so Abraham maye Ñim Lo'onatac 'Enauacna ỹachaxanapecot co'ollaxa somaye. Ñim Lo'onatac 'Enauacna ỹami' so lqataxacpi so Moisés chegoqchigui naqa'en na lamaxashecpi piguem le'ecpi yaqto' somaye qomi' ỹanema.