Filipenses 1:25 - La'aqtaqa Ñim Lo'onatac 'Enauacna 2013

²⁵ Qaq ỹataqta 'eesa ñaqa'en damaye, qataq saỹateeta da ña qami' soota'agueta, nache qami' setauaneque da qarpi'iỹaxaqui Ñim Lo'onatac 'Enauacna, yaqto' qoviitaigui da qauamaichiguiñi,

Nuevo Testamento Toba Sur

²⁵ Qaq cha'ayi ÿataqta 'eesa ñaq'en damayi, qataq saÿateeta da ña qami' soota'agueta, da yaqto' qami' setauanque da qanquiquiitashiguem qataq huo'o da qantonaxaqui, souaxat da qadpi'iÿaxaqui,

Nuevo Testamento Toba Sombrero Negro

²⁵ Qama'le yataqata eja ami jouetauelo jaĝa'te, qaedi ami yecochitapegalo, qaedi yataqata auep'iiya'a joñe'me Dios, nataq'aen male yataqata ami made'tape.

Filipenses 1:25 Referans Kwoze

Filipenses 2:24

qaq na'aictaxa da aỹem huo'o da ñaquitaxac Ñim Lo'onatac 'Enauacna da aỹem ỹami' da ishet da qami' ñeqo'onalo.

2 Corintios 1:24

Qomi' saishet da sauoqtaique da qami' sa'aqtaxanaxama cam iuen da qaua'amaqchiñi, cha'aye qami' mashe qauaỹaañita da lataxac. Nachaqrata da qomi' sauoqtaique da qami' setauana'q da yaqto' ỹataqta qauamaichiguiñi.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

Romanos 5:2

Qaq huo'o da qaramaic da saỹaanaq da chegoqchigui da qarpi'iỹaxac So Jesucristo, nache nagui selagaqtapiguiñi souaqtaigui da lsoxoyec Ñim Lo'onatac 'Enauacna. Qataq que'eca anata na'a'q ñeuanaqaua'a qome Ñimaye da la'amaqchec.

Hechos 20:25

Qaq nagui ỹoqta da 'enauac da qoñiita nam sa'aqtaxaatapeguem co'ollaxa da lo'onataxanaxac Ñim Lo'onatac 'Enauacna, da nache tachiguiña nagui da aỹem sa nauane'.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Romanos 15:29

Qaq aỹem ỹoqta 'eesa da qom sevita ye nỹecpi ye Roma, nache qami' sa'aqtaxanema 'enauac nam no'on saconaxaguet maye chegoqo'ot So Cristo.

Romanos 15:18

Cha'aye 'eesa, da nachaqrata da sa'axattac dam ỹo'ot So Cristo ỹachegoxotchigui aỹem, da yaqto' nam saishet da judiopi ỹalaxaguet Ñim Lo'onatac 'Enauacna. Qaq damaye sañoxot, qaq saishet da sañoxot damaye da chegoqchiguilo naua ỹa'aqtaqa, maye nataqa'en nam so'otpi.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Lucas 22:32

Qalaxaye Aỹem 'am ñeqouagaxaueetapeguelec, da yaqto' saishet da saqca ca 'arpi'iỹaxac Aỹem. Qaq 'am qom ivita da Aỹem 'añe'eguelqot, nache 'autauan qome na 'arqaỹañecpi da yaqto', nache 'eetai' da lpi'iỹaxac.

Salmos 60:6

Ñim Lo'onatac 'Enauacna ỹan da la'aqtac huaña so npe'l maye lanataqa', 'eeta': «Ỹataqta samachiguiñi qom ivita da secolaxatapigui na 'alhua ye Siquén, qataq da sanec na ca'amapega't 'alhuapi ye Sucot.

Filipenses 1:24

Qalaxaye da lỹa iuennataxa 'eeta': Souaxat qami', nache 'onaxaic ñaqa'en da ñaq queta da ñeca'altauec.

Filemón 1:22

Nataqa'en seqopitaxanapec da 'am shenapega da 'auqataxanai' qome ca ỹo'ochaqa', cha'aye aỹem seuattaique da Ñim Lo'onatac 'Enauacna hua'axaỹa da qanqouagaxaunaxaqui, nache aỹem nqateeguesop ana'ana ncoñetaxanaxaqui, nache ishet da ashec da qami' ñamaqtegalo.