Gálatas 2:21 - La'aqtaqa Ñim Lo'onatac 'Enauacna 2013

²¹ Qaq ỹoqo'oye saishet da semaqa'aguet da lauotaxanaqtaic Ñim Lo'onatac 'Enauacna. Cha'ayectaxa da qomi' ỹaconegueta souaxat da salaxasoxoguet nam namaxasoxonaxacpi, nache qaicactaxa ca naigui da l-leuaxa So Cristo.

Nuevo Testamento Toba Sur

²¹ Qaq ÿoqo'oyi sa ishit da semaqpec da lqouagaxanaqtaic ñi Dios. Cha'ayíctaxa da huo'o ca ishit da ÿaÿamaxadeeta ñi Dios souaxat da ÿalaxaguet cam 'enapec na nqataxacpi mayi chigoqo'ot so Moisés, nachi huañáctaxa qaq sa ishit da huo'o ca naigui da l-leuaxa so Cristo.

Nuevo Testamento Toba Sombrero Negro

²¹ Chane'eja ja jemaĝaguet da'me loqopich'i ñe'me Dios, qa'a ta'le ñe'me qo'mi yataqatelo'te q'ae'n queda'me qolaqa'teguelo daa'me namaĝajoĝonaĝaco, qama'le qaya'te chiyaqayi da'me leleuaĝa ñe'me Cristo.

Gálatas 2:21 Referans Kwoze

Romanos 11:6

Qalaxaye Ñim Lo'onatac 'Enauacna lca'aua'a cha'aye Ñimaye soxoraic, qaq saishet da chegoqchigui cam ỹo'ot namayepi cam taiguet da yaqto' qalca'aua'a. Qaq damaye ishet da nache 'eetec de'era, cha'aye Ñimaye ỹataqta 'eesa da soxoraic.

Gálatas 3:21

Qaq de'era saishet da naigui da na namaxasoxonaxacpi dataỹa'aguet da ỹachaxanapec Ñim Lo'onatac 'Enauacna. ¡'A'i! Cha'aye da na namaxasoxonaxacpi qomi' ỹanema ca nca'alaxa maye chochaq tatec, nache Ñim Lo'onatac 'Enauacna qomi' ỹaconegueta souaxat da salaxasoxoguet na namaxasoxonaxacpi.

Hebreos 7:11

Ñim Lo'onatac 'Enauacna ỹami' na namaxasoxonaxacpi so Israel le'ecpi. Qaq ne'ena namaxasoxonaxacpi qaỹo'ot, cha'aye qaiuennatega da na ntaxaỹaxanaxanecpi maye chegoxoguet na llalaqpi so Leví itauan 'enauac na lauo' le'ecpi da yaqto' nalochiguiñi da lataxac. Qalaxaye ne'ena ntaxaỹaxanaxanecpi sa ỹañoxot da ỹo'ot damaye, ỹoqo'oye iuen da huo'o ca lỹa ntaxaỹaxanaxanec da qaitaxaỹapegue' Ñim Lo'onatac 'Enauacna da huaỹoqtec da lataxac qataq saishet da chegoxoguet so ntaxaỹaxanaxanec Aarón. Nachaqrata da 'eeta'am so Melquisedec.

1 Corintios 15:14

Qaq da saishettaxa da nca'alec qanqa'en So Cristo, nache de'era no'on na'axaỹaxac maye sa'axataqtac qaicactaxa ca naigui, qataq nataqa'en qaica ca naigui da qami' qaua'amaqchiñiitac So Cristo.

Gálatas 2:16

Qalaxaye qomi' ỹataqta saỹaanaqta da Ñim Lo'onatac 'Enauacna ỹaconeguet cam ỹataqta huo'o da lpi'iỹaxac So Jesucristo, qaq qaica ca nca'alec da chegoqchigui da ỹalaxaguet na namaxasoxonaxacpi. Qaq ỹoqo'oye qomi' sa'amaqtenaq So Jesucristo, da yaqto' ishet da qomi' ỹaỹamaxareete' Ñim Lo'onatac 'Enauacna souaxat de'era qarpi'iỹaxac Ñimaye. Cha'aye saishet da huo'o ca ỹaỹamaxareeta Ñim Lo'onatac 'Enauacna souaxat da ỹo'ottac na namaxasoxonaxacpi.

Romanos 10:3

Cha'aye namayepi saishet da ỹaỹaten da 'oonolec Ñim Lo'onatac 'Enauacna da ishet da ỹapalaxat ca lasouaxashet ca shiỹaxaua. Qaq ỹoqo'oye namayepi npogoxoueetapegue' da huo'o cam ỹo'ot da yaqto' Ñim Lo'onatac 'Enauacna ỹaconeguet namayepi. Qaq saishet da ỹo'ot dam ỹataqta ỹaỹamaxareeta Ñim Lo'onatac 'Enauacna.

Isaías 49:4

Qalaxaye aỹem shenapec': «Aỹem ỹataqta qaica ca naigui da ỹo'onataxanaxac, choche semetaxateuo da ỹa'añaxac qalaq qaica ca sachegoxotaigui.» Qalaxaye nam so'otpi hueto'ot Ñim Nataxala', qaq cam ñesheetanaguec qalaq chegoqo'ot qome Ñim Lo'onatac 'Enauacna.

1 Corintios 15:2

Da qoquiito'ot da qanaquitaxaqui de'era no'on na'axaỹaxac, nache qarca'alliiuec. Qaq da saishet, nache qaica ca naigui damaye co'ollaxa da qauacoñiiguet.

Gálatas 2:18

Cha'aye da aỹem shenapec da na namaxasoxonaxacpi qaica ca naigui, qalaxaye ime qaltaq she'eguelaxa da salaxalec, nache sachaxan da aỹem ỹataqta sesomapec.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Marcos 7:9

Qami' ỹataqta qauaỹachiñi da lataxac da qaumaqỹa'agueta naua lamaxasoxonaxaco Ñim Lo'onatac 'Enauacna, da yaqto' qoquiigue da maiche qaralamaxache qarapaxaguenataxanaxaqui.

Salmos 33:10

Ñim Nataxala' saishet da ipaigui naqa'en na 'eetapeguecpi na ỹotta'a't shiỹaxauapi, qataq saipaigui naqa'en na 'eetapeguecpi na nhuo' le'ecpi.

1 Corintios 15:17

Qaq So Cristo da saishettaxa da ỹe'eguelaxalec da nca'alec qanqa'en, nache qaica ca naigui da qarpi'iỹaxaqui Somaye. Qataq na qarasouaxashechi saishettaxa da qaỹapalaxat.

Jeremías 8:8

Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

Romanos 4:25

Ñim Lo'onatac 'Enauacna ỹan So Jesús co'ollaxa da yaqto' qomi' ileualeguete souaxat na qarasouaxashetpi, qataq nca'alaxateeguesop da nleuaxa, da yaqto' ỹapalaxat na qarasouaxashetpi.