Éxodo 9:34 - La'aqtaqa Ñim Lo'onatac 'Enauacna 2013

³⁴ Qalaxaye so faraón co'ollaq ila'a da vi'iiguet so auot qataq aso lache qataq so nalataxa, nache qaltaq ỹe'eguelaxalec da ỹauo'o da lasouaxashet. Qaq saishet da nachesota somaye da qaramchigui añi lquiyaqte, nataqa'en so ltauapi.

Éxodo 9:34 Referans Kwoze

Éxodo 7:14

Ime, nache Ñim Nataxala' 'enapega so Moisés, 'eeta': «Ñi faraón ỹataqta qaramchigui, qataq saishet da ỹashen da jec na Israel le'ecpi.

Eclesiastés 8:11

Cha'aye da sa qaiỹalapegue' da qaỹauo'o ca nhuaxanaguec cam ỹo'ottac nam qauem, nache nam shiỹaxauapi ishet da lhuennataxac da nache queto'ot da ỹo'ottac nam qauem.

2 Crónicas 36:13

Qaq nataqa'en dataỹa'aguet so nta'a Nabucodonosor, maye ỹanot co'ollaxa so la'aqtac da ntaune' da lo'onataxanaxac, qataq quegue da saỹalaq nache saishet da ỹe'eguelaxa Ñim Nataxala', Ñim Natamnaxala' so Israel le'ecpi.

2 Crónicas 33:23

Qalaxaye saishet co'ollaxa da nmanot Ñim Nataxala' da 'eeta'am da ỹo'ot co'ollaxa so lta'a Manasés, nacherata da nquigaxattasheguem na lasouaxashetpi.

2 Crónicas 28:22

Qaq na'aictaxa co'ollaxa de'era huaigui ncogaxanataguec so nta'a Ajaz, da nache queto'ot da sa ỹalaxaguet Ñim Nataxala'.

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Éxodo 9:35

Nache so faraón qaltaq ỹe'eguelaxalec da qaramchigui añi lquiyaqte, nache qaltaq saishet da ỹashenec da jec so Israel le'ecpi. Qaq ipacchigui da la'aqtac Ñim Nataxala' co'ollaq 'eetega so Moisés.

1 Samuel 6:6

¿Ta'ainco' da qauacoñiỹa da qami' qaramchiguilo, da qoñiita'am da lataxac som egipciopi, qataq so faraón, maye Ñim Natamnaxala' ye Israel le'ecpi irolec co'ollaxa da sansatta lhuaxanaxanaxac, da yaqto' ỹasheetec da jec ye Israel le'ecpi?