Gálatas 3:1 - La'aqtaqa Ñim Lo'onatac 'Enauacna 2013

¹ ¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

Nuevo Testamento Toba Sur

¹ ¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Nuevo Testamento Toba Sombrero Negro

¹ Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

Gálatas 3:1 Referans Kwoze

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Gálatas 1:6

Ñim Lo'onatac 'Enauacna qami' iỹaxanalo qataq chegoqchigui naqa'en So Cristo da qami' ỹachaxanalo da lsoxoyec. Qaq ỹoqo'oye hua'c da sa sa'amaqten da ỹapac saqaỹaloq da qaỹa'axañiiuec da qaralaxayiqui Ñim Lo'onatac 'Enauacna, nache qauacoñiiguet da lỹa na'aqtaxanaxac maye npe'eneguet da no'on na'axaỹaxac.

1 Pedro 4:17

Mashe ivita ye laloqo' da Ñim Lo'onatac 'Enauacna nmit 'enauac na shiỹaxauapi, nache ỹa'auaxaachiguiñi da nmit na maiche lalamaxatpi. Qaq da ỹa'auaxaachiyiñi da qomi' nmi't qataq ỹauo'o da qanque'eenaxac, nache ¡chaq 'eetec ca taỹa'aguet nque'eenaxac nam saishet da ỹalaxaguet Ñim Lo'onatac 'Enauacna!

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

Hebreos 11:8

So Abraham huo'o da lpi'iỹaxac Ñim Lo'onatac 'Enauacna, ỹoqo'oye ỹalaxaguet Ñimaye co'ollaq 'enapega da ca'ai ye na'alhua da taỹa ca lỹa 'alhua maye ỹami' Ñimaye, nache so Abraham ỹalaq na'aictaxa da saishet da ỹoqta ỹaỹateeta cam taỹa'ague.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Gálatas 4:9

Qalaxaye nagui qauauattoñi Ñim Lo'onatac 'Enauacna. Qaq dam ỹoqta 'eesa 'eeta': Ñimaye maye qami' ỹauatto'n. Qaq ỹoqo'oye saishet da saỹaten da chaq ta'ainco' da sa qami' ala'q da qanañañiỹot nam qanatameetacotpi maye saq 'en. Ye namayepi qaica ca la'añaxac qataq qaica ca naigui.

Gálatas 3:3

Qaq da nache 'eetec de'era, qalaq ¿ta'ainco' qone' da qauoita'a sa qauaỹachiñi? Ye da qoquiilec da dalaxaic achaalataxac, nache qaviñi So Saqcha'a La'añaxac Ñim Lo'onatac 'Enauacna, qaq ¿ta'ainco' nagui da qauauoitaique da qauachegoxochiỹaigui da maiche qana'añaxataxaqui?

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

1 Timoteo 6:4

nache que'eca shiỹaxaua choche na'amqaanaxaic, qalaxaye qaica ca ỹaỹaten, qataq maiche lataxac da lqopitaxat da cotaxac da ivita da qanmittaique nam naiguipi na na'aqtacpi. Qalaxaye damaye chegaqaigui da nquiỹaxanaqtaic, qataq da nayeloxo, qataq nsheunaxanaxac, qataq saishet da qaỹa'amaqten ca nỹa,

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

1 Corintios 11:26

Qaq da ivita da qolliqui ana'ana nauole, qataq qanỹomiigui ana'ana ỹomaxaqui, nache qaua'axacheetac da l-leuaxa So Qarataxala' Jesús, choche ivitta'a ca na'a'q da ñe'eguelaq Somaye.

1 Corintios 2:2

Nachaqrata da ñacoola't da nachaqsota So Cristo da sa'axattac qataq da l-leuaxa co'ollaq qaiuaxaneguet so npe'enaxaqui.

Romanos 6:17

Co'olloxocheye da qoñiita qami' l-lataqa da ñe'etaxaloxo. Qalaxaye sanaqot da qana'achec Ñim Lo'onatac 'Enauacna souaxat da qaualaqaiguet ỹataqta imauec da qarquiyaqteỹaxaqui da lapaxaguenataxanaxac maye qami' ỹanema.

Romanos 2:8

Qalaxaye na na'amqaanaxaicpi qataq na qauemaicpi maye saishet da huotaique da ỹo'ot ca no'on, namayepi qome ỹauo'o ca nhuaxanaguec.

Hechos 6:7

Nache da la'aqtac Ñim Lo'onatac 'Enauacna ỹataqta nquictasheguem. Qataq ye lcata na da'amqaanataxan ye Jerusalén ỹataqta nquictauec, ivira'a da qalota na ỹa'amaqten So Jesús nam ntaxaỹaxanaxanecpi da qaitaxaỹapegue' Ñim Lo'onatac 'Enauacna maye judiopi.

Apocalipsis 18:3

Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

1 Samuel 13:13

Nache so Samuel 'enapeco': «¡'Am ỹataqta huo'o da 'oic peta'a! Qamaq taxa da 'aualaxaguet da namaxasoxonaxac maye 'am ỹanem Ñim Nataxala', nache Ñimaye ipacchigui taxa da nache 'eetai' naqa'en da 'aro'onataxanaxac da 'aulotague' na netaña na Israel.

Romanos 10:16

Qalaxaye saishet da 'enauac da qaỹaconeguet de'era no'on na'axaỹaxac. Qaq ipacchigui da la'aqtac so Isaías co'ollaq 'eeta': «'Am Nataxala', ¿negue'tom ca ishet da ỹa'amaqten da qara'aqtaxanaxac?»

Deuteronómio 32:6

¿Peta'a nachera da 'eetec da qaushiichiñi Ñim Nataxala'? Qami' nhuo' le'ecpi maye qaica ca qaraỹaanataxanaxaqui qataq qaica ca qauaỹaañiỹapec, ¿peta'a sa nacheñi ñimaye da qarta'ai, maye qami' lo'onataqa? ¡Ñimaye qami' lo'onataqa qataq ỹo'ot da qanachaalataxaqui!

Lucas 24:25

Nache So Jesús 'enapeco': –¡Ỹataqta qaico' ca qauaỹaañiỹapec qami', qataq qaỹaloqta da qaua'amaqchiñi 'enauac nam la'aqtaxanaxacpi co'ollaxa som la'aqtaxanaxanecpi Ñim Lo'onatac 'Enauacna!

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Mateo 7:26

Qaq cam Aỹem na'axaỹaxaatega qalaq saishet da ỹo'ot de'era sheetega, qalaq camaye 'eeta'am ca ỹale maye qaica ca ỹaỹaanapec, da no'oxootelec naqa'en ca lma' ca delec.

Hechos 16:6

So Pablo qataq soua lỹa't huotraique da ỹa'axa't da la'aqtac Ñim Lo'onatac 'Enauacna co'ollaq huaña ye 'alhua Asia, qalaxaye So Saqcha'a Na'añaxac Qui'itta sa ỹashenema soomaye. Qaq ỹoqo'oye soomaye napactralec ye 'alhua Frigia qataq ye Galacia,

Gálatas 5:11

Qami' ỹaqaỹa't, da aỹemctaxa da sa'axatec da 'enauac, iuen da qaỹauo'o ca na'anaxat da qaro'ocỹaxaqui, nache nam aỹem ipa'agueetacpi ỹaxaañictaxa da aỹem icaatac, nache de'era na'aqtaguec da l-leuaxa So Cristo co'ollaq qaiuaxaneguet so npe'enaxaqui, saishettaxa da inogoqchet namayepi.