Filipenses 1:1 - La'aqtaqa Ñim Lo'onatac 'Enauacna 2013

¹ Aỹem Pablo qataq ñi Timoteo, qomi' l-lataqa So Cristo Jesús. Qomi' samaxasaxa ana qorere 'enauac na 'amqaanataxanaxaicpi maye netaña ye nỹecpi ye Filipos, nam lalamaxatpi Ñim Lo'onatac 'Enauacna souaxat da na'attaua'a So Cristo Jesús. Ana qorere nataqa'en taỹa'a na lataxala'pi namayepi qataq na ltauapi.

Nuevo Testamento Toba Sur

¹ Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Nuevo Testamento Toba Sombrero Negro

¹ Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

Filipenses 1:1 Referans Kwoze

2 Corintios 1:1

Qami' qanauochaxauapi qarqaỹañicpi maye qoñiitaña na nỹecpi na Corinto qataq na 'alhua Acaya: Aỹem Pablo qataq ñi Timoteo, qami' samaxasaxalo da qarquinaxanaxac.

Romanos 1:1

Qami' ñauochaxau' ỹaqaỹa't, maye qoñiitaña na Roma: Aỹem lo'onataxanaxanec So Jesucristo qataq aỹem lamaxashec, cha'aye Ñim Lo'onatac 'Enauacna aỹem lca'aguishec da yaqto' sa'axatec da no'on na'axaỹaxac maye iqataxaatai' da qaralamaxat.

Tito 1:1

Aỹem Pablo, aỹem l-latac Ñim Lo'onatac 'Enauacna qataq aỹem lamaxashec So Jesucristo, da setauan da lpi'iỹaxac na lca'aguishecpi Ñim Lo'onatac 'Enauacna, yaqto' namayepi ỹauattoota da 'eesa lataxac dam qara'amqaanataxanaxac,

1 Timoteo 3:8

Nache 'eetec nataqa'en na ltauapi ca nataxala' iuen da no'on da na'aqtaguec, qataq huesota da lataxac qataq saishet da taxaic. Qataq saishet da quetaigui da latenataxanaxac da nmitta'a ana anom.

2 Ts 1:1

Qami' ñauochaxau' ỹaqaỹa't, qami' 'amqaanataxanaxaicpi maye qarmaye na Tesalónica: Aỹem Pablo qataq Silvano qataq ñi Timoteo qami' sequinaqta'ape maye qami' lalamaqa'ate Ñim Lo'onatac 'Enauacna maye Qarta'a qataq So Qarataxala' Jesucristo. Qaq imauec da iquiyaqteỹaxac da seỹaxaatacoto naamaye da qami' ỹanema da lsoxoyec qataq da l-lagaxayec.

1 Ts 1:1

Qami' ñauochaxau' ỹaqaỹa't, qami' 'amqaanataxanaxaicpi maye qarmaye na Tesalónica: Aỹem Pablo, Silvano qataq ñi Timoteo, qami' sequinaqta'ape maye qami' lalamaqa'ate Ñim Lo'onatac 'Enauacna maye Nta'a qataq So Qarataxala' Jesucristo. Ỹataqta qarquiyaqteỹaxac da huo'o da qaryaxa da Ñim Lo'onatac 'Enauacna qami' nlaxatchiguilo da lsoxoyec qataq da l-lagaxayec.

Efesios 1:1

Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Apocalipsis 1:1

Ñim Lo'onatac 'Enauacna ỹachaxana So Jesucristo, nam mashe nayeeta'a da yo'oq da yaqto' Somaye ỹaỹaanaxanaxanec na lo'onataxanaxanecpi. Qaq ỹoqo'oye So Jesucristo da'aqtaxanem so Juan maye lamaxashec, ỹachegoxotchigui so lamaxashec piguem le'ec Ñim Lo'onatac 'Enauacna; qaq so Juan, nache ỹiyiñi 'enauac de'era na'aqtaxanaxac maye ỹataqta 'eesa.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Tito 1:7

Cha'aye ca qaipataxalec da ilo'ogue na 'amqaanataxanaxaicpi, camaye ilo'ogue 'enauac na lo'onataxanaxacpi Ñim Lo'onatac 'Enauacna. Ỹoqo'oye, iuen da qui'itta naqa'en da nachaalataxac. Saishet da na'amqaanaxaic, qataq saishet da qauemaic, saishet da taxaic, saishet da sa ncherapec, qataq saishet da quetaigui da latenataxanaxac da nmitta'a ana anom.

