Gálatas 2:5 - La'aqtaqa Ñim Lo'onatac 'Enauacna 2013

⁵ Qalaxaye qomi' saishet da huo'o ca huaña da qolaxague namayepi. Cha'aye sauoqtaique da qami' qoquiitegue qataq qaualaqaiguet da ỹataqta 'eesa na'aqtaxanaxac maye chegaqaigui da no'on na'axaỹaxac.

Nuevo Testamento Toba Sur

⁵ Qalaxayi qomi' ÿataqta sa ishit da cada'acolec da ña shinaqta da qolaxague namayipi. Cha'ayi sauoqtaique da qami' nachi 'eetai' da qami' hueto'oto dam 'eesa n'aqtaxanaxac mayi chigaqaigui da nca'alaxa.

Nuevo Testamento Toba Sombrero Negro

⁵ Qalaĝaja qo'mi ja jauoqo 'te ledaqa' ta'le qo'mi yaue'j jogaa'me, qo'mi jepagaqatapega ta'le ami oquitelegue da'me auoqochiiya da'me yataqatelegue nep'iquinataĝanaĝac jo'ne 'yaĝatetac da'me onaĝaic 'naqataĝanaĝac.

Gálatas 2:5 Referans Kwoze

Gálatas 4:16

¡Qaq nagui, souaxat da qami' sa'aqtaxaateguema dam ỹataqta 'eesa, nache damaye aỹem ỹo'otec da 'eeta'am da qami' ñepa'aguenaxau'!

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.

Efesios 1:13

Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Hechos 15:2

Nache so Pablo qataq so Bernabé sa ỹaỹamaxare'n de'era, qaq ỹoqo'oye ncotategueto soomaye. Nache so 'amqaanataxanaxaicpi maye lma' ye Antioquía 'enapegalo soua Pablo qataq so Bernabé da taregue da Jerusalén da nqo'oneua'alo soua namaxa'she qataq som lataxala'pi so 'amqaanataxanaxaicpi da yaqto' ỹaỹamaxaayiñi de'era qancotatapigui. Nache so Pablo qataq so Bernabé je'c nnaicapegueto soua lỹa't 'amqaanataxanaxaiqa.

Gálatas 1:6

Ñim Lo'onatac 'Enauacna qami' iỹaxanalo qataq chegoqchigui naqa'en So Cristo da qami' ỹachaxanalo da lsoxoyec. Qaq ỹoqo'oye hua'c da sa sa'amaqten da ỹapac saqaỹaloq da qaỹa'axañiiuec da qaralaxayiqui Ñim Lo'onatac 'Enauacna, nache qauacoñiiguet da lỹa na'aqtaxanaxac maye npe'eneguet da no'on na'axaỹaxac.

Nehemías 6:4

Qaq ivi' cuatro da qaỹe'eguelaxalec da aỹem qaicoyeguen, qalaxaye nachesota se'eso 'oonolec ỹasataxac.