Gálatas 1:6 - La'aqtaqa Ñim Lo'onatac 'Enauacna 2013

⁶ Ñim Lo'onatac 'Enauacna qami' iỹaxanalo qataq chegoqchigui naqa'en So Cristo da qami' ỹachaxanalo da lsoxoyec. Qaq ỹoqo'oye hua'c da sa sa'amaqten da ỹapac saqaỹaloq da qaỹa'axañiiuec da qaralaxayiqui Ñim Lo'onatac 'Enauacna, nache qauacoñiiguet da lỹa na'aqtaxanaxac maye npe'eneguet da no'on na'axaỹaxac.

Nuevo Testamento Toba Sur

⁶ Aÿim ÿataqta lta'adaic da i'aalaxa da qoñiita, yi ÿataqta saqaÿalqo' da qoquiÿa'ai ñi Dios ñim ÿachigoxotchigui da lauotaxanaqtaic da shinaqta so Cristo co'ollaq qami' iÿaxanalo. Ÿataqta sa'aalac da qoquiigue da ÿaqa'a n'aqtaxanaxac mayi qoÿiitega chigaqaigui da nca'alaxa.

Nuevo Testamento Toba Sombrero Negro

⁶ Dios ami yiyaĝanalo, nataq'aen chiyaqayi ñe'me Cristo da'me ami yaloĝonalo da'me leyalaqataĝanaĝac. Qo'che' yataqachiñe joqoch'em da'me paja'a aĝañiñi da'me auec'achiya ñe'me Dios nataq'aen auacoñiyeguet ga'me 'naqataĝanaĝac jo'ne ja ena'am da'me dojo' 'naqataĝanaĝac 'me onaĝaic.

Gálatas 1:6 Referans Kwoze

2 Corintios 11:4

Cha'aye qami' qana'añaxacheeguet nam qami' nvittapegueua'alo maye ỹa'axattac ca lỹa Jesús maye saq 'ena'am som sa'axataqtac, qataq da qami' qauacoñiiguet ca lỹa saqcha'a maye saq 'ena'am som Saqcha'a Na'añaxac Qui'itta maye mashe qauacoñiiguet, qataq ca lỹa na'aqtaxanaxac maye saq 'ena'am dam mashe sogote qauacoñiiguet.

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Salmos 106:13

Qalaxaye saqaỹaloq co'ollaxa da icoua'ai na ỹo'otpi Ñimaye, nache sa iuata'a nam huotaique ỹo'otpi Ñimaye.

1 Timoteo 1:3

Co'ollaq saigue da 'alhua Macedonia, qaq 'am shenapega da ñaq qoua'a ye nỹecpi ye Éfeso. Qaq nagui qaltaq she'eguelaxalec da 'am shenapega. Cha'aye yemaye huo'o na shiỹaxauapi maye dapaxaguenataxaatapeguec na saq 'en lataxac. Ỹoqo'oye sauotaique da 'am qonapega namayepi da saishet da nache 'eeta'ac de'era.

1 Corintios 4:15

Qaq na'aictaxa da ivi' ca diez mil na qami' ỹapaxagueneque da na'aqtaguec So Cristo, qalaxaye na qarta'ailpi saishet da qalota. Aỹem 'oonolec maye lta'a da qarpi'iỹaxaqui So Cristo Jesús. Cha'aye aỹem maye qami' sa'axatema co'ollaxa da no'on na'axaỹaxac maye na'aqtaguec So Cristo, nache qaviyiỹa'a da 'eeta'am da qami' ỹalaqpi.

Hechos 15:11

Chaqrata da qomi' sa'amaqtenaq da ñeca'alaxauec, qalaxaye chegoqchigui da lqouagaxanaqtaic So Qarataxala' Jesús, qaq nache shenaqta'am namayepi.

Gálatas 5:4

Nam huotaique da ỹaconeguet Ñim Lo'onatac 'Enauacna souaxat da ỹalaxalec na namaxasoxonaxacpi, namayepi saishet da ỹaconeguet da lauotaxanaqtaic Ñimaye qataq ỹaxanec da na'attaua'a So Cristo.

