Éxodo 9:6 - La'aqtaqa Ñim Lo'onatac 'Enauacna 2013

⁶ Qaq so lỹa na'a'q, nache Ñim Nataxala' ỹo'ot de'era. Nache 'enauac so Egipto le'ecpi ileu so na'atetpi, qaq so Israel le'ecpi saishet da huo'o ca 'oonolec so na'atetpi da ileu.

Éxodo 9:6 Referans Kwoze

Salmos 78:48

Nache ana lalo huaca qataq ana qagueta ileu, souaxat ana lache qataq na nqashelgaxa.

Salmos 78:50

Ỹataqta ỹaxaateueegue de'era lalemataic, saishet da ichoxoreetac da nachaalataxac somayepi, nacherata da ỹaneguet da l-leuaxa,

Éxodo 9:25

Nache aso lache ilaxachigui 'enauac som huetalec ye na'alhua na Egipto le'ecpi: ilaxachigui so shiỹaxauapi qataq so shiguiỹacpi qataq 'enauac aso nañiguishepi maye huetaleguete naua nanaxanaqa'ate. Nataqa'en inoxo'n naua lcoue 'enauac aso qo'oipaqpi yem 'alhua Egipto.

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Éxodo 9:4

Qalaxaye Ñim Nataxala' iỹotauga qome na na'atetpi na Israel le'ecpi qataq na Egipto le'ecpi, da yaqto' saishet da ileu ca 'oonolec na na'atetpi na Israel le'ecpi.»

Éxodo 9:5

Qataq Ñim Nataxala' ỹauo'o so laloqnec, nache 'enapeco': «Qonte', qaq huetoigui da so'ot de'era».

Éxodo 9:26

Qaq nachaqyeta ye 'alhua Gosén, maye netalec som Israel le'ecpi da saishet da talec aca 'oonole lache.

Éxodo 12:29

Qaq co'ollaq mashe laiñi so pe, nache Ñim Nataxala' ỹalauat 'enauac so la'auaxanec llalec so Egipto le'ecpi, nataqa'en so la'auaxanec llalec so faraón maye taỹa'a da nta'a, qataq so la'auaxanec llalec so ncoñeteguishecpi, nataqa'en so la'auaxanec llalec so shiguiỹacpi.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.