Gálatas 1:7 - La'aqtaqa Ñim Lo'onatac 'Enauacna 2013

⁷ Ỹoqta 'eesa da ỹataqta qaica ca lỹa na'aqtaxanaxac. Qalaxaye shenapec de'era, cha'aye huo'o na huotaique da naralaxat da no'on na'axaỹaxac maye na'aqtaguec So Jesucristo, ime, nache qami' isomaxanaqche't.

Nuevo Testamento Toba Sur

⁷ Sa ishit da 'en da huo'o ca lÿa n'aqtaxanaxac mayi chigaqaigui da nca'alaxa. Qalaxayi huo'o nam sa ishit da qami' ÿalemaxa't, qataq nshitaique da nqochinaxat dam n'aqtaxanaxac mayi chigaqaigui da nca'alaxa mayi chigoqo'ot so Cristo.

Nuevo Testamento Toba Sombrero Negro

⁷ Qalaĝaja eja queda'me qaya'te 'naqataĝanaĝac laqaya: ñenaĝategue da'me dojo' qa'a uo'oe gaa'me jetaque yaqataqate'n da'me onaĝaic 'naqataĝanaĝac jo'ne 'yaĝatetac ñe'me Jesucristo, qama'le ami yejomaĝana'ape.

Gálatas 1:7 Referans Kwoze

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

Gálatas 5:10

Aỹem ỹataqta saỹateeta da qami' nataqa'en qauaỹamaxayiñiita da shenapec, cha'aye nache shenaqta'a't da qomi' 'amqaanataxanaxaicpi. Qataq saishet da choche qapio'olec da seqoleguet da Ñim Lo'onatac 'Enauacna ỹauo'o da nhuaxanaguec cam sa qami' ỹalemaxa't.

2 Corintios 11:13

Cha'aye namayepi saq 'en da namaxashecpi, qataq datenataxaatac, choche ỹe'enaxat da lataxac nam ỹataqta 'eesa da lamaxashecpi So Cristo.

Gálatas 5:12

¡'Onaxaictoxo' da nam sa qami' ỹalemaxa't saishet da ndotec da ỹauo'o ca na'anaxat na lo'oc nataqa'en 'onaxaictoxo' da imauec icheguec ñi logoxoshet!

2 Corintios 2:17

Qalaxaye qomi' saishet da 'eco' qomi' nmenaxaiqa da semenaqta'ape naua la'aqtaqa Ñim Lo'onatac 'Enauacna, da huo'otaq shenaqta'am nam qalota maye ỹashaxaare'c naua na'aqtaqa. Nachaqrata da ỹataqta qomi' 'eesora da sa'aqtaxanaqtac, qaq qomi' ỹaỹate'n Ñim Lo'onatac 'Enauacna, cha'aye maiche qomi' lamaxa'she qataq ña'araqtaua'a So Cristo.

Apocalipsis 20:3

Nache ỹasaxaña cam laponqa' na leuaxaicpi, qataq ỹapogoña. Ime, nache ivingui aso lvinaqte so lasom qataq itoqoolec aso la'anaxanaqte, da yaqto' so shiguiỹac leguemaxaic saishet da qaltaq nnoxoosheguem da ỹatenachet na ỹotta'a't shiỹaxauapi, choche ivitta'a da inoxoore'c caua mil vi'iye. Qaq qom mashe inoxoore'c que'ecaua vi'iye, nache somaye cara'ac da qaisouec.

2 Juan 1:10

Qaq da huo'otaq huo'o ca qami' namaqtegalo da saishet da qami' ỹapaxagueneque de'era, nache camaye saishet da qauacoñiiguet da taua'a ca qarmaye, qataq saishet da qauquiñi.

1 Juan 4:1

Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Apocalipsis 13:14

Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Apocalipsis 2:6

Qaq dam saỹamaxareeta 'arataxac, nachera da sa 'auoten nam quetague' na lapaxaguenataxanaxacpi na nicolaitapi qoneta'am Aỹem.

Apocalipsis 2:2

Aỹem saỹaten 'enauac nam 'auo'ottacpi, qataq saỹaten da souaxat da Aỹem 'aualaxaguet, nache qalota na 'avireguet lqalaic. Nataqa'en saỹaten da ỹataqta 'anala'aguet damaye cha'aye huo'o da 'arhualaxavic qataq saishet da 'auaconeguet nam qauemaicpi. Qataq saỹaten da 'am 'avi'igue'n naua 'eetregalo da lamaxa'she So Jesús qalaxaye saq 'en. Qataq 'am 'auachaxa'n naamaye da choche tenataxanaxaiqa.

