Gálatas 2:1 - La'aqtaqa Ñim Lo'onatac 'Enauacna 2013

^1-2 Qaq co'ollaq mashe inoxoore'c soua catorce vi'iye, nache Ñim Lo'onatac 'Enauacna ỹauo'o da ỹauanaqchec, da aỹem iuen da saigue da Jerusalén. Se'eso na'a'q aỹem ñenaicapegueto soua Bernabé qataq Tito. Qaq co'ollaq huaña ye Jerusalén, nache sataxaguet so 'amqaanataxanaxaicpi, nache sa'aqtaxanaqteguem de'era na'aqtaxanaxac maye sa'aqtaxanaqteguem nam saishet da judiopi. Qaq co'ollaq ime de'era, nache ñeroqteetec so lataxala'pi na 'amqaanataxanaxaicpi da sataiguet, cha'aye sa saỹamaxaren da qaica ca naigui nam mashe semat ỹo'onatacpi qataq nam ñaq so'ottac nagui.

Nuevo Testamento Toba Sur

¹ Qaq co'ollaq mashi inoxoodeec soua catorce vi'iyi, nachi qaltaq saigue da Jerusalén, ñinaictague' so Bernabé, qataq sauec so Tito.

Nuevo Testamento Toba Sombrero Negro

^1-2 Ca'li yenoĝodegue catorce 'uoidi, Dios jayem yaloĝona queda'me 'noota ta'le jec'ata di'me Jerusalén, nach'ega ua'a ca'li jayem quetegue ñe'me Bernabé nataq'aen Tito. Nach'edi ua'a ca'li da'me jajoya'agueta jogaa'me qoyateto'n jo'ne yelodelegue jogaa'me p'etaqadaiquipi, qama'le janema da'me yoqotenaĝanaĝac queda'me dojo' 'naqataĝanaĝac jo'ne ja'aqataĝatapema gaa'me ja judiopi. Naq'aeta da'me ja'uo ca'li qa'a jetaque yataqachiñe qoyayatetelegue da'me 'yonatac, ga'me joote yenoĝonegue nataq'aen ga'me je'etetac nayi, ja ch'e yijamaĝajaye da'me 'ñañaĝataĝac.

Gálatas 2:1 Referans Kwoze

Gálatas 2:3

Qaq somayepi saishet da huo'o ca ỹamaqtalec da ỹauo'o ca na'anaxat na lo'oc, ivira'a so Tito maye saishet da judío le'ec.

Tito 1:4

'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

Colosenses 4:10

Qaq ñim Aristarco maye ñecoñetaxaua, ñimaye qami' ỹamaxalo da lquinaxanaxac, qataq ñi Marcos ñim la'ac lqaỹa ca Bernabé. Qaq mashe qami' seqattegueleguete da qami' namaqtegalo ñimaye, nache saishet da sa qauloiguet.

Gálatas 2:13

Huaña, nache na laỹepi judiopi, ỹe'enaxat da lataxac somaye. Qaq ivira'a so Bernabé ỹa'amaqten de'era.

Gálatas 1:18

Qaq co'ollaq mashe inoxoore'c soua tres vi'iye, nache aỹem saigue da Jerusalén da yaqto' sauatton so Pedro, nache soota'asop somaye ivi' soua quince na'axa'te.

2 Corintios 8:23

Qaq da huo'otaq huo'o ca denataxanec so Tito, qaq qaua'aqtaxañim camaye da so Tito maiche itaua, aỹem itauaatac da qami' souaqtegueto. Qaq da huo'otaq qainataxanec soua lỹa't qarqaỹa't, qalaq qaua'axache' da soomaye maiche lamaxa'she nam ỹa'amaqten So Jesús maye hueta'a ne'ena soota'a, qataq soomaye ỹo'oxoreetrac So Cristo.

2 Corintios 8:16

Qaq sanot da ña'achecỹaxac Ñim Lo'onatac 'Enauacna, cha'aye Ñimaye ỹachanguit añi lquiyaqte so Tito da 'eeta'am naqa'en aỹem da huo'o da lyaxa da qami' itaua'n.

1 Corintios 9:6

Qaq qami' ¿qaupi'itaxañiỹa peta'a da aỹem qataq so Bernabé iuen da saishet da saxanaxañi da yo'oqchigui qaro'onataxanaxac da yaqto' huo'o ca qarhuenec?

Hechos 15:25

Qaq ỹoqo'oye 'enauac da shenaqta, saỹamaxarenaqta da sauoqo'oi ne'enaua qarqaỹa't, da yaqto' qami' nqo'onalo, nache lỹata'ape naua qanauochaxau' qarqaỹa't Bernabé qataq Pablo,

Hechos 14:12

Nache so Bernabé qoỹeetego' da nacheso so chegaqasheguem 'añaxaic le'enaxat Zeus, qaq so Pablo qoỹeetega da nacheso so chegaqasheguem 'añaxaic le'enaxat Hermas, cha'aye somaye nacheso so detaqtac.

Hechos 13:50

Qalaxaye nam judiopi detaxaỹot nam 'alpi maye 'amaqtaqaipi qataq quetague' da la'amqaanataxanaxac maye hueta'a yi'iye nỹecpi, qataq nataqa'en ỹañoxot da ỹayen nam ỹalleppi maye nataqa'en 'amaqtaqaicpi da yaqto' icanapec so Pablo qataq so Bernabé, da yaqto' quera'ai qanqa'en se'eso 'alhua.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Hechos 12:25

Qaq so Bernabé qataq so Saulo co'ollaq ima't da ỹaareuo aso nachetaqtaxanaqte, nache ỹe'eguela'q chegoqchiyiña ye nỹecpi ye Jerusalén. Qaq nnaictagueto so Juan, da lỹa le'enaxat Marcos da taregue da Antioquía.

Hechos 11:30

Qaq 'era da 'eetec somayepi da ỹamaq aso lachetaqtaxanaqte, da ỹamaxa so lataxala'pi na 'amqaanataxanaxaicpi maye netaña ye 'alhua Judea, iroi' naqa'en so Bernabé qataq so Saulo.

Hechos 11:25

Qaq co'ollaq ime de'era, nache so Bernabé taigue da Tarso da ỹe'eguena'a so Saulo. Qaq co'ollaq ỹanata somaye, nache nauega ye nỹecpi ye Antioquía.

2 Corintios 2:13

Qalaxaye da iquiyaqteỹaxac saq maguiñi souaxat da sa ñauane' so qarqaỹa Tito. Ỹoqo'oye, nache ñecoyeguene' so 'amqaanataxanaxaicpi maye hueta'a ye nỹecpi ye Troas, ime, nache saỹa ye 'alhua Macedonia.

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.