Gálatas 2:15 - La'aqtaqa Ñim Lo'onatac 'Enauacna 2013

¹⁵ 'Enauac da shenaqta, qomi' judiopi, chegoqchiguiña co'ollaq nañiguiñi ñi 'oonolec, qaq saishet da shenaqta'am nam 'etaxaloxoicpi maye saishet da judiopi.

Nuevo Testamento Toba Sur

¹⁵ Qomi' na qadta'alpi judío l'ecpi, qaq sa ishit da shinaqta'am nam ÿotta'a't shiÿaxauapi mayi 'itaxaloxoicpi.

Nuevo Testamento Toba Sombrero Negro

¹⁵ Nataq'aen ja'aqataĝanem queda'me qo'mi jo'ne judiopi chiyoqo'teguet da'me qadañoĝoc ca'li, choqoda'me ja qo'mi 'te loeco lo'olpi ja jenaqa'ama jogaa'me ja judiopi,

Gálatas 2:15 Referans Kwoze

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Romanos 3:9

Qaq ỹoqo'oye ¿chaq hua'ague ca 'eetec? ¿Peta'a da qomi' judiopi, nache ishet da ñapagaqalec na laỹepi shiỹaxauapi? ¡'A'i, saishet da nache 'eetec de'era! Cha'aye mashe ime da qami' sa'aqtaxaateguema da qomi' judiopi qataq nam saq judiopi 'enauac qomi' 'etaxaloxoicpi.

Filipenses 3:4

Qaq aỹem ye nataqa'en ỹataqta ñaquita'a co'ollaxa namayepi, qaq ỹoqo'oye da huo'o ca lỹa da 'eetega ỹactec da naquittega namayepi, nache aỹem ỹactec da ñaquitaxac namayepi.

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Mateo 9:11

Qaq huo'o som ỹalectaigui na fariseopi da ỹauaachigui 'enauac se'eso shiỹaxauapi, nache inattra'apo' soua lapaxaguenataqa So Jesús 'eeta': –¿Ta'ainco' ñim qami' ỹapaxagueeta'ape ye ishet da nhuana'ai' nam ỹacootapeeguet anam nsheetenaqte ca nta'a qataq nam 'etaxaloxoicpi?

1 Samuel 15:18

Qaq Ñim Nataxala' da huo'otaq 'am ỹamaxalec co'ollaxa da 'anqo'ona da 'aulaxachigui se'eso 'etaxaloxoicpi amaleciitapi, qataq ỹataqta 'anmatchiguiñi da 'aualauat.

Lucas 24:7

«Aỹem Shiỹaxaua Llalec Aỹem qoỹanoigui qome na 'etaxaloxoicpi, da yaqto' Aỹem qaiuaxaneuo, qalaxaye qom mashe ivi' caua tres na'axa'te, nache qaltaq ñeca'alec.»

Gálatas 2:17

Qaq ỹoqo'oye qomi' sauoqtaique da Ñim Lo'onatac 'Enauacna qomi' ỹaconegueta chegoqchigui So Jesucristo. Qalaxaye da so'otaq de'era, nache selaqalec da nataqa'en qomi' 'etaxaloxoiqa shenaqta'am na laỹepi shiỹaxauapi, qaq ¿qarhuennataxac peta'a da So Cristo qomi' 'etaxaloxoiqa naqa'en? ¡'A'i, saishet!