Gálatas 3:15 - La'aqtaqa Ñim Lo'onatac 'Enauacna 2013

¹⁵ Qami' ỹaqaỹañicpi, sauo'o da saloqnaxana, damaye camachaqca ca ishet da ỹaỹaten, 'eeta': Ca shiỹaxaua da huo'otaq naỹamaxate' ca lỹa da ỹo'ot aca lere maye huetalec na la'aqtacpi, qaq da ime, nache nanerelec. Huaña, nache saishet da huo'o ca ishet da nlaxaañi, huo'otaq da nqochenaxatec.

Nuevo Testamento Toba Sur

¹⁵ Qami' ÿaqaÿañicpi, huo'o da saloqnaxana, damayi chigaqaigui na yi'oqchigui shiÿaxauapi, 'eeta': Ca shiÿaxaua da huo'otaq naÿamaxate' ca lÿa, huo'otaq da i'ot aca l'aqtac lmalate, qaq da ime, nachi nanedelec. Huaña, nachi sa ishit da huo'o ca ishit da nsogoñi, huo'otaq da ishit da nqochinaxateec.

Nuevo Testamento Toba Sombrero Negro

¹⁵ Ami yaqaya'olqa, 'uo ga'me yaloqotenaĝanaĝaiqui 'me ami janema jo'ne gamachaqaega yaqanatet ta'le yayaten. Qom 'uo ga'me jiyaĝaua nayate'ne' ga'me jiyaĝaua laqaya da'me niyamaĝadenapega't, qama'le yauote ga'me nede lae jo'ne nededelegue, chane'eja qaya'te gamachaqaega yaqanatet da'me yapalaĝat uotaĝa 'uo ga'me noqotetenegue.

Gálatas 3:15 Referans Kwoze

Romanos 6:19

Cha'aye qami' ñaq 'eetalec da sa qauaỹaañi de'era, nache aỹem saconalo naua na'aqtaqa maye ỹataqta ỹataqteguelo qataq nauattonataqa. Qami' co'ollaxa qami' l-lataqa na qauem, qataq qauo'ocheetac da ñe'etaxaloxo maye nachera da qancachetague' aca saishet da nhua qataq na ỹotta'a't qauempi. Qalaxaye nagui iuen da qanalemaqaite' da qauo'onataxañiỹot Ñim Lo'onatac 'Enauacna.

Romanos 3:5

'Enauac nam qauem maye so'otaqtac ỹachaxan da Ñim Lo'onatac 'Enauacna ỹataqta 'eesa naxa da dalemata qataq ỹauo'o ye qanhuaxanaguec. Qalaxaye saishet da shenaqtega da Ñim Lo'onatac 'Enauacna da sa iqatchigui cam ỹo'ot (de'era itaxaỹaxac, ltaxaỹaxac ca choche shiỹaxaua).

1 Corintios 15:32

Co'ollaq soota'a ye Éfeso, nache satata'aguet na ỹalleppi maye 'eeta'am ca shiguiỹac dequi'iỹapec. Qalaxaye da 'eesa da na leuaxaicpi saishet da ỹe'eguelaxalec da nca'alec, nache ¿negue't ca ỹaueguec maye sachegoxotaigui de'era? Qaq ỹoqo'oye ỹaỹamaqchiguiñi da so'otaq de'era na'aqtac naxa maye 'eeta': «Sequia'aq qataq ñeỹomaq, cha'aye qonte' seleuaq.»

Hechos 1:15

Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Romanos 1:13

Qami' ỹaqaỹa't, sauotaique da qami' qauaỹaañita da aỹem ỹataqta qalota da ñeshetaique da qami' ñeqo'onalo da yaqto' qami' ñauaneto, qami' maye qoviita'a na Roma. Qalaxaye sa qoue naxa na danaqtaxan. Huo'o da lta'araic iyaxa da qami' ñeqo'onalo da yaqto' sa'axat da no'on na'axaỹaxac, 'eeta'am da sheetec naua lỹa't 'aleu' yaqto' nquiguec na ỹa'amaqten So Jesús.

Gálatas 6:18

Qami' ỹaqaỹa't, So Qarataxala' Jesucristo qami' ỹachaxanalo qome da lsoxoyec 'enauac da qoñiita. Aja', nache 'eetec.

Hebreos 6:13

Ñim Lo'onatac 'Enauacna ỹauo'o co'ollaxa de'era ỹachaxanapecot so Abraham, 'eeta': «Aỹem sauo'o qome ca 'anqouagaxa qataq 'am sami' ca ỹataqta qalota 'aỹa'alaqpi.» Co'ollaq Ñim Lo'onatac 'Enauacna da ỹami' de'era la'aqtac so Abraham da ipaqueelec, nache ỹan da la'aqtac chegoqchigui da maiche la'añaxac, cha'aye qaica ca lỹa 'amaqtaqaic da huo'otaq ỹachegoxoto'ot da la'añaxac.

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

1 Crónicas 16:16

qataq da naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem co'ollaxa so Isaac,