Éxodo 9:29 - La'aqtaqa Ñim Lo'onatac 'Enauacna 2013

²⁹ Nache so Moisés, 'enapeco': «Qom choche senoxoneueegue da laỹe ne'ena nỹecpi, nache sachaxaayishigue'm naua ihua'q da ñeqouagaxaunot Ñim Nataxala', yaqto' vi'iiguet ana lache qataq na nalataxa, yaqto' 'am 'auaỹateeta da ana 'alhua lalamaqte Ñim Nataxala'.

Éxodo 9:29 Referans Kwoze

1 Corintios 10:26

Cha'aye ana 'alhua qataq 'enauac nam huetalec, namayepi lalamaxat Ñim Nataxala'.

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

Salmos 143:6

'Am sachaxaato'oto naua ihua'q, cha'aye da ñachaalataxac ỹataqta 'am iuen, sheeta'am ca 'alhua deqaqta maye iuen ca 'etaxat.

1 Reyes 8:38

qaq no'on qome da 'aua'axaỹa ca natamnaxac, huo'otaq nachoxonnaxac, ca camachaqca shiỹaxaua, huo'otaq 'enauac nam 'aralamaxat nhuo' Israel le'ecpi, da ỹachaxaatra'ague naua lhua'q cam pa'aỹa'ague ana'ana atamnaxaqui,

1 Reyes 8:22

Ime, nache so Salomón nachaateua'a aso nca'atoxonaxalate maye lalamaqte Ñim Nataxala', nache ỹauaachigui naqa'en 'enauac so lapoota'a't Israel le'ecpi da ỹachaxaato'oto naua lhua'q na piguem,

Deuteronómio 10:14

Cha'aye Ñim Nataxala' maye Qanatamnaxala'ai, lalamaxat na npa'aguiñi, qataq na ỹoqta pa'asheguem na piguem, qataq ana 'alhua qataq 'enauac na huetalec anamaye.

1 Corintios 10:28

Qalaxaye da huo'o ca qami' da'aqtaxanema, 'eeta': «Ne'ena lapat, mashe qoỹanot na qanatameetacotpi maye saq 'en qataq choche ne'enaqtacpi,» nache saishet da qolliqui, yaqto' saishet da qauque'emaqchichi da lhuennataxac cam qami' da'aqtaxanema, cha'aye qami' qaica ca 'eetec da qolliqui qalaxaye cam qami' da'aqtaxanema maye ishet da ique'emaqchet da lhuennataxac.

Salmos 135:6

Ñim Nataxala', maichiñi da ỹo'ot co'ollaxa 'enauac nam huotaique da ỹo'ot, nam hueto'ot na piguem qataq nam huetalec ana 'alhua, qataq na huetangui aso auaxai, qataq na ỹataqta qaỹoqchiguiña asomaye.

Salmos 50:12

Qaq da huo'otaq seqouat qalaq saishet da 'am seỹaxaatacot, cha'aye maiche ỹalamaqte ana 'alhua, qataq 'enauac na huetalec anamaye.

Da na'aqtaguec so Job 11:13

Qaq 'am da 'ano'onaxat da 'arquiyaqteỹaxac, qataq 'aỹa'anoto naua 'arhuaxaye Ñimaye,

Esdras 9:5

Qaq so ivita ye laloqo' da qaỹo'ot so nachetaqtaxanaxat nache qaltaq huo'o da ỹa'añaxac, qalaxaye ñaq saatrañi soua aỹogo maye colaqta'ape qataq so ipo', nache aỹem sa'alyiñi naua illecte, qataq sachaxanoto naua ihuaxaye Ñim Nataxala' maye Ñatamnaxala',

Éxodo 19:5

Qaq ỹoqo'oye nagui, da qami' ỹataqta aỹem qaualaqaiguet qataq qaupaquiitelec da ñaỹamaxataxac co'ollaq qami' ñaỹamaxateto, nache ỹataqta qami' ỹauotaqa'ate, qataq saishet da qoñeeta'am qome na laỹepi shiỹaxauapi, cha'aye 'enauac ana 'alhua maiche ỹalamaqte.

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Éxodo 8:6

Nache so Aarón, ỹachaxaasheguem na lhuaq da naloqteetelec 'enauac aso laỹe'pi na 'etaxat ye Egipto, nache 'enauac ye Egipto ỹataqta nlaqtelec ana miỹo maye nnoxoosheguem.