Gálatas 2:13 - La'aqtaqa Ñim Lo'onatac 'Enauacna 2013

¹³ Huaña, nache na laỹepi judiopi, ỹe'enaxat da lataxac somaye. Qaq ivira'a so Bernabé ỹa'amaqten de'era.

Nuevo Testamento Toba Sur

¹³ Huaña, nachi na laÿipi judiopi mayi 'amqajnataxanaxaicpi nachi qai'enaxat so Pedro dam lli'iÿaxa. Qaq ivida'a nataq'en so Bernabé ÿalectoigui somayi da lli'iÿaxa.

Nuevo Testamento Toba Sombrero Negro

¹³ Pedro nataq'aen jogaa'me judiopi ch'e yep'aĝatedañe da'me yataqachiñe lajoĝoc da'me 'loyaĝa'j, chayovida'a nach'eñe ñe'me Bernabé 'yamaqate'n jogaa'me.

Gálatas 2:13 Referans Kwoze

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Hebreos 13:9

Qaq ỹoqo'oye saishet da qauqocheetega na napaxaguenataxanaxacpi maye sa qaỹauanapega, maye ỹataqta sa nateneguet dam qomi' ỹapaxagueneque So Jesucristo. Ỹactec da 'onaxaic da saconaxaguet da qara'añaxac maye nachera da lsoxoyec Ñim Lo'onatac 'Enauacna, qaq saishet da nachena na qalapaqtañipi maye ỹa'axat cam qanallec qataq cam saishet da qanallec, cha'aye damaye qaica ca ltaunaxanaxac.

1 Corintios 8:9

Qaq qomi' na'aictaxa da qomi' huesochiguiñi da maicheye ca sacheguenaq. Qalaxaye iuen da ñetelaqa'a na qara'amqaanataxanaxauapi maye saxanaxa da da'añi da lpi'iỹaxac.

1 Corintios 5:6

Qami' sa ỹaỹamaxañi da qaño'oxoreñiitapigui de'era. ¿Sa qauaỹaañiỹo' naxa da na'aqtac maye 'eeta': «Aca saq 'amaqtaq lalecte ana nauole ishet da ỹasheeraxachigui 'enauac ca ndaqñiguishec 'ayiiña»?

Hechos 4:36

Qaq huo'o so ỹalectauo le'enaxat José, somaye lañoqo' aca ỹaqa'ata 'alhuole le'enaxat da Chipre. Somaye chegaqaigui nam ltauapi na ntaxaỹaxanaxanecpi maye chegoxoguet so Leví. Qaq soua namaxa'she ỹauo'oi da dalaxaic le'enaxat Bernabé. Qaq de'era ne'enaxat naigui da 'añaqtaxanaxaic.

Eclesiastés 10:1

Aca lotaxañi leuaxai, na'aqchet cam no'on coraxat maye lo'onatac cam coraxat lo'o, qaq nache 'eetec ca saq 'amaqtaq no'oopashec cam nauotaxat, maye qoỹeetega ỹaanaxanaxaic, qataq huo'o naq 'enec.

Gálatas 2:1

Qaq co'ollaq mashe inoxoore'c soua catorce vi'iye, nache Ñim Lo'onatac 'Enauacna ỹauo'o da ỹauanaqchec, da aỹem iuen da saigue da Jerusalén. Se'eso na'a'q aỹem ñenaicapegueto soua Bernabé qataq Tito. Qaq co'ollaq huaña ye Jerusalén, nache sataxaguet so 'amqaanataxanaxaicpi, nache sa'aqtaxanaqteguem de'era na'aqtaxanaxac maye sa'aqtaxanaqteguem nam saishet da judiopi. Qaq co'ollaq ime de'era, nache ñeroqteetec so lataxala'pi na 'amqaanataxanaxaicpi da sataiguet, cha'aye sa saỹamaxaren da qaica ca naigui nam mashe semat ỹo'onatacpi qataq nam ñaq so'ottac nagui.

1 Corintios 12:2

Co'ollaq qami' saxanaxa da qaua'amaqchiñi So Cristo, nache qausomiitac, qavio'oxoyiñiitac na qanatameetacotpi maye saq 'en qataq choche ne'enaqtacpi qataq qaicaua caua la'aqtaqa.

Eclesiastés 7:20

Qalaxaye ỹoqta 'eesa da qaica ca ỹale ana'ana 'alhua, da na'aictaxa da no'on da lataxac qataq ỹo'ottac ca ỹaỹamaqchiguiñi da qaica ca lasouaxashet.

Génesis 27:24

nache qaltaq ỹe'eguelaxalec da inat somaye, 'eeta': «¿Peta'a 'eesa da nache'am ỹalec Esaú?» Nache so Jacob, 'enapeco': «Aja', nachaỹem Esaú.»

Da na'aqtaguec so Job 15:12

¿Ta'ainco' da qoquetague' da maiche 'arquiyaqteỹaxac, qataq da 'ettapoiguilo naua 'ara'ai'te da 'aralemataic?

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

2 Samuel 16:19

Cha'aye ¿Negue't taxa ca setauan? Aỹem setauan na llalec so ñauochaxaua, 'eeta'am co'ollaq setauaatac so 'arta'a.