Filemón 1:20 - La'aqtaqa Ñim Lo'onatac 'Enauacna 2013

²⁰ Aja', 'am ỹaqaỹa, 'auauo'o qome ca 'arqouagaxanaqtaic da sheeta, cha'aye 'am mashe 'aua'amaqteetac So Qarataxala'. 'Aua'añaqchet qome da iquiyaqteỹaxac, cha'aye maiche qomi' nỹa't da sa'amaqtenaqtac So Cristo.

Nuevo Testamento Toba Sur

²⁰ Aja', 'am ÿaqaÿa, 'auauo'o qome ca 'adqouagaxanaqtaic da shiita, cha'ayi 'am mashi 'au'amaqteetac so qadataxala'. 'Au'añaqchit qome da iquiyaqteÿaxac, cha'ayi maichi qomi' n'amqajnataxanaxa'u so Cristo.

Nuevo Testamento Toba Sombrero Negro

²⁰ Naq'aeta da'me dojo', am yaqaya. Aua'uo jo' da'me ñachoĝodenaĝac, qa'a am yepi'iyaĝaua da'me qademe'teguet joñe'me Qadejaliaĝanec; aloyaĝanatet na'me yeuel qa'a mach'e qo'mi naqaya' da'me jep'iyaqa joñe'me Cristo.

Filemón 1:20 Referans Kwoze

3 Juan 1:4

Qaica ca lỹa ỹo'ot da ñetonaxac da saỹaten da na ỹalaqpi, nache 'eetai' da ỹo'ottac dam 'eesa lataxac, maye qomi' ỹapaxagueneque Ñim Lo'onatac 'Enauacna.

Filemón 1:7

'Am ỹaqaỹa Filemón, aỹem ỹataqta samachiguiñi cha'aye huo'o da ỹa'axaỹaxac da qoneta da lta'araic 'arauotaxanaqtaic na qarqaỹañicpi, qataq 'am chegoqchigui da huo'o da la'añaxac da lquiyaqteỹaxac 'enauac na qarqaỹañicpi.

Filemón 1:12

Qaq nagui namaye qaltaq 'am samaxa. Qaq 'auaconeguet qome, qalaxaye 'aue'enaxattem da nachaỹem da aỹem 'auaconeguet.

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Hebreos 13:17

Ỹataqta qaualaqaiguet na qarataxala'aipi maye ilotague' nam ỹa'amaqten So Jesús, cha'aye namayepi qaica ca nmataqa' da qami' ilotegueto, qataq namayepi ỹaỹateeta da Ñim Lo'onatac 'Enauacna ipataxalec da qami' ilo'oguelo. Qaq qami' iuen da qautauañi namayepi qataq qanpogoxoiñiỹapegue' da yaqto' saishet da qami' chegoqchiguilo ca qauem, yaqto' da lo'onataxanaxac namayepi ỹataqta ỹaỹamaqchiguiñi.

Filipenses 4:1

Qaq ỹoqo'oye qami' ñauochaxau' ỹaqaỹa't, aỹem ỹataqta huo'o da iyaxa da qami' ñauaneto, cha'aye qami' maye nacheqami' qauo'oche da ñetonaxac, qataq qami' ỹo'oxore'te. Qaq qami' ñauochaxau' nache 'eetai' qome da qoquiitague' So Qarataxala'.

Filipenses 1:8

Qaq Ñim Lo'onatac 'Enauacna ỹaỹateeta da ỹataqta saishet da choche satenataxaatac da qami' saquicotrapigui, qataq da ỹauoche da qoñiita souaxat da lsoxoyec So Jesucristo maye aỹem ỹami'.

2 Corintios 7:13

Qaq de'era qomi' ỹo'oteque da samaqchiguiñi. So Tito ỹataqta machiguiñi cha'aye qami' qautauañi da yaqto' somaye queta da la'añaxac. Qaq damaye ỹactec da qantonaxac naqa'en.

2 Corintios 2:2

Cha'aye da aỹem sauo'o ca qaraquicoqoi, qaq ¿negue'to' ca ishet da ỹo'ot ca ỹamaicỹaxac? Taxaso' nacheqami' maye qami' saquicoqchetta'ape.

1 Corintios 16:18

Naamaye ỹo'o't da ỹataqta ỹashettec naqa'en da ñachaalataxac, qataq nataqa'en da qoñiita. Ỹataqta qauauochec qataq huo'o naq 'enec qanqa'eñi ca shiỹaxaua maye 'eeta'ama naamaye.