Judas 1:4

Aỹem ỹataqta lta'araic da sheeta, cha'aye huo'o na qami' ỹatenachetta'ape, qaq namayepi qami' ỹalectaiguilo. Namayepi ỹa'axattac da So Jesucristo saishet da nachaqsota da Qarataxala' qataq da qomi' lalamaqa'ate, qaq ỹoqo'oye saishet da iuen da salaxasoxoguet. Namayepi, da lhuennataxac 'eetega da Ñim Lo'onatac 'Enauacna ỹaguec da lauotaxanaqtaic da shenaqta, nache saishet da ỹauo'o ca qanhuaxanaguec souaxat nam qauem so'otaqpi. Mañaxasaco' soua qaỹoqteguelo vi'iye da ana nere maye huetalec na la'aqtacpi Ñim Lo'onatac 'Enauacna da 'eetega da Ñimaye ỹauo'o qome ca nhuaxanaguec namayepi.

2 Juan 1:7

Ana'ana 'alhua qalota na ỹatenachettac na shiỹaxauapi, 'eetega da So Jesucristo saishet da anaỹa ana 'alhua da 'eeta'am cam ỹoqta 'eesa shiỹaxaua, maye huo'oi naua lapa'ache qataq naua lpi'ineqa. Qaq 'era dam la'aqtaxanaxac som npa'aguenaxaua So Cristo, som tenataxanaxaic.

1 Juan 2:26

Qaq shiyiñi de'era, cha'aye qami' sevitaqteetapeegueta nam huotaique da qami' ỹatenache't.

2 Timoteo 2:18

Soomaye ilamaqraue'c, quera'ai da 'eesa lataxac, 'eetrega da na mashe ỹa'amaqten So Qarataxala', nache sa nauane' da qaltaq ileu. Qaq nachera da huo'omshe huo'o na isomapec na 'amqaanataxanaxaicpi.

Gálatas 6:17

Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.

Gálatas 4:17

Nam huotaique da qami' ỹamaqaleguete da qaualaqaiguet na namaxasoxonaxacpi maye quetague' na judiopi, namayepi nagui ỹachaxaata da iueelec da qoñiita, qalaxaye dam ỹataqta 'eetapeguec huotaique da qami' na'aqche't, cha'aye namayepi huotaique da aỹem qaucoviỹa'ai, ime, nache qami' qauatailec namayepi.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

2 Corintios 4:2

Saishet da huo'o ca qomi' ỹa'aloqche't, qataq saishet da huo'o ca soxotaqtañi. Saishet da satenachetaqtac na shiỹaxauapi qataq saishet da ñaralaxataq da la'aqtaxanaxac Ñim Lo'onatac 'Enauacna. Nachaqrata da Ñim Lo'onatac 'Enauacna qomi' ỹaỹateete' da qara'aqtaxanaxac da ỹataqta 'eesa. Ỹoqo'oye 'enauac na shiỹaxauapi ishet da pi'iỹa'alo qomi'.

Hechos 20:30

Qataq ivira'a da qoñiita, huo'o qome ca maiche qami' chegoqtoiguilo qara'amqaanataxanaxauai, nache dapaxaguenataxanec na choche natenataxanaxac, qaq saishet da ỹa'axat cam ỹoqta 'eesa, cha'aye nshetaique da na 'amqaanataxanaxaicpi ca'ategue qataq ỹalaxaguet camaye.

Hechos 13:10

nache 'enapego', 'eeta': –¡'Am tenataxanaxaic, qataq 'am 'etaxaloxoic, 'am llalec so pa'aguenataxanaxaic, qataq ỹataqta 'ampa'aguenaxaua 'enauac na ỹaỹamaqchiguiñisat, 'am saq 'aloxogui da 'auo'ottac da 'aratenataxanaxac! ¿Ta'ainco' 'am ye 'auashaxaare'c naua ỹaỹamaqchiyiñi 'eetapegueco Ñim Lo'onatac 'Enauacna?

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Jeremías 23:26

¿Chaq laguio', qaq ỹaxaañi da ỹa'axattac nam saq'enpi, qataq na maiche ỹo'ot lhuennataxacpi maye saishet da 'eesa?

Jeremías 23:36

Qalaxaye saishet qome da ỹe'eguelaxaalec da do'ogoxona dam na'aqtac maye, 'eeta': ‹lamaxasoxonaxac Ñim Nataxala'› cha'aye da huo'o ca do'ogoxona da nasaxauec de'era na'aqtac, nache so'otec da naua la'aqtaqa camaye maiche que'emaxama. Qami' qana'axache' naua ỹoqta naiguilo naua la'aqtaqa Ñim Lo'onatac 'Enauacna maye Nca'altauec, Ñim Qanatamnaxala'ai, Ñim Nataxala' maye Qaica ca Ỹaqalanapec.

Gálatas 1:6

Ñim Lo'onatac 'Enauacna qami' iỹaxanalo qataq chegoqchigui naqa'en So Cristo da qami' ỹachaxanalo da lsoxoyec. Qaq ỹoqo'oye hua'c da sa sa'amaqten da ỹapac saqaỹaloq da qaỹa'axañiiuec da qaralaxayiqui Ñim Lo'onatac 'Enauacna, nache qauacoñiiguet da lỹa na'aqtaxanaxac maye npe'eneguet da no'on na'axaỹaxac.