Gálatas 1:1 - La'aqtaqa Ñim Lo'onatac 'Enauacna 2013

^1-3 Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa.

Nuevo Testamento Toba Sur

¹ Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

Nuevo Testamento Toba Sombrero Negro

¹ Jayem Pablo jo'ne jayem Jesucristo lamaĝajec, jo'ne jayem qoyeladelegue da'me qaedi ja'aĝatetac 'naqataĝanaĝac jo'ne onaĝaic. Qaya'te gamachaqaega ch'e aleua le'ec ta'le jayem yiyaĝana qaedi jayem lamaĝajec, dite nach'eñe ñe'me Jesucristo nataq'aen ñe'me Dios mach'e Let'a jo'ne 'niyelaĝachijeguem ca'li joñe'me.

Gálatas 1:1 Referans Kwoze

1 Corintios 1:1

Qami' ỹaqaỹa't maye qaua'amaqchiñiitac Ñim Lo'onatac 'Enauacna maye qoviita'a na Corinto: Qauacoñiiguet da iquinaxanaxac qataq ñi qarqaỹa Sóstenes. Aỹem Pablo huo'o da iyaxa da Ñi Qarta'a maye Lo'onatac 'Enauacna qataq So Qarataxala' Jesucristo qami' ỹanema ca lta'araic nsoxoyec qataq nlagaxayec. Ñim Lo'onatac 'Enauacna aỹem lca'aguishec, da yaqto' aỹem lamaxayec So Jesucristo, nataqa'en qami' lca'agui'she, da yaqto' qana'ayeetaua'a Somaye qataq qaualliquiitaigui na lalamaxatpi Ñim Lo'onatac 'Enauacna. Yaqto' qana'ayeetaua'alo qomi' qataq 'enauac nam ỹo'oxoreetac Som Qarataxala' Jesucristo maye huetalec 'enauac ana 'alhua.

Romanos 1:1

Qami' ñauochaxau' ỹaqaỹa't, maye qoñiitaña na Roma: Aỹem lo'onataxanaxanec So Jesucristo qataq aỹem lamaxashec, cha'aye Ñim Lo'onatac 'Enauacna aỹem lca'aguishec da yaqto' sa'axatec da no'on na'axaỹaxac maye iqataxaatai' da qaralamaxat.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Tito 1:3

Qaq nagui mashe ivita ye laloqo' da qaỹaỹaten da 'eetapeguec Ñimaye, ỹachegoxotchigui da ỹa'aqtaxanaxac maye aỹem ipataxalec Ñim Lo'onatac 'Enauacna maye Qarca'alaxaqui.

2 Corintios 1:1

Qami' qanauochaxauapi qarqaỹañicpi maye qoñiitaña na nỹecpi na Corinto qataq na 'alhua Acaya: Aỹem Pablo qataq ñi Timoteo, qami' samaxasaxalo da qarquinaxanaxac.

2 Timoteo 1:1

Aỹem Pablo, aỹem lamaxashec So Jesucristo, cha'aye nachera da maiche 'eetapeguec Ñim Lo'onatac 'Enauacna da yaqto' sa'axatec da nca'alaxa maye ỹachaxanapec co'olloxocheye. Qaq de'era nca'alaxa taỹot ca mashe na'attaua'a So Cristo Jesús.

Romanos 10:9

Cha'aye qami' da qaua'axache So Jesús, da nacheso Som Nataxala', qataq da qarquiyaqteỹaxaqui ỹa'amaqten da Ñim Lo'onatac 'Enauacna nca'aleeguesop naqa'en Somaye da nleuaxa, nache qami' qanca'alaxatreeguesopa da qanhuaxanaguiiqui maye ishet da qami' taleguete.

Hechos 22:10

Nache aỹem shenapec: «'Am Ỹataxala', ¿negue't ca 'anshetaique da so'ot?» Nache So Qarataxala' aỹem 'enapega, 'eeta': «Qoñisheguem, nache qocot da 'icỹaxac da 'anqo'oneua'a ye nỹecpi ye Damasco. Qaq qom huaña yemaye, nache 'am qaỹa'aqtaxanem 'enauac cam 'aro'onataxanaxac.»

Hechos 9:6

Nache so Saulo ỹataqta iviloxolaqchet da lcolanaxa, nache 'enapeco': –'Am Ỹataxala', ¿chaq negue't ca 'auauotaique da so'ot? Nache So Qarataxala' 'enapego' somaye, 'eeta':] –Qoñisheguem, nache 'anqo'oneua'a ye nỹecpi. Nache huaña qome da 'auaỹaten cam 'auo'ot.

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

1 Pedro 1:21

Chegoqchigui So Cristo da qami' qaua'amaqchiñi Ñim Lo'onatac 'Enauacna, ñim ỹe'eguelaxalec da nca'alec naqa'en Somaye, nache ỹami' da llo'oxoyec da lo'onataxanaxac. Qaq ỹoqo'oye qami' qauacheeto'ot da qanaquitaxaqui Ñim Lo'onatac 'Enauacna qataq ỹataqta 'itchiguiñi qanqa'eñi da Ñimaye qami' ỹanema cam qami' ỹachaxanapeguema.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Gálatas 1:17

qataq saishet da saigue da Jerusalén da huo'otaq ñeqo'onalo soua nache 'eetai'salo da lamaxa'she So Jesús da seỹaxanoto ca la'aqta'c. Nachaqrata da aỹem sa ñaỹaloxon da saigue da 'alhua Arabia. Qaq co'ollaq ime, nache she'eguelaxa ye nỹecpi ye Damasco.

Romanos 14:9

Qaq ỹoqta 'eesa da So Jesucristo ileu co'ollaxa, qalaxaye qaltaq nca'alec, da yaqto' Somaye huo'o da la'añaxac da ilo'ogue nam ñaq nca'altauec qataq na mashe ileu.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Juan 10:30

Aỹem, qataq Ñim Ita'a, 'oonolec da qarataxac.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Gálatas 1:15

Qalaxaye Ñim Lo'onatac 'Enauacna ỹataqta lta'araic da lauoche da sheeta chegoqchiguiña co'ollaq saxanaxa da ñañiguiñi, qaq nache 'eetai' da aỹem lca'aguishec da yaqto' so'onataxanot. Nataqa'en aỹem ỹachaxana So Llalec yaqto' aỹem sa'axatem na shiỹaxauapi 'enauac na pa'aiguelo ana 'alhua de'era no'on na'axaỹaxac maye na'aqtaguec Somaye. Qaq co'ollaq cheta'ague da huo'o de'era, nache saishet da seuen da huo'o ca aỹem ỹapaxaguen,

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':