Gálatas 1:23 - La'aqtaqa Ñim Lo'onatac 'Enauacna 2013

²³ Nachaqrata da choche hua'aqtapeguelec naxa da na'aqtaxanaxac da qoỹeeta': «Se'eso ỹale maye ỹo'ottac da qanque'eenaxac caillaye, somaye nagui ỹa'axattac da no'on na'axaỹaxac dam huotaique nlaxaañi co'ollaxa.»

Nuevo Testamento Toba Sur

²³ Chaqdata da chochi hua'aqtapeguelecnaxa da n'aqtaxanaxac da qoÿiita': “Som shiÿaxaua mayi qomi' icaata'pe caillayi, qalaq nagui i'axattac da npi'iÿaxac dam huotaique co'olloxochiyi da nlaxajñi.”

Nuevo Testamento Toba Sombrero Negro

²³ Nach'edata da'me domachita da'me 'naqataĝanaĝac jo'ne jayem qo'yaĝatetac 'me enaac: “Jenjo' jiyaĝaua jo'ne ya'uo qadachoĝodec ca'li, male ue'ta nayi da'me 'yaĝatetac da'me onaĝaic 'naqataĝanaĝac jo'ne jetaque yapalaĝat ca'li.”

Gálatas 1:23 Referans Kwoze

Hechos 9:13

Nache co'ollaq hua'aqchigui de'era so Ananías, nache 'enapeco': –'Am Ỹataxala', ỹataqta qalota na aỹem da'aqtaxanem que'eca ỹale nam qalota ỹo'otec sa ỹaỹamaxañi nam netaña ye nỹecpi ye Jerusalén maye 'am ỹa'amaqteetac.

Hechos 9:20

Qaq co'ollaq ime de'era, nache so Saulo da'aqtaxaatapoigui ana napaxaguenaxaquipi na judiopi, ỹa'axattac So Jesús da nacheso So Llalec Ñim Lo'onatac 'Enauacna.

Hechos 9:26

Qaq so Saulo co'ollaq ivireua'a ye Jerusalén, nache ỹauotaique da ỹalegoigui na ỹa'amaqten So Jesús. Qalaxaye 'enauac namayepi ñe'eta'aguet somaye, cha'aye saishet da ỹa'amaqten da somaye mashe ỹa'amaqten So Jesús.

Hechos 6:7

Nache da la'aqtac Ñim Lo'onatac 'Enauacna ỹataqta nquictasheguem. Qataq ye lcata na da'amqaanataxan ye Jerusalén ỹataqta nquictauec, ivira'a da qalota na ỹa'amaqten So Jesús nam ntaxaỹaxanaxanecpi da qaitaxaỹapegue' Ñim Lo'onatac 'Enauacna maye judiopi.

Hechos 9:21

Nache 'enauac nam na'axaỹaxaatega somaye ỹataqta huo'o da la'aalaxa, nache 'eeta': –¿Saisheto' peta'a da saq nachera dam ỹale maye icaatac nam quetague' So Jesús maye netaña ye Jerusalén? Qataq ¿saisheto' peta'a da saq nachera dam naỹa'a ne'ena souaqta'a da ỹaconeua'a da icoñi' na ỹa'amaqten So Jesús, nache ỹaneua'a nam lataxala'pi na ntaxaỹaxanaxanecpi?

Hechos 19:13

Qalaxaye huo'oi soua judío lashe' maye quetragui na shiỹaxauapi da ỹo'ottrapeguec na saqcha'a na'añaxac leguemaxaicpi. Nache soomaye nshetraique da do'onataxaara da la'añaxac So Qarataxala' Jesús, da yaqto' ỹo'oldaue'c na saqcha'a na'añaxac leguemaxaicpi. Nache soomaye 'eetegalo' na ne'ecpi, 'eeta': –Qami' seroxoleguete da le'enaxat So Jesús maye ỹa'axattac so Pablo da qoqui.

Gálatas 6:10

Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.