Hebreos 13:23

Sauotaique da qami' sa'aqtaxanema da ñi qarqaỹa Timoteo mashe qaisouec, qaq qom saqaỹaloq da aỹem nvita ñimaye, qaq sauec qome da qami' ñeqo'onaxalo.

2 Ts 1:10

'Ena nam huo'o qom ñe'eguelaq So Qarataxala' Jesucristo ñe'eguelaxa nam lalamaxatpi, yaqto' namayepi ỹo'oxoren qataq huo'o da la'aalaxa. Qaq qami' nache qaraỹepi ne'ena shiỹaxauapi, cha'aye qaua'amaqchiñi da na'aqtaxanaxac maye qami' sanaxama.

1 Ts 2:2

Nataqa'en qauaỹaañi da co'ollaq huaña ye nỹecpi ye Filipos, nache qomi' qaisheueeta'ape qataq saishet da qomi' qaiyacna'ape. Qalaxaye na'aictaxa da souaqaigui da lta'araic lqalaic, qalaxaye Ñim Lo'onatac 'Enauacna qomi' ỹanema da lta'araic qara'añaxac da sa'axataq da no'on na'axaỹaxac.

Efesios 1:15

Aỹem ỹa'axaỹaxac da qoñiita da lta'araic da qarpi'iỹaxaqui So Qarataxala' Jesucristo qataq da qarauotaxanaqtaiqui nam lalamaxatpi Ñim Lo'onatac 'Enauacna. Ỹoqo'oye dam hua'auchiguiñi ỹa'aqtac,

1 Corintios 16:10

Qom qami' ivitalo so Timoteo, qaq ỹataqta qanpogoxoiñiỹapegue' da machiguiñi qanqa'eñi, yaqto' qaica camachaqca. Cha'aye somaye ỹo'ottac da lo'onataxanaxac So Qarataxala', 'eeta'am aỹem.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Hechos 9:13

Nache co'ollaq hua'aqchigui de'era so Ananías, nache 'enapeco': –'Am Ỹataxala', ỹataqta qalota na aỹem da'aqtaxanem que'eca ỹale nam qalota ỹo'otec sa ỹaỹamaxañi nam netaña ye nỹecpi ye Jerusalén maye 'am ỹa'amaqteetac.

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Marcos 13:34

Qaq de'era 'eeta'am ca shiỹaxaua da huo'otaq taigue ca qaỹoqtegue. Qalaxaye da yaqta'a da jec, nache iỹaxaneuga ca lamaxashecpi da ipataxalec da ilo'ogue ca lma'. Nache ñi 'oonolec ỹataqtac nam ipataxalec lo'onataxanaxac, qaq ca ilotague' ca lasom qalaq 'enapega da ỹataqta nlotec.

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

Apocalipsis 2:12

«Nataqa'en 'auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Pérgamo. Qoneta': ‹Aỹem maye sauota'a na ỹainec maye ỹataqta shetteguet qataq dos naua ala'api. Ñaq 'ana'axaỹaxana da 'am sa'axatem:

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Hechos 1:20

Qaq ipacchiguilo naua na'aqtaqa maye nanettaleguete ana nere le'enaxat Salmos da, 'eeta': Ca lma' camaye ỹataqta toolec, qataq qaica ca netalec. Qataq so lỹa na'aqtac 'eeta': Da lo'onataxanaxac huo'o qome ca talec qanqa'en.

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

Filipenses 2:5

Qataq nataqa'en qoñiita'am qome da lataxac da lhuennataxac So Cristo Jesús:

Filipenses 2:19

Qaq So Qarataxala' qom huo'otaq nacheso chegoqchigui, qaq saqaỹaloq qome da qami' samaxalo ñi Timoteo, da yaqto' nataqa'en saconeguet ca ỹa'añaxac qom huo'o ca ỹa'axaỹaxac da qoñiita.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Filipenses 3:12

Qaq aỹem saishet da sheetega da mashe sevi' 'enauac nam sa'axattac, huo'otaq da mashe nalochiguiñi da ỹataxac. Qalaxaye aỹem ashecta, huo'o da ña'añaxataxac da yaqto' sevira'a da nalochiguiñi da ỹataxac, cha'aye nachera da huo'omshe aỹem nca'alaxatec So Cristo Jesús.

Filemón 1:1

Aỹem Pablo, aỹem qaicoñettai' souaxat da sasoilec So Cristo Jesús. Aỹem qataq ñi Timoteo 'am samaxa ana ỹere, 'am qanauochaxaua qarqaỹa Filemón maye 'am qaro'onataxanaxaua.