Gálatas 1:12 - La'aqtaqa Ñim Lo'onatac 'Enauacna 2013

¹² Damaye saishet da choche aỹem qaỹa'aqtaxanem huo'otaq da aỹem ỹapaxaguenec ca choche shiỹaxaua, nachaqrata da So Jesucristo, maye nacheso som aỹem ỹapaxaguenec damaye.

Nuevo Testamento Toba Sur

¹² Damayi sa ishit da chochi sachigoxoto'ot ca camachaqca shiÿaxaua. Qataq sa ishit da huo'o ca chochi aÿim lapaxaguenatac, cha'ayi nachiso so Jesucristo so aÿim ÿaÿajnaxanaxanec damayi.

Nuevo Testamento Toba Sombrero Negro

¹² Ja naqaeda ta'le ch'e jayem yep'iquin gamachaqaega jiyaĝaua 'me aleua le'ec uotaĝa ta'le jayem yapaĝaguenec, dite da'me naqaeñe ca'li ñe'me Jesucristo nach'eñe jayem naloĝoneguet.

Gálatas 1:12 Referans Kwoze

Gálatas 1:1

Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa.

2 Corintios 12:1

Ỹataqta qaica ca naigui ca shiỹaxaua da maiche ño'oxoreetapeguela't. Qalaxaye nache 'ena'am so'ot damaye. Qaq nagui nache qami' sa'aqtaxanema nam ỹauanaqchecpi qataq dam aỹem ỹaỹaanaxanaxanec so Qarataxala' Jesucristo.

1 Corintios 2:10

Qaq 'era da qomi' ỹauattonaxanaxaneque Ñim Lo'onatac 'Enauacna, chegoqchigui naqa'en So Saqcha'a La'añaxac, cha'aye Somaye ỹaỹaten 'enauac, qataq ivira'a da ỹaỹaten na saqcha'a 'eetapeguecpi Ñim Lo'onatac 'Enauacna.

1 Corintios 11:23

Cha'aye aỹem saconeguet de'era napaxaguenataxanaxac maye chegoqo'ot So Qarataxala' Jesucristo, da se'eso pe co'ollaq yaqta'a da qoỹaneuo, nache ỹacona aso nauole 'ayiiña.

2 Corintios 10:7

Qami' qauloitagui ca yo'oqchigui shiỹaxaua. Qom huo'otaq huo'o ca 'eetega da quetague' So Cristo, qaq camaye no'on da ỹaỹateeta da qomi' nataqa'en qolaqtague' Somaye.

Efesios 3:3

Ñim Lo'onatac 'Enauacna aỹem ỹaỹaanaxanaxanec da 'eetapeguec maye saqcha'a, qaq damaye shiyiñi co'ollaxa da qami' samaxalo qalaxaye saxanaxa da ỹataqta sa'axatta.

1 Ts 4:15

Qaq ỹoqo'oye, sepagaqnaqchigui dam qomi' ỹapaxagueneque So Qarataxala' da qami' shenaqapegalo da qomi' maye ñaq ñeca'alaqtauec qom ñe'eguelaq Somaye, nache sataxaguet, qom ime da dataiguet na mashe qanmataxanaxanec.