Gálatas 2:11 - La'aqtaqa Ñim Lo'onatac 'Enauacna 2013

¹¹ So Pedro co'ollaq nvita ye nỹecpi ye Antioquía, huaña, nache ỹataqta sataỹa'aguet, nache sheetega cha'aye sa ỹaỹamaxañi da ỹo'ottac.

Nuevo Testamento Toba Sur

¹¹ Qalaxayi so Pedro co'ollaq taÿa yi la ciudad Antioquía, huaña, nachi ÿataqta sevidaxato'ot, souaxat da i'ottac ÿataqta sa ÿaÿamaxañi.

Nuevo Testamento Toba Sombrero Negro

¹¹ Qalaĝaja ca'li Pedro yec'ata di'me noic 'me Antioquía ua'a ca'li jajoya'aguet ñe'me qa'a ja'aĝatem queda'me ja 'noota ga'me ya'uo.

Gálatas 2:11 Referans Kwoze

1 Timoteo 5:20

Qalaxaye ca saishet da ỹaxaañi da lle'etaxaloxo, nache 'ana'axannec da qonapega qataq ỹauaachigui 'anqa'en na laỹepi 'amqaanataxanaxaicpi yaqto' namayepi ishet da ñi'i, nache saishet da huo'o ca ỹe'enaxat camaye.

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.

Hechos 15:1

Qaq se'esoua na'axa'te, nache huo'oi soua nvilye' ỹale't, chegoqra'ague da Judea da nvilda ye Antioquía. Nache soomaye ỹapaxagueetrapeguec na 'amqaanataxanaxaicpi da ca nshetaique da qanca'alaxatec, qalaq camaye iuen da qaỹauo'o ca na'anaxashet na lo'oc, cha'aye damaye, nache lamaxasoxonaxac so Moisés.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

Gálatas 2:7

Nachaqrata da soomaye ỹaỹateete' da so Pedro qaipataxalec da ỹa'axatem da no'on na'axaỹaxac na judiopi qaq aỹem, qalaq aỹem qaipataxalec da sa'axatem nam saishet da judiopi.

Gálatas 2:5

Qalaxaye qomi' saishet da huo'o ca huaña da qolaxague namayepi. Cha'aye sauoqtaique da qami' qoquiitegue qataq qaualaqaiguet da ỹataqta 'eesa na'aqtaxanaxac maye chegaqaigui da no'on na'axaỹaxac.

2 Corintios 12:11

Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

Mateo 16:23

Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

2 Corintios 11:5

Cha'aye aỹem sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi.

Hechos 11:19

Qaq co'ollaq mashe qaỹalauat so Esteban, nache chegoqchiguiña da nataqa'en qaicanaxangui na laỹepi maye ỹa'amaqten So Jesús, nache namayepi datauec. Huo'o na taỹa ye 'alhua Fenicia, qataq añi ỹaqa'ata 'alhuole le'enaxat Chipre, qataq ye nỹecpi ye Antioquía. Huañalo ne'enaua 'aleu', nache qaỹa'axattac da no'on na'axaỹaxac, qalaxaye qandoxottec na judiopi, qaq na laỹepi shiỹaxauapi saishet da qaỹa'aqtaxanem.

Jonás 4:9

Qalaxaye Ñim Lo'onatac 'Enauacna, 'enapego' so Jonás, 'eeta': «¿Peta'a ỹaỹamaqchiguiñi 'anqa'en da 'aualemata souaxat da deqaqa so nshe'ela?» Nache so Jonás, 'enapeco': «Aja', ỹataqta salemata, souaxat da deqaqa so nshe'ela.»

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.

Jeremías 1:17

Qaq 'am, 'anaỹamaxat qome. Nache qojec da 'aua'aqtaxanem namayepi 'enauac nam 'am samaxalec. Qaq saishet da 'aye'etega qome namayepi, cha'aye da 'añi'i, nache so'ot da 'aviloxol qom 'auataỹa'aguet namayepi.

Números 20:12

Nache Ñim Nataxala' 'enapega so Moisés qataq so Aarón, 'eeta': «Qaq souaxat da saishet da huo'o ca qarpi'iỹaxaqui Aỹem, qataq saishet da Aỹem qavio'oxoyiñi da ỹauaachigui qanqa'eñi na Israel le'ecpi, nache saishet qome da qarỹaiteuo ne'ena shiỹaxauapi qom inoxoneua'a ye 'alhua maye sanem namayepi.»

Juan 1:42

Ime, nache so Andrés ỹauec so Simón da ỹauega ca netaña So Jesús. Qaq So Jesús co'ollaq ila'aguet somaye, nache 'enapega, 'eeta': –'Am Simón maye 'am llalec so Jonás, 'am qaỹamata'ac da 'are'enaxat Cefas. (De'era ne'enaxat naigui da Pedro, nataqa'en naigui da Coma'.)

Hechos 11:20

Qalaxaye huo'o na 'amqaanataxanaxaicpi maye chegaqa'ata añi ỹaqa'ata 'alhuole le'enaxat Chipre qataq ye nỹecpi ye Cirene na nvita ye nỹecpi ye Antioquía. Nache namayepi nataqa'en da'aqtaxanem nam saishet da judiopi, da ỹa'axatem dam no'on qara'axaỹaxac maye na'aqtaguec So Jesús maye Qarataxala'.

Hechos 11:22

Nache nam ỹa'amaqten So Jesús maye netaña ye nỹecpi ye Jerusalén, co'ollaq la'axaỹaxac de'era, nache qaỹamaq so Bernabé da taỹa ye nỹecpi ye Antioquía.

Hechos 11:27

Qaq se'esoua na'axa'te huo'oi soua la'aqtaxanaxanaqa Ñim Lo'onatac 'Enauacna chegoqraña ye Jerusalén da nqo'oora ye nỹecpi ye Antioquía.

Hechos 15:5

Qalaxaye huo'oi soua ỹalectrauo na fariseopi maye nataqa'en ỹa'amaqteetrac So Jesús, soomaye nachaayiñi, nache 'ena'apo': –Nam 'amqaanataxanaxaicpi maye saishet da judiopi, namayepi iuen da shenaqapega da ỹalaxalec na namaxasoxonaxacpi maye chegoqo'ot so Moisés qataq ỹauo'o ca na'anaxashet na lo'oc.

Gálatas 1:18

Qaq co'ollaq mashe inoxoore'c soua tres vi'iye, nache aỹem saigue da Jerusalén da yaqto' sauatton so Pedro, nache soota'asop somaye ivi' soua quince na'axa'te.