Romanos 10:3

Cha'aye namayepi saishet da ỹaỹaten da 'oonolec Ñim Lo'onatac 'Enauacna da ishet da ỹapalaxat ca lasouaxashet ca shiỹaxaua. Qaq ỹoqo'oye namayepi npogoxoueetapegue' da huo'o cam ỹo'ot da yaqto' Ñim Lo'onatac 'Enauacna ỹaconeguet namayepi. Qaq saishet da ỹo'ot dam ỹataqta ỹaỹamaxareeta Ñim Lo'onatac 'Enauacna.

1 Timoteo 1:14

Ỹoqo'oye aỹem ỹanem da ỹataqta lta'araic lqouagaxanaqtaic, nataqa'en da npi'iỹaxac, nataqa'en da nsoxoyec maye 'enauac qomi' ỹanema souaxat da ña'araqtaua'a So Cristo Jesús.

Apocalipsis 22:21

Qaq da lsoxoyec So Qarataxala' Jesús, nache 'eetai' da qami' nnaictagueto. Aja', nache 'eetec.

2 Timoteo 2:1

'Am ỹalec Timoteo, Ñim Lo'onatac 'Enauacna ỹataqta lta'araic da lauoche 'am, cha'aye 'aua'amaqten So Jesucristo. Qaq no'on da 'auỹaxanot Ñimaye da 'am ỹami' ca 'ara'añaxac da yaqto' 'anala'aguet 'enauac na chochena.

2 Timoteo 1:9

Ñim Lo'onatac 'Enauacna qomi' nca'alaxatre'c, qataq qomi' iỹaxanalo da yaqto' sanaqot da qanachaalataxac. Qaq de'era qomi' ỹo'oteque, damaye nache 'eetai' da lhuennataxa. Saishet da huo'otaq choche nqopita'a ca qarataxac no'on, maye souaxat da qomi' ỹauoteque, cha'aye mashe ña'araqtaua'a So Cristo Jesús. Qataq nache 'eetai' da qomi' ỹauoteque co'ollaq saxanaqaca ana 'alhua.

2 Ts 2:14

Ñim Lo'onatac 'Enauacna qami' iỹaxanalo, ỹachegoxotchigui da no'on na'axaỹaxac maye qami' sa'aqtaxanaqteguema, yaqto' qanhuañiỹaua'a da la'añaxac qataq da llo'oxoyec So Qarataxala' Jesucristo.

Romanos 5:2

Qaq huo'o da qaramaic da saỹaanaq da chegoqchigui da qarpi'iỹaxac So Jesucristo, nache nagui selagaqtapiguiñi souaqtaigui da lsoxoyec Ñim Lo'onatac 'Enauacna. Qataq que'eca anata na'a'q ñeuanaqaua'a qome Ñimaye da la'amaqchec.

Juan 9:30

Nache se'eso ỹale 'enapeco': –¡Ỹataqta ỹoxosa'a de'era! ¡Qache qami' saishet da qauaỹaañi ca chegaqa'ague Somaye! ¡Qalaq Somaye ye isheto' da aỹem nataren!

2 Pedro 1:3

Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.

1 Pedro 1:15

Qaq ỹoqo'oye saishet da qauo'oche na qauem, nachaqrata da qauỹocheelec namayepi, cha'aye Ñim Lo'onatac 'Enauacna qami' lca'ateua'alo da qami' lalamaqa'ate. Qaq ana nere maye huetalec na la'aqtacpi Ñimaye 'eeta': «Aỹem maye So'otna huaỹoqtec da ỹataxac, saishet da shena'am na laỹepi. Qaq ỹoqo'oye qami' iuen da huaỹoqtec da qarataxaqui, saishet da qoñiita'am na laỹe shiỹaxauapi.»

