Gálatas 1:22 - La'aqtaqa Ñim Lo'onatac 'Enauacna 2013

²² Qaq se'eso na'a'q, nam ỹa'amaqteetac So Cristo maye netaña ye 'alhua Judea, namayepi saxanaxa co'ollaxa da aỹem ỹauatton.

Nuevo Testamento Toba Sur

²² Qaq nam qadqaÿañicpi mayi i'amaqteetac so Cristo mayi netaña yi 'alhua Judea, namayipi sa ishit co'ollaxa da aÿim ÿauatton.

Nuevo Testamento Toba Sombrero Negro

²² Jaa'me jaajo' noloqo'ote gaa'me p'etaqadaiquipi jo'ne p'iida'a ñe'me Cristo jo'ne neda'ña di'me Judea maliaĝa jona'li jayem yateto'n.

Gálatas 1:22 Referans Kwoze

1 Ts 2:14

Qami' qarqaỹa't, co'ollaq qami' icaata'ape da saq qami' ỹalemaxa't na maiche qarhuo'oi le'ecpi. Qaq de'era qami' qaỹo'oteque, nache 'eeta'am dam qaỹo'otec na quetague' Ñim Lo'onatac 'Enauacna maye netaña ye 'alhua Judea, nam ỹa'amaqteetac So Cristo Jesús. Namayepi nataqa'en qalota da ncanaguec. Qaq de'era ncanaguec chegaqaigui na maiche lauo' le'ecpi judiopi.

Romanos 16:7

Nataqa'en samaxalo da iquinaxanaxa'c caua Andrónico, qataq aca Junias, maye sheeta'ama judío lashe', qataq maiche ñecoñetaxau' co'ollaxa. Caamaye nataqa'en lamaxa'she So Cristo, qataq hua'auchiyiñi co'ollaxa da ỹa'amaqte'n Somaye, qaq aỹem qalaq ñeca'ataxanauo.

2 Ts 1:1

Qami' ñauochaxau' ỹaqaỹa't, qami' 'amqaanataxanaxaicpi maye qarmaye na Tesalónica: Aỹem Pablo qataq Silvano qataq ñi Timoteo qami' sequinaqta'ape maye qami' lalamaqa'ate Ñim Lo'onatac 'Enauacna maye Qarta'a qataq So Qarataxala' Jesucristo. Qaq imauec da iquiyaqteỹaxac da seỹaxaatacoto naamaye da qami' ỹanema da lsoxoyec qataq da l-lagaxayec.

1 Ts 1:1

Qami' ñauochaxau' ỹaqaỹa't, qami' 'amqaanataxanaxaicpi maye qarmaye na Tesalónica: Aỹem Pablo, Silvano qataq ñi Timoteo, qami' sequinaqta'ape maye qami' lalamaqa'ate Ñim Lo'onatac 'Enauacna maye Nta'a qataq So Qarataxala' Jesucristo. Ỹataqta qarquiyaqteỹaxac da huo'o da qaryaxa da Ñim Lo'onatac 'Enauacna qami' nlaxatchiguilo da lsoxoyec qataq da l-lagaxayec.

Filipenses 1:1

Aỹem Pablo qataq ñi Timoteo, qomi' l-lataqa So Cristo Jesús. Qomi' samaxasaxa ana qorere 'enauac na 'amqaanataxanaxaicpi maye netaña ye nỹecpi ye Filipos, nam lalamaxatpi Ñim Lo'onatac 'Enauacna souaxat da na'attaua'a So Cristo Jesús. Ana qorere nataqa'en taỹa'a na lataxala'pi namayepi qataq na ltauapi.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Romanos 16:3

Samaxa da iquinaxanaxac aca Priscila qataq ca lhua Aquila maye itau' da so'onataxanaqtacot So Cristo Jesús.

Romanos 16:9

Nataqa'en samaxa da iquinaxanaxac ca Urbano cam qaro'onataxanaxaua da so'onataxanaqtacot So Cristo, nataqa'en ca lỹa ñauochaxaua Estaquis.

Romanos 16:10

Nataqa'en samaxa da iquinaxanaxac ca Apeles maye ỹataqta qalotacnaxa da ỹachaxaata da lpi'iỹaxac So Cristo, nataqa'en samaxa da iquinaxanaxac 'enauac cam llalaqpi qataq cam hueta'a ye lma' ca Aristóbulo.

1 Corintios 7:17

Huo'o dam sauotaique da ỹataqta ỹaỹateeta na 'amqaanataxanaxaicpi, 'eeta': 'Enauac na ỹalleppi qataq na 'alpi, iuen da saq ỹaxanec dam lataxac co'ollaxa iỹaxana Ñim Lo'onatac 'Enauacna, da yaqto' ỹalecnoigui nam lalamaxatpi Ñimaye.