Filemón 1:13 - La'aqtaqa Ñim Lo'onatac 'Enauacna 2013

¹³ Qaq aỹem ishettaxa da ñellañi namaye, da yaqto' aỹem itauan da 'anmeneguet, nagui da ñaq aỹem qaicoñettai' souaxat da no'on na'axaỹaxac maye sa'axattac.

Nuevo Testamento Toba Sur

¹³ Qaq aÿim ishíttaxa da ñillañi namayi, da yaqto' aÿim neto'ot, da yaqto' 'anmenguet da namayi aÿim do'onataxanot nagui da ñaq aÿim qaicoñittai' souaxat da n'aqtac.

Nuevo Testamento Toba Sombrero Negro

¹³ Taama'le ñaviiñi queda'me jetaque cada'ac jayem ue'tajop, qaedi ena'am da'me am nemeneguet qaedi jayem lecochiya da'me cha'li jonetaue jana'me coñetaĝanaĝaiqui, qa'a jouaĝat da'me onaĝaic 'naqataĝanaĝac jo'ne ja'aĝatetac.

Filemón 1:13 Referans Kwoze

Filipenses 1:7

Qaq ỹataqta ỹaỹamaqchiguiñi da iuennataxac da 'enauac qami' seuennategalo, cha'aye ỹataqta qami' sauoteque, cha'aye qami' nataqa'en qanhuañiỹaua'a da no'onataxanaxac maye chegaqaigui da lsoxoyec Ñim Lo'onatac 'Enauacna maye aỹem ipataxalec. Qaq da aỹem qaicoñettai' huo'otaq aỹem qaỹataxaato'ot ca nmit ca nasouaxashetpi, qalaq qami' nache 'eetai' da aỹem qatauñiitac da yaqto' setaqlec da 'eesa lataxac dam no'on na'axaỹaxac.

Efesios 3:1

Aỹem Pablo, aỹem qaicoñettai' cha'aye sasoilec da so'onataxaatacot So Jesucristo qataq so'onataxaatac da yaqto' qauaỹamaqaiñi qami' maye saishet da qami' judiopi.

1 Corintios 16:17

Ỹataqta ñetootapeguec da nvilda'a na soota'a na Estéfanas, qataq na Fortunato, qataq na Acaico, cha'aye naamaye ishe't da ỹo'o't dam sa qauañoxoche, souaxat da qomi' qaỹoqtache.

Filemón 1:1

Aỹem Pablo, aỹem qaicoñettai' souaxat da sasoilec So Cristo Jesús. Aỹem qataq ñi Timoteo 'am samaxa ana ỹere, 'am qanauochaxaua qarqaỹa Filemón maye 'am qaro'onataxanaxaua.

Filipenses 2:30

Cha'aye ñimaye mashe hua'c co'ollaxa da ileu, souaxat da do'onataxaatacot So Cristo. Qataq ỹataqta saishet da iteetega da nachaalataxac da ỹaneguet da lchecỹaxac, da yaqto' ishet da aỹem itaunec cam qami' saishet da aỹem qautauñic, souaxat da qami' qaỹoqtalo.

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

Filemón 1:10

qaq nagui 'am seỹaxanot da 'auaconeguet qataq 'auchoxoren qome na Onésimo. Namaye mashe ivira'a da 'eeta'am ñaqa'en ca yo'oqchigui ỹalec ana'ana sootaigui ncoñetaxanaxaqui.

Filemón 1:12

Qaq nagui namaye qaltaq 'am samaxa. Qaq 'auaconeguet qome, qalaxaye 'aue'enaxattem da nachaỹem da aỹem 'auaconeguet.