Filemón 1:17 - La'aqtaqa Ñim Lo'onatac 'Enauacna 2013

¹⁷ Qaq ỹoqo'oye qom yo'oqta 'eesa da 'am ỹa'amqaanataxanaxaua de'era qara'amqaanataxanaxac So Jesucristo, nache 'am seỹaxanot da 'auaconeguet namaye, 'aue'enaxattem da aỹem 'auaconeguet.

Nuevo Testamento Toba Sur

¹⁷ Qaq ÿoqo'oyi qom ÿoqta 'eesa da aÿim 'adÿa, qaq ÿataqta qoneta'am aÿim da 'auaconguet namayi.

Nuevo Testamento Toba Sombrero Negro

¹⁷ Chane'eja, qom auen jayem adepi'iyaĝaua, qama'le auaconeguet jo' qomle ñe'me Onésimo, aualoqochichigui da'me ena'am ta'le naqayem.

Filemón 1:17 Referans Kwoze

2 Corintios 8:23

Qaq da huo'otaq huo'o ca denataxanec so Tito, qaq qaua'aqtaxañim camaye da so Tito maiche itaua, aỹem itauaatac da qami' souaqtegueto. Qaq da huo'otaq qainataxanec soua lỹa't qarqaỹa't, qalaq qaua'axache' da soomaye maiche lamaxa'she nam ỹa'amaqten So Jesús maye hueta'a ne'ena soota'a, qataq soomaye ỹo'oxoreetrac So Cristo.

Mateo 10:40

Da huo'o ca shiỹaxaua da qami' ỹaconegueta, nache camaye nataqa'en Aỹem ỹaconeguet. Qaq cam shiỹaxaua da Aỹem ỹaconeguet, nache camaye nataqa'en ỹaconeguet Ñim Lo'onatac 'Enauacna maye Aỹem namaq.

Filemón 1:12

Qaq nagui namaye qaltaq 'am samaxa. Qaq 'auaconeguet qome, qalaxaye 'aue'enaxattem da nachaỹem da aỹem 'auaconeguet.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Hebreos 3:1

Qami' ỹaqaỹa't, Ñim Lo'onatac 'Enauacna qami' iỹaxanalo qataq qami' lca'agui'she da ỹauo'oi qami' lalamaqa'ate. Ỹoqo'oye iuen da ỹataqta qauennataxañiitelec qataq qauloichigui So Cristo: Somaye qomi' qanamaxalo co'ollaxa qataq nacheso so lataxala' nam ntaxaỹaxanaxanecpi da qaitaxaỹapegue' Ñimaye.

Efesios 3:6

Qaq de'era 'eetapeguec maye saqcha'a, damaye, 'eeta': Chegoqchigui So Jesucristo da 'enauac nam saishet da judiopi, namayepi nataqa'en ishet da ỹaconeguet da nca'alaxa qataq nam qaỹachaxanapecotpi na Israel le'ecpi. Ime, nache ỹauaxaỹaxana't da yaqto' ima'a't da nhuo' le'ecpi. Qaq dam iuen da ỹo'ot namayepi 'eeta' ỹaconeguet da no'on na'axaỹaxac.

Hechos 16:15

Ime, nache asomaye qanachelaxan, nataqa'en 'enauac so llalaqpi. Qaq co'ollaq ime, nache ỹataqta qomi' ỹe'eguelaqto'oto da souaqa'a ca lma', nache qomi' seca'ataxague asomaye.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 18:5

Qataq ca souaxat da Aỹem quetague' da ỹaconeguet ca 'oonolec nogotolec 'ena'am ne'ena, nache camaye Aỹem ỹaconeguet.

1 Pedro 5:1

Sauotaique da sami' da iqataxac na lataxala'pi na 'amqaanataxanaxaicpi. Cha'aye aỹem nataqa'en aỹem nataxala' shena'am namayepi qataq sauaachigui da 'eetec da nque'eenaguec So Cristo. Nataqa'en qom ñe'eguelaq So Cristo da ỹachaxan dam qaica ca 'ena'am llo'oxoyec, nache aỹem ñeuanaua'a da llo'oxoyec Somaye. Qaq da iqataxac 'eeta':

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Filemón 1:10

qaq nagui 'am seỹaxanot da 'auaconeguet qataq 'auchoxoren qome na Onésimo. Namaye mashe ivira'a da 'eeta'am ñaqa'en ca yo'oqchigui ỹalec ana'ana sootaigui ncoñetaxanaxaqui.

1 Timoteo 6:2

Qaq ca namaxashec da huo'otaq huo'o ca na'aco' maye ỹa'amaqteetac So Cristo, qalaq saishet da huo'otaq sa ỹalaxaguet, souaxat da ỹectega da la'amqaanataxanaxaua. Nachaqrata da ỹataqta ỹaỹamaxatchiguiñi da lo'onataxanaxac, cha'aye do'onataxaatacot ca 'eeta'am la'amqaanataxanaxaua, qataq ỹataqta nauochaxaua lqaỹa. Qaq de'era sheetega ỹataqta 'auapaxaguenataxanec qataq 'aua'axat.

Filipenses 1:7

Qaq ỹataqta ỹaỹamaqchiguiñi da iuennataxac da 'enauac qami' seuennategalo, cha'aye ỹataqta qami' sauoteque, cha'aye qami' nataqa'en qanhuañiỹaua'a da no'onataxanaxac maye chegaqaigui da lsoxoyec Ñim Lo'onatac 'Enauacna maye aỹem ipataxalec. Qaq da aỹem qaicoñettai' huo'otaq aỹem qaỹataxaato'ot ca nmit ca nasouaxashetpi, qalaq qami' nache 'eetai' da aỹem qatauñiitac da yaqto' setaqlec da 'eesa lataxac dam no'on na'axaỹaxac.

Filemón 1:18

Qaq da huo'otaq huo'o ca 'am ỹo'otec co'ollaxa sa ỹaỹamaxañi, huo'otaq huo'o aca lavigaxaiste, qaq no'on da aỹem 'auasaxalec da sesheeten.