Marcos 6:6

cha'aye ỹataqta lta'araic da la'aalaxa da se'eso shiỹaxauapi saishet da ỹa'amaqten Somaye. –So Jesús jec da taỹalo naua saq qaỹapigui lma'ate na shiỹaxauapi dapaxaguenataxaateguec da no'on na'axaỹaxac.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Romanos 8:30

Qaq Ñimaye nam mashe lca'aguishecpi, nache nataqa'en iỹaxana; qaq nam iỹaxanapi, nache nataqa'en ỹapalaxat na lasouaxashetpi; qaq nam ỹaconeguet, nache nhuanaua'a naqa'en da maiche llo'oxoyec.

2 Corintios 2:17

Qalaxaye qomi' saishet da 'eco' qomi' nmenaxaiqa da semenaqta'ape naua la'aqtaqa Ñim Lo'onatac 'Enauacna, da huo'otaq shenaqta'am nam qalota maye ỹashaxaare'c naua na'aqtaqa. Nachaqrata da ỹataqta qomi' 'eesora da sa'aqtaxanaqtac, qaq qomi' ỹaỹate'n Ñim Lo'onatac 'Enauacna, cha'aye maiche qomi' lamaxa'she qataq ña'araqtaua'a So Cristo.

Gálatas 1:7

Ỹoqta 'eesa da ỹataqta qaica ca lỹa na'aqtaxanaxac. Qalaxaye shenapec de'era, cha'aye huo'o na huotaique da naralaxat da no'on na'axaỹaxac maye na'aqtaguec So Jesucristo, ime, nache qami' isomaxanaqche't.

Gálatas 1:11

Qami' ñauochaxau' ỹaqaỹa't maye qaua'amaqchiñiitac So Cristo, aỹem sauotaique da qauaỹaañita da qaica ca shiỹaxaua ana 'alhua da maiche ỹo'ot de'era no'on na'axaỹaxac maye qami' sa'aqtaxaateguema nagui.

Gálatas 1:15

Qalaxaye Ñim Lo'onatac 'Enauacna ỹataqta lta'araic da lauoche da sheeta chegoqchiguiña co'ollaq saxanaxa da ñañiguiñi, qaq nache 'eetai' da aỹem lca'aguishec da yaqto' so'onataxanot. Nataqa'en aỹem ỹachaxana So Llalec yaqto' aỹem sa'axatem na shiỹaxauapi 'enauac na pa'aiguelo ana 'alhua de'era no'on na'axaỹaxac maye na'aqtaguec Somaye. Qaq co'ollaq cheta'ague da huo'o de'era, nache saishet da seuen da huo'o ca aỹem ỹapaxaguen,

Gálatas 2:5

Qalaxaye qomi' saishet da huo'o ca huaña da qolaxague namayepi. Cha'aye sauoqtaique da qami' qoquiitegue qataq qaualaqaiguet da ỹataqta 'eesa na'aqtaxanaxac maye chegaqaigui da no'on na'axaỹaxac.

Gálatas 2:7

Nachaqrata da soomaye ỹaỹateete' da so Pedro qaipataxalec da ỹa'axatem da no'on na'axaỹaxac na judiopi qaq aỹem, qalaq aỹem qaipataxalec da sa'axatem nam saishet da judiopi.

Gálatas 2:14

¡Qaq de'era nataxac, damaye ỹataqta dataỹa'aguet da 'eesa na'aqtaxanaxac maye no'on na'axaỹaxac! Qaq ỹoqo'oye setaxaỹapegue' so Pedro, ỹauaachigui ñaqa'en na 'amqaanataxanaxaicpi maye lma' ye Antioquía, nache sheetega somaye, sheeta': «'Am, maye 'am judío le'ec, da 'arataxac ỹataqta 'ena'am da saishet da 'am judío le'ec. Qalaq ¿ta'ainco' qone' da 'auamaxalec nam saishet da judiopi da ỹe'enaxat da lataxac na judiopi?»

Gálatas 5:14

Cha'aye 'enauac na lqataxacpi Ñim Lo'onatac 'Enauacna 'oonolec da lataxac maye imatta't namayepi, 'eeta': «Ñi 'oonolec iuen da ỹauotec ca 'ena'am lỹa, 'eeta'am da lauotaxanaqtaic da maiche nachaalataxac.»