Filemón 1:19 - La'aqtaqa Ñim Lo'onatac 'Enauacna 2013

¹⁹ Qaq aỹem maiche ñima'ai' da shiyiñi de'era ỹa'aqtac da aỹem 'am sesheeten qome, na'aictaxa da 'amctaxa maye 'ausheeten aỹem, lamaxa da tachigui ye 'arhuel da aỹem hueto'ot añi 'aravigaxaiste.

Nuevo Testamento Toba Sur

¹⁹ Qaq aÿim maichi semapegue' da shiyiñi de'eda i'aqtac da aÿim 'am seshiiten qome, nai'ctaxa da huo'otaq 'am ishit da tachigui yi 'adhuel ñaqshin da aÿim neto'ot nataq'en añi 'adavigaxaiste, souaxat da maichi 'anachaalataxac.

Nuevo Testamento Toba Sombrero Negro

¹⁹ Jayem Pablo, mach'e ñapoquena ledii's naa'me naajo', queda'me mach'e jejeten qomle. ¡Mate mane'e jaqanatet ta'le am ñetouenaĝanaĝanec queda'me dalaĝaic anejiyaĝauayaĝac ena'am ta'le ch'e anep'ia, qa'a am yecochiya ca'li, qaedi 'uo da'me adepe'e!

Filemón 1:19 Referans Kwoze

Gálatas 6:11

Ne'ena maiche ỹalamaxat ỹerec. Ña qauloỹa naua ỹeraqa da ỹataqta lta'al.

Gálatas 5:2

Qalaxaye huo'o dam huotaique qami' sa'aqtaxanema: Da qami' qauauo'oi ca la'anaxat da qaro'ocỹaxaqui, nache dam ỹo'ot So Cristo qaica qanqa'eñi ca naigui.

1 Corintios 4:15

Qaq na'aictaxa da ivi' ca diez mil na qami' ỹapaxagueneque da na'aqtaguec So Cristo, qalaxaye na qarta'ailpi saishet da qalota. Aỹem 'oonolec maye lta'a da qarpi'iỹaxaqui So Cristo Jesús. Cha'aye aỹem maye qami' sa'axatema co'ollaxa da no'on na'axaỹaxac maye na'aqtaguec So Cristo, nache qaviyiỹa'a da 'eeta'am da qami' ỹalaqpi.

Tito 1:4

'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

2 Corintios 3:2

'Enauac ishet da qaila'a dam no'on maye ỹo'otec da qanachaalataxaqui So Cristo. Qaq na shiỹaxauapi da yaqto' no'on naqa'en ca qana'aqtaguec, nache namayepi nachaqrata da qami' iloleguete. Cha'aye qami' qoñiita'am aca nere maye qomi' ỹa'axat. So Cristo nacheso so ỹereleguete naua qarquiyaqtel da yaqto' sachaxanaq. Qaq saishet da ỹerelec ca coma' huo'otaq da qoỹeraxana ca yo'oqchigui neraxanaxat, chaqrata da chegoqchigui So Saqcha'a La'añaxac Ñim Lo'onatac 'Enauacna maye nca'altauec. Qaq asa'aso nere ỹataqta ỹaatec da yaqto' ishet da camachaqca ca itaxaỹaxan.

Génesis 43:9

Aỹem ñañan da selo'ogue damaye. Qaq nachaỹem maye aỹem 'auỹaxanot qome da huo'o ca huaigui damaye. Qaq da saishet da ñe'eguelaxata ne'ena chegoqchiguiña lma', nache da ỹasouaxashet 'am hueto'ot qome 'enauaque naua vi'iye da ñachaalataxac.

Romanos 16:22

Nataqa'en qami' ỹamaxalo da lquinaxanaxac ñi Gayo maye sootaña na lma', nam nataqa'en laponqa' na 'amqaanataxanaxaicpi maye hueta'a ne'ena nỹecpi. Qataq nataqa'en qami' ỹamaxalo da lquinaxanaxac ñi Erasto, ñim ilotague' ana alom na shiỹaxauapi ne'ena nỹecpi, nataqa'en ñi qarqaỹa Cuarto. Nataqa'en aỹem samaq da iquinaxanaxac souaxat da lsoxoyec So Cristo. Aỹem ỹe'enaxat da Tercio, qaq ñi Pablo qalaq nacheñi ñi aỹem leraxanaxanec ana'ana nere.

2 Corintios 9:4

Mashe qauaỹachiñiita'a mque' da qara'aloxo maye ishet da seviraxaguet, qaq saishet da sa'axataq dam qaviyeeguet qami' da huo'otaq huo'o ca qarqaỹa da chegaqaña na 'alhua Macedonia da ñenaicapegue' da qami' ilaleguete da saishet da qauqataxañiitai' aca qarachetaqtaxanaqche. Qaq ¡ca hueta'ague cam qanaquitaxac maye sa'axataqtac naxa da qoñiita!

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

Filemón 1:18

Qaq da huo'otaq huo'o ca 'am ỹo'otec co'ollaxa sa ỹaỹamaxañi, huo'otaq huo'o aca lavigaxaiste, qaq no'on da aỹem 'auasaxalec da sesheeten.