Gálatas 1:9 - La'aqtaqa Ñim Lo'onatac 'Enauacna 2013

⁹ Qaltaq she'eguelaxalec da ỹa'aqtac maye mashe qami' sa'aqtaxaateguema co'ollaxa: Da huo'o ca ỹa'axattac ca lỹa na'aqtaxanaxac maye saishet da nateeteguet da hua'auñi qauacoñiiguet, qaq camaye qome Ñim Lo'onatac 'Enauacna ỹauo'o ca nhuaxanaguec.

Nuevo Testamento Toba Sur

⁹ Damayi sogote co'ollaxa da i'aqtac, qalaxayi nagui qaltaq shi'iguelaxalec da shinapec: Da huo'otaq huo'o ca qami' i'axatema ca lÿa n'aqtaxanaxac mayi 'eetega chigaqaigui da nca'alaxa, da huo'otaq sa natenguet dam mashi qauacoñiiguet, qalaq camayi qaÿauo'o qome ca lta'adaic nhuaxanaguec.

Nuevo Testamento Toba Sombrero Negro

⁹ Yitaĝa ji'iyelaĝatalegue ga'me jo'ne joote ami ja'aĝatema: qom 'uo gamachaqaega 'yaĝatetac da'me 'naqataĝanaĝac jo'ne ja ena'am ga'me joote auacoñiyeguet, ¡'noota qom Dios ya'uo ne'uaĝanaguec!

Gálatas 1:9 Referans Kwoze

Romanos 16:17

Qami' ỹaqaỹañicpi, qami' ñachoxoreetoiguilo da ỹataqta qarvichiỹa'aguet qome nam colaxagui naqa'en na 'amqaanataxanaxaicpi. Namayepi ỹataqta dataỹa'aguet 'enauac nam qami' qaỹapaxagueneque. Qoquiỹa'ai qome namayepi,

Proverbios 30:6

Saishet qome da huo'o ca 'anquigaxatapeguec na la'aqtacpi Ñimaye, ten qom 'am iviraxato'ot nache 'eeta'am naqa'en da 'am tenataxanaxaic.

Deuteronómio 4:2

Qataq saishet qome da qanqotchiñiiuec, huo'otaq da huo'o ca qanqache ne'enaua na'aqtaqa maye qami' samaxaleguete, nacherata da qaualaqaigueta qome ne'enaua lamaxasoxonaxaco Ñim Nataxala' maye Qanatamnaxala'ai.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

2 Corintios 1:17

Qaq ¿qaupi'itaxañiitega peta'a da saishet da seuennataxaatelec de'era? ¿Qami' qaupi'itaxañiitega peta'a da aỹem da huo'o ca so'ot, qaq shena'am da lhuennataxac ca choche shiỹaxaua da saq ỹataxalec da huo'o ca la'aqtac? ¡Qami' ỹataqta qaupe'enaxañi!

Filipenses 3:1

Qaq nagui qami' ỹaqaỹarolqa, qantoñiitapeguec qome da qana'ayeetaua'a So Qarataxala'. Qaq aỹem saishet da huo'otaq ñasamtapiguiñi da she'eguelaxattalec de'era maye sogote da shiyiñi co'ollaxa, cha'aye damaye saỹateeta da ỹataqta qarviñiqui.

Filipenses 4:4

Qaq ỹataqta qantoñiitapeguec So Qarataxala' 'enauaque naua na'axa'te. Qaq de'era ỹa'aqtac ỹataqta she'eguelaxattalec da ỹataqta qantoñiitapigui' qome.

Jeremías 23:16

Qaq Ñim Nataxala' maye Qaica ca Ỹaqalanapec, da la'aqtac, 'eeta': «Qami' Israel le'ecpi saishet qome da qaualaqaiguet nam qami' ỹa'axatteguema nam na'aqtaxanaxanecpi, cha'aye nam ỹa'axattac namayepi choche natenataxanaxacpi, ne'ena la'aqtaxanaxacpi namayepi maiche ỹo'ot, qaq saishet da Aỹem chegoqtot.

Hechos 18:23

Qaq co'ollaq mashe huo'oi soua na'axa'te da hueta'a yemaye, nache qaltaq inoxonec, quetaguilo yeua 'aleu' Galacia qataq ye Frigia, da ỹa'añaqchettac 'enauac na 'amqaanataxanaxaicpi.

Romanos 9:3

Huo'o da ñeque'eenaxac souaxat nam judiopi maye ihuo' le'ecpi, qaq aỹem sauotaique da setauan namayepi. Qaq ỹoqo'oye aỹem ỹataqta qaica ca shectega da aỹem talec ca camachaqca qauem qataq aỹem qaỹoqta Ñim Lo'onatac 'Enauacna qataq So Cristo, da huo'otaq chegoqchigui damaye, da itauan namayepi da nquicot Ñimaye.