Filipenses 1:23 - La'aqtaqa Ñim Lo'onatac 'Enauacna 2013

²³ Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Nuevo Testamento Toba Sur

²³ Ÿataqta huo'o da lqalaic ñaq'en cam ÿoqta llica'ateu'a naamayi. Cha'ayi da lÿa iuennataxa 'eeta': Aÿim ñishitaique da seleu, yaqto' nachi 'eetai' da soota'aguet so Cristo. Cha'ayi damayi ÿataqta ÿacteec da 'onaxaic ñaqshin.

Nuevo Testamento Toba Sombrero Negro

²³ Nale jenate'ta jena'me jenjo', yataqata 'uo joda'me jen laqalaic joga'me jetaque ja'uo, qa'a qom ua'ña da'me jeleu, male jajoya'aguet joñe'me Qadejaliaĝanec Jesucristo, jo'ne nach'ena yataqata jepaquetapega.

Filipenses 1:23 Referans Kwoze

2 Corintios 5:8

Qataq saishet da saquicoqtac, na'aictaxa da huo'o da qaryaxa da qolaqa'ai de'era qaro'ocỹaxac da qolaq da souaqta'aguet So Qarataxala'.

Salmos 17:15

Qalaxaye aỹem, qom saỹaten da qaica ca sasouaxat nache samachiguiñi da selogui da 'arashiguiỹaxac, na'aictaxa da choche 'am samato'ot da ñelouec.

Apocalipsis 14:13

Ime, nache sa'axaỹa so na'aqtac chemqot na piguem, aỹem 'enapega, 'eeta': «'Iyiñi qome de'era: ‹¡Ỹataqta machiguiñi qome nagui ca ileu, da huo'otaq na'attaua'a So Qarataxala' Jesucristo!›» Qaq som Saqcha'a La'añaxac Ñim Lo'onatac 'Enauacna 'eeta': «Aja', nache 'eetec, cha'aye namayepi nmateeguesop 'enauac nam nque'eenaxacpi qataq lqalaiguesat, qaq Ñim Lo'onatac 'Enauacna ỹauo'o ca nsheetenaguec namayepi souaxat nam qalota no'on maye ỹo'ot.»

Hechos 7:59

Qaq co'ollaq ña qaỹasaqtalec so Esteban, nache somaye nqouagaxaueetac, 'eeta': –'Am Ỹataxala' Jesús, 'auaconeguet da saqcha'a ica'alaxa.

Lucas 23:43

Nache So Jesús 'enapeco': –Ỹoqta 'eesa da shenapec, da nagui sogote Aỹem qoueta'aguet da souaqta'a ye lma' na qanca'alaxatecpi da piguem maye qaica ca 'eeta'am da llo'oxoyec.

2 Timoteo 4:6

Da ñachaalataxac mashe qoỹanot Ñim Lo'onatac 'Enauacna, 'eeta'ama caua ntago'q da qaicoreleguete aca nca'atoxonaxalate. Cha'aye mashe saqaỹapeque ye laloqo' da ñachaalataxac.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Salmos 49:15

Qalaxaye Ñim Lo'onatac 'Enauacna aỹem nca'alaxateeguesop qome da la'añaxac aña'añi huachiqui, nache Ñimaye aỹem ỹauec qome.

1 Ts 4:17

Ime, nache Ñim Lo'onatac 'Enauacna nataqa'en qomi' ỹaue'c maye ña ñeca'alaqtauec, nache salegaxaigui na laỹepi shiỹaxauapi, sonaqtalec ca lo'oc na piguem. Nache huaña da 'enauac da ñauanaxai' qataq chochaq tatec da sonaqta'aguet Somaye.

Juan 14:3

Qaq qom mashe ime da ashec da seqataxanai' ca qarmaye, nache qaltaq ñe'eguelaq da qami' saue'c, yaqto' qami' nache 'eetai' da Aỹem qoviita'aguet que'eca soota'a.

Lucas 12:50

Qalaxaye hua'auñi qome da Aỹem saigui ca lta'araic lqalaic qataq lta'araic ca ñeque'eenaxac, choche ivitta'a da nvi' que'eca na'a'q.

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Lucas 8:38

nache se'eso ỹale maye mashe no'oita, nachoxoreetacot Somaye da ishet da nasheeteguet da ca'ategue. Qalaxaye So Jesús 'eetega somaye, 'eeta':

1 Ts 2:1

Qami' ỹaqaỹañicpi maye qaua'amaqchiñiitac So Cristo, qami' qauaỹaañita co'ollaxa de'era iviraxac da qoñiita. Damaye saishet da saqca ca naigui.

2 Corintios 6:12

Qaq saishet da huo'o ca 'oonolec da qoñiita da huo'o ca soxotaqtapiiguesop, qalaxaye qami' maye huo'oi naua qo'oxocheetapeguesopa qomi'.

2 Samuel 24:14

Nache so David ỹasateguet so Gad, 'eeta': «Ỹataqta seqalana'a ca lleca'ateua'a ne'enaua tres. Qalaxaye 'onaxaic da maiche ca qomi' 'eeteque Ñim Nataxala', cha'aye Ñimaye ỹataqta lta'araic da lchoxonnataxanaxa, qalaxaye saishet qome da aỹem loxonec naqa'en na ñepa'aguenaxauapi.»

Filipenses 1:24

Qalaxaye da lỹa iuennataxa 'eeta': Souaxat qami', nache 'onaxaic ñaqa'en da ñaq queta da ñeca'altauec.