Éxodo 9:28 - La'aqtaqa Ñim Lo'onatac 'Enauacna 2013

²⁸ Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

Éxodo 9:28 Referans Kwoze

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 10:17

Qalaxaye qami' ñachoxonnoto da chaqnatac nagui da aỹem qauchoxoyiñi souaxat da ỹasouaxashet. Qataq aỹem qanqouagaxauñiilec qome da qanqouagaxauñiỹot Ñim Nataxala' maye Qanatamnaxala'ai, da yaqto' nqateeguesop aỹem de'era lhuaxanaxanaxac maye dalaataxanapec.»

Éxodo 8:28

Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Hechos 8:24

Nache so Simón 'enapeco': –Aỹem qanqouagaxauñiilec, qauỹaxañiỹot Ñim Lo'onatac 'Enauacna, da yaqto' saishet da huo'o ca aỹem tagui 'enauac nam qaua'axacheetac.

Éxodo 11:1

Nache Ñim Nataxala' 'enapega so Moisés, 'eeta': «Aỹem ñaq shecto'ot da qaltaq ñanacot qome ca lỹa seuaxanec ñi faraón qataq 'enauac na Egipto le'ecpi. Qaq qom ime camaye, nache ñi faraón qami' ỹasheetrec, qalaxaye saishet da choche qami' ỹasheetrec, chaqrata da ñimaye ỹataqta qami' ỹo'oldauec qome.

Éxodo 8:25

Nache so faraón damaxasoxoneuga so Moisés qataq so Aarón. Nache 'enapegalo', 'eeta': «Qauesomiỹa qome, qauavigaxache aca qarachetaqtaxanaqche. Ime, qaq qaỹa'añiỹot Ñim Qanatamnaxala'ai, qalaxaye nache qoñiita'a ne'ena 'alhua.»

Éxodo 10:8

Nache so faraón qaltaq damaxasoxoneugalo soua Moisés qataq so Aarón. Nache 'enapegalo, 'eeta': «Qauesomiỹa qome, ña qanatamñiỹot cam Nataxala' maye Qanatamnaxala'ai. Qalaxaye ñaq aỹem qaua'aqtaxañim ¿chaq negue't qome ca jecpi?»

Éxodo 10:24

Nache so faraón damaxasoxoneuga so Moisés, nache 'enapega, 'eeta': «Qauesomiỹa qome qanatamñiỹot cam Nataxala', qauaviqui qome nataqa'en na qaỹa'alquipi, qalaxaye qaucotañi qome ana qareloi qaguetapi qataq ana huacapi».

1 Samuel 12:19

Qaq ỹoqo'oye 'enauac somayepi 'enapega so Samuel, 'eeta': 'Anachoxonnot qome Ñim Nataxala' maye 'Anatamnaxala', nache 'auỹaxaalec ne'ena 'aramaxashecpi, yaqto' saishet da seleuaq, cha'aye co'ollaq seỹaxanaqaique ñi qarta'a nache maiche ñequigaxataxauec da qarasouaxashet.

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

Jeremías 21:2

«Ña qomi' 'anqouagueque da 'aunat Ñim Nataxala' da qomi' 'aunataxaaleguete, cha'aye ñi Nabucodonosor maye nta'a ye Babilonia, mashe huotaique da qomi' iloquiaxa'n. Shapegueto' da Ñim Nataxala' ỹo'ot ca saqaỹauanapega da yaqto' ỹo'ot da ñi Nabucodonosor qomi' ca'aisalo.» Qaq huaña nache Ñim Nataxala' 'enapega so Jeremías,

Éxodo 8:4

Qataq tasheguemec qome ye 'arma' aca miỹo qataq na 'artauapi qataq 'enauac na 'arhuo' le'ecpi.»

Números 21:7

Nache somayepi nqo'oneua'a co'ollaxa so Moisés nache, 'eeta': ¡Qomi' huo'o da qarasouaxashet souaxat da qolaqtapeguelec Ñim Nataxala', qataq 'am! ¡Qaq no'on da 'anachoxonnot qome Ñim Nataxala' da yaqto' qomi' ca'aisalo naqa'en na na'araxanaqpi! Nache so Moisés nachoxonnot co'ollaxa Ñim Nataxala'.