Gálatas 1:14 - La'aqtaqa Ñim Lo'onatac 'Enauacna 2013

¹⁴ Ỹataqta sepaqueelec da la'amqaanataxanaxac na judiopi ñapacalec nam qalota judiopi maye ñaloxouapi, qataq aỹem ñalemaqte' da sepaqueelec na napaxaguenataxanaxacpi maye sachegoxoto'ot so hua'au ita'alpi.

Nuevo Testamento Toba Sur

¹⁴ De'eda l'amqajnataxanaxac na judiopi co'ollaq sootaigui, qalaq aÿim ÿataqta qalota na ñapacalec na maichi iuo' l'ecpi mayi ñaloxouapi. Cha'ayi aÿim ÿataqta shicteguelo da saÿamaxa't na napaxaguenaxaco som hua'au ita'alpi.

Nuevo Testamento Toba Sombrero Negro

¹⁴ Jeque'tegue da'me lepe'e' jogaa'me judiopi, jo'ne ñapacalo'te gaa'me yaqaya' 'me jena'ama yataqachiñe jalemaqa'teguet da'me jeque'teguelo jodaa'me namaĝajoĝonaĝaco jo'ne chiyoĝogueta dia'me qadet'al.

Gálatas 1:14 Referans Kwoze

Colosenses 2:8

Qaq maxatchaxa qome, saishet da qana'axaỹaxañeeto'ot nam nshetaique da qami' ỹatenacheteque naua lhuennataxaco maye 'eetega 'eesora 'eeta'am da ỹaanaxanaxaic, qalaxaye naamaye maiche laỹaanataxanaxaco na shiỹaxauapi. Ne'ena shiỹaxauapi ỹalaqtapeeguet na saqcha'a na'añaxacpi maye lma' ana 'alhua, qaq saishet da ỹalaxaguet So Cristo.

Hechos 26:5

Namayepi nataqa'en ỹaỹateeta, da nache 'eetai' da aỹem fariseo, qataq ỹaỹateeta da ỹataqta shectegue dam ỹoqta llec dam la'amqaanataxanaxac nam fariseopi.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Hechos 22:3

–Aỹem judío le'ec. Ỹañoqo' ye nỹecpi ye Tarso maye huaigui ye 'alhua Cilicia. Qalaxaye aỹem ñañaxatalec na Jerusalén, aỹem lapaxaguenatac so Gamaliel. Qaq aỹem ỹataqta shecteguelo naua lqataxaco som hua'au qarta'alpi. Ỹoqo'oye nache 'eetai' da ỹataqta huo'o da iuogoxo da so'onataxaatacot Ñim Lo'onatac 'Enauacna, ỹataqta semato'ot da iquiyaqteỹaxac. Qaq nache sheeta'am 'enauac da qoñiita nagui.

Hechos 26:9

Aỹem co'ollaxa ỹataqta saỹateeta da iuennataxac, da ỹataqta sataỹa'aguet de'era le'enaxat So Jesús maye Nazaret le'ec.

Jeremías 9:14

Nacherata da qaramchigui nache quetegueto naua maiche lhuennataxaco da lquiyaqteỹaxac, nache ỹo'oxoreetac nam saq 'en atamnaxala'pi, nache quetelec da lapaxaguenataxanaxac co'ollaxa som hua'au lta'alpi.

Isaías 57:12

Qalaxaye sa'axat qome da 'arataxac maye 'aupettega da ỹaỹamaqchiguiñi.

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Jeremías 15:2

Qaq da huo'otaq 'am inat cam hua'ague ca taigue, nache 'aua'aqtaxanem da ỹa'aqtac, qoneta': ‹Nam taỹa'a da ilem ca napiina, nache ilem qome ca napiina, qaq cam taỹa'a da ileuaigui ca alaataxac qalaq ileuaigui qome ca alaataxac, qaq cam taỹa'a da ilem na lqouaxa, qaq ilem qome na lqouaxa, qaq cam taỹa'a da qaỹauega ca ỹaqa'a 'alhua qalaq qaỹauec qome.›

Hechos 21:20

Qaq co'ollaq hua'aqchigui 'enauac de'era so 'amqaanataxanaxaicpi, nache ỹataqta ỹaatacot da na'achecỹaxac Ñim Lo'onatac 'Enauacna. Ime, nache qoỹeetega so Pablo, qoỹeeta': –Hua', 'am qarqaỹa qataq qanauochaxaua Pablo, cha'aye 'am mashe 'aumeteetac da qalota na judiopi da ỹa'amaqten So Jesús. Qalaxaye 'enauac namayepi ỹa'axattac da iuen da qaipactelec da qanayeegue 'enauac nam namaxasoxonaxacpi maye chegoqo'ot so Moisés.

Levítico 13:16

Qalaxaye da ỹe'eguelaxa da ỹapagaq que'eca nhuetac qataq yo'oqchiguiña na lapat, nache que'eca dalolaxaic iuen da taua'a ca ntaxaỹaxanaxanec,