Gálatas 1:24 - La'aqtaqa Ñim Lo'onatac 'Enauacna 2013

²⁴ Nache ỹo'oxoreetac Ñim Lo'onatac 'Enauacna, souaxat Ñimaye da naralaxat da ỹataxac.

Nuevo Testamento Toba Sur

²⁴ Nachi ÿi'oxodeetac ñi Dios, souaxat aÿim.

Nuevo Testamento Toba Sombrero Negro

²⁴ Qama'le yemeda 'nonaĝachidegue ñe'me Dios, qa'a nach'eñe ñe'me jayem yanem da'me yadalaĝac.

Gálatas 1:24 Referans Kwoze

Hechos 11:18

Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Mateo 9:8

Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

2 Ts 1:12

Da nache 'eetec de'era, nache qami' ỹataqta huo'o da qayo'oxonnataxanaxaqui So Qarataxala' Jesús, qataq nataqa'en Somaye ỹauo'o da qayo'oxoyiqui, ipacchigui da lta'araic lsoxoyec Ñim Lo'onatac 'Enauacna qataq So Qarataxala' Jesucristo.

2 Ts 1:10

'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

2 Corintios 9:13

De'era qartaunaxanaxaqui ỹachaxan da qami' ỹataqta qaualaqaiguet da no'on na'axaỹaxac maye ỹa'axat da na'aqtaguec So Cristo. Ỹoqo'oye camayepi ishet da ỹo'oxoreetac, qataq huo'o naq 'enec naqa'en Ñim Lo'onatac 'Enauacna.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

Marcos 2:12

Nache saqaỹaloq da ñesheguem se'eso ỹale qaỹauaachigui 'enauac, nache ỹacona so lmala', nache ca'ai cam qanayeuta'a. Qaq co'ollaq qaỹauaachigui de'era, nache ỹataqta qaỹo'oxoreetac Ñim Lo'onatac 'Enauacna qoỹeeta': «¡Ỹataqta saỹauano' da sauanaqchigui ca 'eeta'am de'era!»