Filemón 1:24 - La'aqtaqa Ñim Lo'onatac 'Enauacna 2013

²⁴ Nataqa'en ñi Marcos ñim itaua de'era qaro'onataxanaxac 'am iquiitac qataq ñi Aristarco, Demas qataq ñi Lucas.

Nuevo Testamento Toba Sur

²⁴ qataq ñi Marcos, Aristarco, Demas qataq ñi Lucas mayi aÿim itauaata'pe de'eda i'onataxanaxac.

Nuevo Testamento Toba Sombrero Negro

²⁴ Nataq'aen lamai'j ñe'me Marcos, Aristarco, Demas choqoñe'me Lucas, jo'ne lecochita da'me 'yonataĝanaĝac.

Filemón 1:24 Referans Kwoze

Colosenses 4:14

Nataqa'en ñim qarauotaxat qarqaỹa Lucas maye natannaxanaq qami' ỹamaxalo da lquinaxanaxac, qataq ñi Demas.

Colosenses 4:10

Qaq ñim Aristarco maye ñecoñetaxaua, ñimaye qami' ỹamaxalo da lquinaxanaxac, qataq ñi Marcos ñim la'ac lqaỹa ca Bernabé. Qaq mashe qami' seqattegueleguete da qami' namaqtegalo ñimaye, nache saishet da sa qauloiguet.

Hechos 19:29

Nache ỹataqta huo'o da la'axa 'enauac so shiỹaxauapi maye hueta'a se'eso nỹecpi. Nache huo'oi soua je'c da ỹaconeua'alo so Gayo qataq so Aristarco maye maiche lỹa't so Pablo chegoqra'ague da 'alhua Macedonia, nache qaỹaueguereua'a cam nỹec maye huaña naxa da qaỹo'ot na ntaxaỹaxac.

Hechos 12:12

Qaq tatapigui lauel de'era so Pedro, nache nqo'ona ca lma' aso María maye late'e so Juan, da lỹa le'enaxat Marcos. Qaq somaye nache hueta'a so qalota shiỹaxauapi lapoota'a't, nqouagaxaueetac.

Hechos 27:2

Nache qomi' qaỹauegueraxaama ye ñegaxasom le'enaxat da Adramitio. Nache huaña qaq senotaxaua'a aso notaxaqui maye quiguingui na 'etaxat, asomaye huenoxonec da taigue da 'alhua Asia. Qaq qomi' hueta'agueta nataqa'en so Aristarco maye lma' ye nỹecpi ye Tesalónica maye huaigui ye 'alhua Macedonia.

Hechos 12:25

Qaq so Bernabé qataq so Saulo co'ollaq ima't da ỹaareuo aso nachetaqtaxanaqte, nache ỹe'eguela'q chegoqchiyiña ye nỹecpi ye Jerusalén. Qaq nnaictagueto so Juan, da lỹa le'enaxat Marcos da taregue da Antioquía.

3 Juan 1:8

Qaq ỹoqo'oye qomi' iuen da setauanaq de'era lo'onataxanaxac maye ỹacoolec da ỹo'ot, qataq seloxogue namayepi.

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.

Filipenses 2:25

Huo'o so na'a'q, nache qami' aỹem qanamaqỹa ñi qarqaỹa Epafrodito da yaqto' aỹem itauan 'enauac na iuenaxanaxa. Ñimaye ỹo'onataxanaxaua qataq iỹa da seloquiaqteguelec de'era na'aqtaxanaxac maye chegaqaigui da no'on na'axaỹaxac. Qaq nagui qalaq iuen da ñimaye qami' ỹe'eguelaxalo,

2 Corintios 8:23

Qaq da huo'otaq huo'o ca denataxanec so Tito, qaq qaua'aqtaxañim camaye da so Tito maiche itaua, aỹem itauaatac da qami' souaqtegueto. Qaq da huo'otaq qainataxanec soua lỹa't qarqaỹa't, qalaq qaua'axache' da soomaye maiche lamaxa'she nam ỹa'amaqten So Jesús maye hueta'a ne'ena soota'a, qataq soomaye ỹo'oxoreetrac So Cristo.

Hechos 13:13

So Pablo qataq soua lỹa't huenotreuo, chegoqchiyiña ye Pafos da nqo'oora ye Perge maye huaigui yem 'alhua Panfilia, nache huaña co'ollaxa so Juan Marcos da ỹaxaare'c soomaye, nache ỹe'eguelaxague da Jerusalén.

1 Pedro 5:13

Qaq nam quetague' So Cristo maye netaña na nỹecpi na Roma qami' iquiita'ape. Namayepi 'ena'ama qami' da na'attaua'a na lalamaxatpi Ñim Lo'onatac 'Enauacna maye maiche lca'aguishecpi. Nataqa'en qami' ỹamaxalo da lquinaxanaxac ñi Marcos, ñim ỹataqta ỹauotaxat 'eeta'am ca yo'oqchigui ỹalec.