Gálatas 2:12 - La'aqtaqa Ñim Lo'onatac 'Enauacna 2013

¹² Cha'aye co'ollaq saxanaxa da nvi' so judiopi maye lamaxashecpi so Santiago, nache so Pedro dequi'iỹa'ai' naxa na 'amqaanataxanaxaicpi maye saishet da judiopi, qalaxaye co'ollaq nvi' na judiopi, nache somaye ỹaxaañi da dequi'iỹa'ai' namayepi, cha'aye huo'o da lcolanaxa.

Nuevo Testamento Toba Sur

¹² Cha'ayi somayi i'auaxaañi da dequi'iÿa'ai' nam sa ishit da judío l'ecpi, chochi ivitta'a co'ollaq nvi't soua shiÿaxa'u mayi lamaxa'shi so Santiago. Huaña, nachi somayi ca'ai namayipi da sa ishit da lqui'axaua, cha'ayi souaxat da ñi'iÿa nam quetaigui da qaÿauo'o na n'anaxashit naq'en ca shiÿaxaua.

Nuevo Testamento Toba Sombrero Negro

¹² Qa'a ca'li maliaĝa ja yovi't gaa'me judiopi jo'ne lamaĝa's ñe'me Santiago, Pedro neuanaĝa'u gaa'me p'etaqadaiquipi jo'ne ja judiopi; qalaĝaja ca'li yovi't jogaa'me male yaĝañi da'me ya'uo da'me dojo', qa'a t'oiyapegalo jogaa'me.

Gálatas 2:12 Referans Kwoze

Hechos 10:28

Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

Lucas 15:2

Nache nam ỹalectaigui na fariseopi qataq nam dapaxaguenataxaatapeguec na namaxasoxonaxacpi quetapeguelec Somaye, 'eeta': –De'era ỹale, qache ỹaconeguet na 'etaxaloxoicpi qataq lquia'axaua namayepi.

Efesios 3:6

Qaq de'era 'eetapeguec maye saqcha'a, damaye, 'eeta': Chegoqchigui So Jesucristo da 'enauac nam saishet da judiopi, namayepi nataqa'en ishet da ỹaconeguet da nca'alaxa qataq nam qaỹachaxanapecotpi na Israel le'ecpi. Ime, nache ỹauaxaỹaxana't da yaqto' ima'a't da nhuo' le'ecpi. Qaq dam iuen da ỹo'ot namayepi 'eeta' ỹaconeguet da no'on na'axaỹaxac.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

Efesios 2:15

Cha'aye So Cristo nlaxaañi da lamaxasoxonaxac na nqataxacpi qataq nache chegoqchigui Somaye da se'eso sa nhuoona't nhuo' le'ecpi ivira'a da auochaxauapi.

Isaías 65:5

Nache 'enapec naxa: «Nache qoueta'acna saishet qome da aỹem 'anquigueua'a, cha'aye aỹem ỹataqta aỹem qui'itta nache saishet da aỹem 'apottegueua'a.» Ne'ena shiỹaxauapi 'eeta'am ca norec maye imauec ye na'a'q da 'ettaigui, nache ỹataqta aỹem saỹalemaxat, 'eeta'am ca lmala'q da taiguilo naua imic lauaco.

Isaías 57:11

Qaq ¿negue't se'eso atamnaxala'pi maye 'añe'etega qataq 'avio'oxoreetac, da yaqto' aỹem qoca'ai qataq imauec da aỹem 'aucoua'ai? Co'ollaq saishet da aỹem 'avio'oxoreetac nache Aỹem choche ñe'emaxat, qataq 'eco' sa sauatonaxan.

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Hechos 12:17

Qalaxaye somaye ỹauota'a na lhuaq da nhuogaxa somayepi da de'enaxaatai'. Ime, nache ỹa'axat da 'eetec Ñim Lo'onatac 'Enauacna da nqateeguesop somaye añi ncoñetaxanaxaqui. Ime, nache 'enapego' somayepi, 'eeta': –Qaua'axachem qome 'enauac de'era ca Santiago qataq 'enauac na qarqaỹañicpi. Ime, nache ncoyeguene' somayepi, nache jec da taỹa ca laỹepi nỹecpi.

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

Lucas 5:38

Qaq ỹoqo'oye que'eca dalaxaicolec lataxa, camaye iuen da qaicoyigui aca dalaxaale lo'oc ca shiguiỹac.