Gálatas 3:12 - La'aqtaqa Ñim Lo'onatac 'Enauacna 2013

¹² Cha'aye da qaỹaconeguet da achaalataxac da chegoqchigui na namaxasoxonaxacpi, nache sa iuen da huo'o ca npi'iỹaxac Ñim Lo'onatac 'Enauacna; nachaqrata da iuen da qaỹalaxalec na namaxasoxonaxacpi. Ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «Ca ỹalaxalec na namaxasoxonaxacpi, nache nca'alec chegoqchigui da lalaxayec.»

Nuevo Testamento Toba Sur

¹² Cha'ayi na nqataxacpi mayi chigoqo'ot so Moisés sa ishit da chigaqaigui da npi'iÿaxac. Chaqdata da 'eeta': “Cam i'ot cam 'enapec na nqataxacpi, camayi da nachaalataxac chigoqchigui da i'ot ca 'enapec namayipi.”

Nuevo Testamento Toba Sombrero Negro

¹² Qalaĝaja ta'le chiyaqayi daa'me namaĝajoĝonaĝaco joda'me qadec'alaĝa jo'ne qaya'te loiquiaqa', qama'le ja jouenaqataque ta'le jep'iyaqa ñe'me Dios, nach'edata da'me qolaqa'teguelo daa'me namaĝajoĝonaĝaco, qa'a enaac daa'me nedii's: “Ga'me jo'ne que'teguelo daa'me namaĝajoĝonaĝaco qama'le nec'aliyi da'me yoqocha'alo yemeda jogaa'me.”

Gálatas 3:12 Referans Kwoze

Levítico 18:5

Ỹoqo'oye ỹataqta qauloitelec qome na iqataxacpi, qataq na ỹamaxasoxonaxacpi, cha'aye ca shiỹaxaua maye ỹalaq, nache nca'alec qome. Qaq 'era da ỹa'aqtac, Aỹem Nataxala'.

Nehemías 9:29

Qataq 'auamaxalec da ỹalaxaleguete naua 'arqataxaco, qalaxaye somayepi ỹaguec da na'amqaanaxac nache 'am sa ỹalaxaguet, qataq sa ỹalaxalec na 'aramaxasoxonaxacpi, nache dataỹa'aguet na lataxacpi maye 'alapaxañi, maye ỹo'ot da lca'alaxa cam ỹalaxalec namayepi, qalaxaye somayepi ỹataqta saỹalaq, nache 'am saiqocha'a, qataq ỹoqta qaramchiguilo naua lqaigo, nache 'am sa na'axaỹaxana.

Romanos 4:14

Cha'aye da ỹachaxanapec Ñim Lo'onatac 'Enauacna, da talec nam ỹalaxaguet na namaxasoxonaxacpi, huaña nache da npi'iỹaxac qataq dam ỹachaxanapec Ñimaye ỹataqta qaica ca naigui.

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

Ezequiel 20:11

qaq huaña yemaye nache sachaxana na iqataxacpi qataq na ỹamaxasoxonaxacpi, maye ỹanem da lca'alaxa cam ỹo'ot namayepi.

Romanos 11:6

Qalaxaye Ñim Lo'onatac 'Enauacna lca'aua'a cha'aye Ñimaye soxoraic, qaq saishet da chegoqchigui cam ỹo'ot namayepi cam taiguet da yaqto' qalca'aua'a. Qaq damaye ishet da nache 'eetec de'era, cha'aye Ñimaye ỹataqta 'eesa da soxoraic.

Mateo 19:17

Nache So Jesús 'enapeco': –¿Ta'ainco' da Aỹem 'aunattac da chaq negue't ca ỹoqta ỹaỹamaqchiguiñi? Ye 'oonolec Ñim Lo'onatac 'Enauacna da soxoraic. Qaq 'am da ỹoqta 'eesa da 'anshetaique da 'anca'alec, nache no'on da ỹataqta 'aualaxalec nam namaxasoxonaxacpi.

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Romanos 7:10

qataq aỹem qaỹoqta Ñim Lo'onatac 'Enauacna. Huaña, nache de'era namaxasoxonaxac maye ishettaxa da aỹem ỹami' ca achaalataxac maye chochaq tatec, damaye aỹem ỹaueca'a da nleuaxa maye chochaq tatec.