Gálatas 2:14 - La'aqtaqa Ñim Lo'onatac 'Enauacna 2013

¹⁴ ¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

Nuevo Testamento Toba Sur

¹⁴ Qalaxayi co'ollaq aÿim sela'a da sa ishit da natenguet da lataxac da lapaxaguenataxanaxac dam n'aqtac mayi chigaqaigui da nca'alaxa, nachi aÿim sevidaxato'ot so Pedro, ÿauaachigui ñaq'en 'enauac nam 'amqajnataxanaxaicpi. Shiita': “'Am, 'am judío l'ec, qalaq so lÿa na'a'q 'au'enaxat da n'onataxac na saq judiopi da 'axaañi da n'onataxac na judiopi, qalaq ¿tá'ainco' nagui da 'anshitaique 'eleetac na saq judiopi, da yaqto' i'enaxat da n'onataxac na judiopi?”

Nuevo Testamento Toba Sombrero Negro

¹⁴ Dojo' eetedapega mach'e naq'aeta da'me lajoĝo'j nautena da'me yataqatelegue nep'iquinataĝanaĝac 'me onaĝaic 'naqataĝanaĝac. Qo'che' jojapegue' ca'li ñe'me Pedro da'me jajoyaqa'agueta gaa'me p'etaqadaiquipi di'me Antioquía qama'le jenapega: “Am, auen at'oyaĝac da'me ena'am ta'le ja am 'te judío le'ec. Qama'le nayi, ¿toqoch'e auepagaqatetapeque jogaa'me ja judiopi qaedi quetede'egue da'me naeda'ac jogaa'me judiopi?”

Gálatas 2:14 Referans Kwoze

Gálatas 2:5

Qalaxaye qomi' saishet da huo'o ca huaña da qolaxague namayepi. Cha'aye sauoqtaique da qami' qoquiitegue qataq qaualaqaiguet da ỹataqta 'eesa na'aqtaxanaxac maye chegaqaigui da no'on na'axaỹaxac.

Hechos 10:28

Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

1 Timoteo 5:20

Qalaxaye ca saishet da ỹaxaañi da lle'etaxaloxo, nache 'ana'axannec da qonapega qataq ỹauaachigui 'anqa'en na laỹepi 'amqaanataxanaxaicpi yaqto' namayepi ishet da ñi'i, nache saishet da huo'o ca ỹe'enaxat camaye.

Gálatas 6:12

Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Proverbios 2:7

Ñimaye itauan qataq ntela'a ca ỹaỹamaqchiguiñi da lataxac qataq ca qaica ca ỹasouaxat,

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Hebreos 12:13

Qanqalgoqoi qome, qoquiitegue so nqa'aic maye ỹataqta ỹashectec qataq nalochiguiñi, yaqto' ca napia' maye ñi'iỹauo, qalaq ishet da no'oita, qataq saishet da ỹe'eguelaxa da vi'ita'a't.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

Gálatas 2:7

Nachaqrata da soomaye ỹaỹateete' da so Pedro qaipataxalec da ỹa'axatem da no'on na'axaỹaxac na judiopi qaq aỹem, qalaq aỹem qaipataxalec da sa'axatem nam saishet da judiopi.

Romanos 14:14

So Qarataxala' Jesús aỹem ỹapaxaguen da qaica ca nallec da qauem. Qalaxaye da huo'o ca ipettega da huo'o ca nallec maye saishet da ishet da qanallec, nache no'on da saishet da chec.

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

Proverbios 10:9

Ca ilotague' da llecỹaxac camaye qaica ca ñe'etaique, qaq ca qauem da llecỹaxac qalaq qauem ca loga't.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Salmos 58:1

Qami' maye qami' 'añaxaicpi, ¿peta'a 'eesa da ỹaỹamaqchiguiñi da huo'o ca qauo'oche, qataq da qanmiche na shiỹaxauapi?

Salmos 15:2

Nachecata ca qaica ca lasouaxashet, qataq ỹo'ottac ca no'on lataxac, qataq ca ỹataqta 'eesora naua 'ena'ape 'enauac da lquiyaqteỹaxac,

Levítico 19:17

Saishet da choche qauacheetaigui añi qarquiyaqche ca npe'enaxac ca qarỹai. Ỹataqta qoñiỹapega, yaqto' saishet da qanhuañiỹaua'a ca ỹo'ot lle'etaxaloxo.

Gálatas 2:3

Qaq somayepi saishet da huo'o ca ỹamaqtalec da ỹauo'o ca na'anaxat na lo'oc, ivira'a so Tito maye saishet da judío le'ec.

Hechos 15:1

Qaq se'esoua na'axa'te, nache huo'oi soua nvilye' ỹale't, chegoqra'ague da Judea da nvilda ye Antioquía. Nache soomaye ỹapaxagueetrapeguec na 'amqaanataxanaxaicpi da ca nshetaique da qanca'alaxatec, qalaq camaye iuen da qaỹauo'o ca na'anaxashet na lo'oc, cha'aye damaye, nache lamaxasoxonaxac so Moisés.

Hechos 15:5

Qalaxaye huo'oi soua ỹalectrauo na fariseopi maye nataqa'en ỹa'amaqteetrac So Jesús, soomaye nachaayiñi, nache 'ena'apo': –Nam 'amqaanataxanaxaicpi maye saishet da judiopi, namayepi iuen da shenaqapega da ỹalaxalec na namaxasoxonaxacpi maye chegoqo'ot so Moisés qataq ỹauo'o ca na'anaxashet na lo'oc.

Gálatas 1:6

Ñim Lo'onatac 'Enauacna qami' iỹaxanalo qataq chegoqchigui naqa'en So Cristo da qami' ỹachaxanalo da lsoxoyec. Qaq ỹoqo'oye hua'c da sa sa'amaqten da ỹapac saqaỹaloq da qaỹa'axañiiuec da qaralaxayiqui Ñim Lo'onatac 'Enauacna, nache qauacoñiiguet da lỹa na'aqtaxanaxac maye npe'eneguet da no'on na'axaỹaxac.

Gálatas 1:18

Qaq co'ollaq mashe inoxoore'c soua tres vi'iye, nache aỹem saigue da Jerusalén da yaqto' sauatton so Pedro, nache soota'asop somaye ivi' soua quince na'axa'te.

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.